بعد أزمات البنزين المتكررة هل ينصح بالتحويل إلى الغاز؟

**mem** · 10-06-2012 02:21 AM

غير ان الاسطوانة بتاعته تقيله وهى فاضية ما بالك لما تفول يعنى حمل على العربية ماشى بيه على طول

**alaamousa** · 10-06-2012 04:23 AM

بسم الله الرحمن الرحيم
السلام عليكم بعد لقاء اخويا انهاردة وسؤاله عن الغاز معاه عامل ايه لخصهالي في الاتي :
اولا عربيته ما شاء الله معاه 3 سنين من الزيرو وهي غاز
ثانيا عاملة حوالي 130000 الف كيلو حتى الان ولم تحدث اي مشاكل
ثالثا نوع العربية فيرنا موديل 2009 كاملة
رابعا المشاكل اللي ظهرت معاه بسيطة بيروح البنزينة 5 دقايق الموضع بينتهي بفضل الله
الاسطوانه اذا تكبست تمام ب حوالي 6 جنيه والتبس حوالي ربع جنيه او نص انت وذوقك لانها كلها توفيلتها ب 6 جنيه
الغاز كاش بيتكلف 5000 جنيه انما هو قاللي في قسط وبقدم بسيط بس بصراحة هو مش فاكر
العربية اذا كانت في الزحمة تعمل 120 كيلو واذا كانت في الزحمة ومشغل التكييف 100 كيلو
اما اذا كنت على الطريق السريع 150 كيلو
مشاكله مع التكييف لا تذكر وانا ركبت معاه كتيير وهو مشغل التكييف صوت المكنة مش عالي لان الفيرنا بطبيعتها صوت المكنة عالي شوية
في السحب ضعيف بسيط جدا وده يرجع لان احتراق الغاز ابطء من احتراق البنزين
يارب اكون قدرت اوصلكم معلومة لا تنسوني بالدعاء وجزاكم الله خيرا.....

**alaamousa** · 10-06-2012 04:26 AM

ربي اسالك خير ما في هذا اليوم وخير ما بعده واعوذ بك من شر هذا اليوم وشر ما بعده

**khalid_adel** · 10-06-2012 01:18 PM

المشاركة الأصلية كتبت بواسطة semi

لا طبعا العربية اللي مش نازلة غاز اصلا وبتتحول لتعمل غاز موتورها بيهلك بسرعة
وبضطر تعمل كل فترة نص عمرة غير ان اداء المحرك بيبقى اقل من اداءه مع البنزين
وبيقلل من عمره الافتراضي بأختصار مشروع تحويل العربية لغاز ده مشروع فاشل
وسألوا سواقين التاكسي
لكن كتوفير انت بتتكلم في 70 كيلو تمشيهم ب6 جنيه :)
بس ياجماعة انا شايف كده ان الناس تقبلت فكرة ان البنزين يغلى
ايه السلبية دي ده انا اولع في البلد لو البنزين غلي
هي سايبة ولا ايه

ياباشا متقلقش دانا بس مستني اليوم ده وكل اللي حواليا عارفين ده كويس
وحتبقى اول مره في حياتي انزل مظاهرة ولا التحرير
هيا ناقصة ياولاد ال..... ده احنا بنكلمها زق وستر من عند ربنا