أول ما فكرت اشتري العربية كنت حاسس إن فيها تميز ومكانش في دماغي مانوال و أوتوماتيك والكلام دة

لكن في أخر إسبوع العربية بقت زي الوباء قدامي بقيت تقريباً بشوفها في كل مكان لدرجة انها وصلت اني بشوفها مرتين في إليوم بعد ما كنت بأشوفها مرة كل شهرين مثلاً !

مرة كنت ماشي الصبح في المهندسين لقيت واحدة فضي جاية في المقابل وبليل لقيت واحدة فاضي قدامي وفي نفس إليوم واحدة كحلي !!
يوم تاني شفت واحدة حمرا وبعديها واحدة رمادي
بقيت بشوفها زيرو من غير نمر كتير

مش دة المهم

قصدي من الموضوع هل فعلاً ثقافة المصرين بدأت تتغير وبدأوا يتحرروا من قيود تويوتا وميتسوبيشي و هوندا بعد مع اسعارهم بقت فلكية وأسعار الصيانة وقطع الغيار فاقت الالماني

هل ثقافة الاوروبين عن الهاتشباك و السيارة العائلية والشبابية في نفس الوقت ومفهوم الامان أولاً بدأت تتسلل للمصريين بعد ما بقت أسعار الالماني و الاوروبي اللي هو من أئمن السيارات في العالم بقت مقاربة للياباني بدون إنقاص حق بعض العربيات الياباني في الامان ؟
لأني كمان شايف إن عربيات الاستات الاوربي زي الميجان و ال- ٣٠٧ وغيرها انتشرت جداً
الناس بقت بتركز في عوامل الامان وبقت بتفاضل ماركة عن التانية بسبب وجود عوامل أمان أكتر

وهنا يلعب دور الأروبيين اللي عربيتهم لا تتنازل عن عوامل الامان مهما كنت فئة العربية

ملاحظ انتعاشة في مبيعات الليون لدرجة انها بقت بالحجز لأول مرة وتجرأ الوكيل وعلى سعرها ٥٠٠٠ جنيه

ممكن تكون مجرد تهيؤات لكن بجد أنا بقيت بشوف الليون كتير وبصراحة دي حاجة مزعلاني


Thanks
Eng.Sherif Shaker