الموضوع: اتحكم في الكاوتش بدون تغيير الجنط

المشاركة الأصلية كتبت بواسطة geddo

الشكر كل الشكر لك أستاذي

ولكن لم تجبني عن تأثير تعريض مداس الكاوتش على الجنط
هل الجنط ال 14 اللي كان بيركب عليه المداس ال 165
هيستحمل زي جنط الكورولا ال 14 اللي شايل مداس 185
لو أنا فعلاً هراعي تغيير نسبة البروفايل بالنسبة للمداس

اه يا باشا كله واحد !! عرض الكاوتش مالوش علاقة بحجم الجنط وكذلك حجم الجنط مالوش علاقة بعرض الكاوتش ! الاهم في موضوع الجنط هو المسامير "هل هو 4 /5 / 8 مسمار ! والابعاد بتاعة المسامير عشان تركب مظبوط عندك

سؤال كمان معلش
المقاسات اللي انت قلتها هذه هتخلي البروفايل يحسسني أكتر بالمطبات وللا الفرق هيكون إزاي
يعني هل يوجد اختلاف بالنسبة لإرتفاع البروفايل مع المطبات في كلتا الحالتين الآتيتين
الأصلي 60% من 165
والجديد 55% من 185

لا مش هتفرق معاك في الاحساس بالمطبات لان الجنط حجمه صغير 14 ! حتى ولو مع بروفايل قليل مش هيعملك مشاكل

يعني انا كنت عندي مقاس الكاوتش في الياريس 185/60/15 لما غيرت الكاوتش ركبت جنط اسبور 16 مع كاوتش 195/50 العفشة نشفة شوية وبقدت بتهبد في الحفر بس ده لاني كبرت الجنط مع بروفايل قليل ! انما في حالة حضرتك انت مش هتكبر حجم الجنط كذلك البروفايل مايعتبرش قليل بالنسبة لحجم الجنط ال 14

يعني لو هتقارن البروفايل 60% من 165 هتلاقيها قريبة من 55% من 185

وهل لما أعرض الكاوتش كدا هيخلي العجل اللي أدام يحك ف الكارتيرات وكدا وللا إيه وماذا عن العجل اللي ورا



وبجد شكراً جزيلاً لأنك عبرتني

هو موضوع انه يحك في الكارتيرات ده مش متاكد منه بصراحة لان ده بيعتمد على حوض العجل من جوة وده بيختلف من عربية للتانية

بس انت ممكن عشان تتجنب الموضوع ده تخليك في ال save side وتركب عرض 175

وهيمشي مع البروفايل 55 ! المقاس هيبقى 175/55/14

او ممكن تاخد فردة من عندك في الكورولا وتركبها في البيكانتو كتجربة للعرض 185 ! لو ظبطت وماحكتش تشتري المقاس المناسب