رقم العضوية : 16065
تاريخ التسجيل : 09Aug2008
المشاركات : 3,929
النوع : ذكر
الاقامة : 6 اكتوبر - الحي الثامن
السيارة: Grand Terios 2012
السيارة[2]: Seat Cordoba 2002
دراجة بخارية: لا يوجد
الحالة :
متعملش جوانات حضرتك اشتري شورت بلوك و غيره باللي عندك تجيبه 1000 تجيبه 1400 براحتك ولكن نصيحة لوجه الله متعملش جوان وش السلندر لأنه اللي هيفك هيدخلك في حوارات هتوصلك التكلفة للشورت بلوك
و طبعا انا مع زيلفي اللي بيقول ان الصح تسقيط الموتور علي فتيسه و لكن اولا الفرق مش كبير قوي بين الموتور ال 1000 و 1400 لذلك ينفع يشتغل علي فتسيه و ثانيا بنحاول تقليل التكلفة لك قدر المستطاع
ولو تقدر تشيل خالص و تسقط جديد برضه براحتك المهم تكون تقدر علي التكلفة و تشوف حد محترف يسقطلك عشان تنجح العملية
بالتوفيق ان شاء الله و دائما تفاءل بالخير تجده و نحن لا يوجد في ديننا تشاؤم
م / إيهاب منصور
SEAT CORDOBA 2002 1.0 16V AVZ
رقم العضوية : 94704
تاريخ التسجيل : 14Apr2011
المشاركات : 12,403
النوع : ذكر
الاقامة : Haram - Giza
السيارة: OPEL VECTRA 2.0
السيارة[2]: Seat IBIZA 1999
دراجة بخارية: NO
الحالة :
Eng. Mohamed Sayed | MS Networking TrainerIBIZA MK2 (Typ 6K) APQ 1.4 MPI R4 44KW - 60hp
صفحة القسم علي الفيس بوك
رقم العضوية : 94704
تاريخ التسجيل : 14Apr2011
المشاركات : 12,403
النوع : ذكر
الاقامة : Haram - Giza
السيارة: OPEL VECTRA 2.0
السيارة[2]: Seat IBIZA 1999
دراجة بخارية: NO
الحالة :
Eng. Mohamed Sayed | MS Networking TrainerIBIZA MK2 (Typ 6K) APQ 1.4 MPI R4 44KW - 60hp
صفحة القسم علي الفيس بوك
رقم العضوية : 94704
تاريخ التسجيل : 14Apr2011
المشاركات : 12,403
النوع : ذكر
الاقامة : Haram - Giza
السيارة: OPEL VECTRA 2.0
السيارة[2]: Seat IBIZA 1999
دراجة بخارية: NO
الحالة :
قدر الله وماشاء فعل
بص يا باشا
بالنسبة للجوان
لو اتعمل صح، مش هتحس بأي فرق
انا ليا واحد زميلي عملها في جولف وكشط الوش وركب جوانيين
ومفيش مشاكل
والتكلفة هتكون في الحدود دي
فك وتركيب حوالي من 200-250
الخراط من 150 - 200
الجوانين من 150-200
سيليكون حراري حوالي 75
زيت موتور - حسب الزيت
فلتر زيت -
تنظيف ردياتير وتغيير مياة تبريد
لو العملية مش مريحة معاك حاليا خليك في الحل دة
اما لو متيسرة وتقدر تغير
فغير بردو شورت بلوك زي ماقولنا
هتجيب شورت بلوك 1400 (البلوكة + النص الفوقاني بتاع غطاء التاكيهات)
بالنسبة لتحليل الموقف الي حصل معاك
طبعا ثبات درجة الحرارة دة اولا بسبب ثرموستات الكوع
ولكن ثباتها حتي مع الغليان الشديد لدرجة ان الجوان ضرب فدة كدة معناه ان حساس الحرارة بايظ وبيدي قرايات خاطئة
صوت المروحة وتشغيلها دائماً علي السرعة العالية
اما المروحة مش بتاعتها
او الفيشة بتاعة المروحة مش بتاعتها ومعمولة بلدي - ودة احد اهم الأسباب انها دائما تشتغل علي السرعة العالية
نصيحتي ليك
لو هتاخد بالحل بتاع الشورت بلوك او لو حتي هتعمل الجوان
هات ضفيرة انجيكشن او بيسموها الضفيرة الصغيرة او نص الضفيرة
الضفيرة دي اولها عند البوابة وفيش الرشاشات - واخرها عند حساس الحرارة والسرعة مرورا بفيش الموتور.
صدقني لما تغيرها بواحدة رايقة وفبريكة هتحس بفرق عجيب في العربية
وربنا يوفقك
Eng. Mohamed Sayed | MS Networking TrainerIBIZA MK2 (Typ 6K) APQ 1.4 MPI R4 44KW - 60hp
صفحة القسم علي الفيس بوك
رقم العضوية : 94704
تاريخ التسجيل : 14Apr2011
المشاركات : 12,403
النوع : ذكر
الاقامة : Haram - Giza
السيارة: OPEL VECTRA 2.0
السيارة[2]: Seat IBIZA 1999
دراجة بخارية: NO
الحالة :
يابشمهندس ايه المشكلة لو غير جوان وكشط وركب جوان اضافي ؟؟؟
هو لا هيغير صبابات ولا بليهات ولا سبايك ولا هيلعب جوة المكنة في حاجة
الا لو كانت المكنة من الأول فيها مشاكل
لكن لو علي جوان وش السلندر فدة بيتغير عادي وفي عربيات موديل السنة كمان
اهم حاجة الصنايعي يكون امين ويشتغل علي قد المطلوب بس ومايفتحش في حاجات تانية
تحياتي ليك يابشمهندس ايهاب
Eng. Mohamed Sayed | MS Networking TrainerIBIZA MK2 (Typ 6K) APQ 1.4 MPI R4 44KW - 60hp
صفحة القسم علي الفيس بوك
رقم العضوية : 125812
تاريخ التسجيل : 07Jun2012
المشاركات : 2,519
النوع : ذكر
الاقامة : Dammam-KSA
السيارة: Lada 2105 1984 Sold
السيارة[2]: Ibiza 6K 101 HP
دراجة بخارية: لا يوجد
الحالة :
سامحونى ياجماعة على التأخير فى الرد
أولا 1000 شكر للأستاذ سيد والبشمهندس ايهاب على الافادة
ثانيا: الحمدلله ربنا كرمنى وجيبت موتور aex 1400 بالضفيرة والكونترول والفتيس
انا اشتريته بالفتيس علشان كان كله على بعضه واشتريته من المستورد الوحيد فى الاسكندرية اللى بيوزع على تجار الاستعمال كلهم + ان مكانش معايا ميكانيكى علشان يحل الفتيس من الموتور لان البشمهندس أحمد هريسة الميكانيكى المعروف مش بيطلع بره الورشة بتاعته والراجل المستورد معندوش حد يعرف يحل الفتيس علشان هو بتاع جملة + كمان انى لاقيت السعر فرصة وخسارة افوتها
المهم بعد معاناة مع الطرفين فى محاولات اقناع التاجر انه يرضى يبيعلى الموتور من غير ما يكون معايا الميكانيكى علشان يستلم الموتور ومحاولة اقناع الميكانيكى انه يسيب ورشته ويجى يستلم الموتور معايا.... اخيرا وافق التاجر انه يبيعلى الموتور من غير مايكون معايا الميكانيكى وده كان يوم الخميس الساعة 7 وطبعا علشان هريسة بيقفل الساعة 9 لم يبدأ شغل فيها غير يوم الجمعة الصبح
بصراحة انا كنت فاكر ان الموضوع هياخد حوالى يوم ونص او يومين علشان يخلص تسقيط الموتور ورحتلو يوم الجمعة بعد الصلاة علشان اشوف لو محتاج حاجة اجيبهاله ولاقيت انه حل الموتور بيتاعى وبيقفل فى الموتور الجديد والساعة 3 كان سقط الموتور فى العربية وعلى الساعة 6 كان داور الموتور
الحمدلله الموتور صوته ناعم والاسطوانة بتعاته طلعت كويسة ومش محتاجة تغيير ومغيرش الضفيرة علشان كانت مش محتاجة تغيير + ان الضفيرة اللى كانت مع الموتور الجديد كانت بتاعت بولو وقالى انها محتاجة تعديل علشان تركب
المشكلة اللى قابلتنا ان الجهاز اللى عنده مش قابل الاموبلايزر اللى عندى علشان جهاز صينى مش اصلى وقالى انى اصبر معاه اسبوعين علشان فى جهاز جديد هو جايبه من بره وده اللى هايقبل بدل مايخلينى اغير ايموبلازر واخش فى تكلفة 300 جنيه زيادة ودلوقتى انا ماشى بالموتور الجديد والفتيس الجديد والضفيرة القديمة والكونترول القديم لحد مايجيب الجهاز الجديد وساعتها هيحط الكونترول بتاع الموتور الجديد ويظبطه
طبعا دلوقتى مش قادر احكم 100 فى ال 100 على الموتور وسحبه علشان فى لخبطة فى الكهرباء بسبب الكونترول القديم بس اللى اقدر اقوله ان العربية بعد 30rpm بتكون عايزة تطير وانى لحد دلوقتى مش عارف اجيب الخامس لان الرابع بيوصلنى لل 130 وال rpm بيكون على 40 ولسه مطلعتش بيها خارج المدينة علشان اجرب + انى مش عايز اقرص عليها على الاقل اول 500 كيلو علشان انا مش عارف الموتور ده واقف بقاله قد ايه
وبالنسبة للمروحة اللى كانت مش شغالة ده كان بسبب فيوز ودلوقتى بتشتغل على السرعة البطيئة والسرعة العالية بس ده نادرا لما بتكون الحرارة عالية يعنى الحمدلله شغالة بشكل طبيعى وبالنسبة لامبير الحرارة اللى معداش النص لما العربية جابت منى جوان ده كان بسبب ان تسريب المياه كان فى المنطقة اللى قبل حساس الحرارة علشان كده محسش بيها
انا عندى سؤالين:
1 هو ايه الايموبلايزر ده اصلا؟
2 هو ايه وظيفة الكونترول وهو المفروض لما يوصله بالجهاز ايه اللى يحصل؟
وشكرا
رقم العضوية : 94704
تاريخ التسجيل : 14Apr2011
المشاركات : 12,403
النوع : ذكر
الاقامة : Haram - Giza
السيارة: OPEL VECTRA 2.0
السيارة[2]: Seat IBIZA 1999
دراجة بخارية: NO
الحالة :
اولا الف مبروك العربية
انا أسف جدا
كنت كاتب كلام كتير جدا بس للأسف لما عملت ارسال كانت النت قاطعة وكل كلامي طبعا راح
باختصار
الأيموبلايزر مانع السرقة ودة مش بيخلي العربية تدور من غير مفاتحها
الكنترول هو الecu وهو مسؤول بشكل كامل عن كل حساسات العربية وعن توقيت التزويد بالوقود للمحرك
معلش انا اسف تاني مرة للرد بأختصار ولكني راجع من شغلي خلصان
بكرة ان شاء الله هرد عليك رد اوضح بكتير
وانت لو ليك اي ملاحظات قولها ونرد عليك ان شاء الله
والله المستعان
،
،
Eng. Mohamed Sayed | MS Networking TrainerIBIZA MK2 (Typ 6K) APQ 1.4 MPI R4 44KW - 60hp
صفحة القسم علي الفيس بوك
رقم العضوية : 125812
تاريخ التسجيل : 07Jun2012
المشاركات : 2,519
النوع : ذكر
الاقامة : Dammam-KSA
السيارة: Lada 2105 1984 Sold
السيارة[2]: Ibiza 6K 101 HP
دراجة بخارية: لا يوجد
الحالة :
رقم العضوية : 95760
تاريخ التسجيل : 21Apr2011
المشاركات : 118
النوع : ذكر
الاقامة : Alexandria
السيارة: Still in my 1st one :)
السيارة[2]: Ibiza
دراجة بخارية: No
الحالة :
مبروك ياباشا
انا بستمتع بصراحه بردود ايهاب وسيد
بس قولنا ياباشا جيبت الموتور بكام ومنين ف اسكندريه تحديدا...
وكمان ياريت نعرف هريسه اخد منك مصنعيه كام شاكب راكب ؟
رقم العضوية : 16065
تاريخ التسجيل : 09Aug2008
المشاركات : 3,929
النوع : ذكر
الاقامة : 6 اكتوبر - الحي الثامن
السيارة: Grand Terios 2012
السيارة[2]: Seat Cordoba 2002
دراجة بخارية: لا يوجد
الحالة :
الف مبروك أستاذ كريم علي التغيير و يارب يكون كل الشغل تمام
أنصحك بعد تركيب الموتور و تجربته و استقرار الأوضاع انك تعمل سيرفيس كامل للموتور سيور و فلاتر و زيوت و سوائل و بوجيهات و تراجع علي كابلات البوجيهات عشان تركب العربية و تعيش حياتك و تستمتع بيها
بخصوص أسئلتك
1- الايموبلايزر ده عبارة عن جزء حلقي الكتروني موصل بجزء أخر صغير اسود خارج منه كابلات واصلة لكنترول السيارة و جزء أخر مثبت في مفتاح السيارة
وظيفته هو قراءة شفرة مفتاح السيارة و مطابقتها مع الشفرة المبرمج عليها الكنترول و عند تطابق الاثنين يقوم الكنترول باخراج اشاراته للمحرك للتشغيل و بدون هذا التطابق لن تتمكن ابدا من ادارة المحرك و هما حاولت مش هيدور و دي من اهم مميزات هذه السيارات انها مش بتدور ابدا بدون مفتاحها
طبعا فيه طرق كسر التشفير ده و لكن صعبه و قليل ان حد يعرف يعملها او يفهمها
2- وحدة الكنترول اللي هي ال ECU دي تقدر تقول هي العقل المركزي لادارة عموم مكونات السيارة الكهربية و الميكانيكية
كيف يتحكم الكنترول فيها ؟ عن طريق وجود بعض الحساسات علي المحرك و في أماكن مختلفه في عموم السيارة يعني التكييف فيه حساسات و الفرامل ال abs فيها حساسات و وحدة كنترول خاصة بها و نور الصالون فيه وحدة كنترول صغيره بتتحكم في عمله هو و السنتر و الكاسيت الاوريجينال مربوط بالكنترول (ده طبعا في موديلات بداية من 2000 و لكن الأقدم فيه كنترول و لكن التحكم في وحدات السيارة أقل)
لما بتحصل مشكلة في اي جزء من هذه الأجزاء بتعطي error خطأ و بيتسجل داخل الكنترول ولما بتدخل بالجهاز بتقدر تعرف المشكلة فين من الخطأ و رقمه و تفسيره و دي احد اسباب توصيل الجهاز بالكنترول
طبعا فيه حاجات تانية بتتعمل في الكنترول بواسطة الكابل و البرنامج اللي هلي الجهاز زي (تكويد الكنترول علي الايموبلايزر الخاص بالسيارة - عمل basic setting للمحرك بعض فصل البطارية عن الكنترول و .... و فيه حاجات تانيه كتير لا وقت لذكرها و لكن دول اهم حاجه)
و بالتوفيق ان شاء الله
م / إيهاب منصور
SEAT CORDOBA 2002 1.0 16V AVZ
المفضلات