كنت فاكرو صوت تاكيهات واتارى الابيزا 98 مافيهاش تاكيهات

**SYD** · 03-07-2012 02:49 PM

المشاركة الأصلية كتبت بواسطة Karim Ibiza

يعنى لما بكبس على دواسة البنزين بتتخنق لكن عشان متتخنقش لازم اسايسها واحدة واحدة عشان تجمع وكمان النقلات مش بتوصل للسرعات المفروضة يعنى مثلا الغيار الثانى المفروض يكون 80 لكن بتوصل 70 وال RPM بيكون فى ال red zone, انا متأكد ان الاسطوانة كويسة بس مش عارف هل ده ظبط اسبراتير ولا رشاشات مسدودة؟؟؟

ليا تعليق حابب اقولهولك عشان بردو تكون مقتنع

انت واضح انك بتركب مع حد زميلك معاه جولف او حاجة زي كدة 1600 او اكثر

عربياتنا دي اولا انجيكشن مش كربراتير

وكنا قولنا لحضرتك قبل كدة ان انجيشكن يعني فيها كنترول (متحكم) بيتحكم في كل ما يخص التغذية بالوقود (الرشاشات والبوابة وخلافه)

المفترض لما حضرتك بتدوس بنزين البوابة بتفتح بقدر معين
تقوم تقول للكنترول انها فتحت
يقوم الكنترول مدي أمر بالتغذية

لما حضرتك بتكبس مرة واحدة
الكنترول مش بيدي الأمر بالتغذية فوراً
اعتقد انه بيستني لمدة ثانيتين يشوف هل سبب الضغط المفاجئ دة لخطأ ما ولا السواق قاصد
فبيستني وكأن شيئاً لم يكن
ولكن لما بيلاقي اصرارك بيستجيب ويبدأ يرفع الأر بي ام واحدة واحدة بردو مش مرة واحدة زي مانت عايز

وبناء علي هذا التصور طوروا في دواسة البنزين في الموديل الي بعدينا علي طول وعملوا الدواسة كهربا علي حساس بدل الواير بتاع الأكسلاتير عشان تبقي المنظومة كلها الكتروني وليس جزء الكتروني وجزء ميكانيكال

علي عكس الكربراتير
فتح البكات وبوابة الهوا بيتم ميكانيكيا مع سلك الأكسلاتير
فبمجرد الضغط علي الدواسة بتفتح تلقائيا علي قدر دوستك وفي نفس لحطة دوستك - يعني بيتم بينهم تزامن او synchronization

دة تفسيري المتواضع بناء علي خبرتي (مش الطويلة اوي) مع سيارات فولكس والمحركات الأنجيكشن والكربراتير

والله المستعان
،
،

**Karim Ibiza** · 03-07-2012 05:01 PM

المشاركة الأصلية كتبت بواسطة ehab_mansour

يا أخي الفاضل الرحمه شوية تاني ايه اللي بيوصل 80 ؟؟
دانا بمشي بالعربية سرعات لأني بسافر كتير و عمري ما عديت 6 ار بي ام رغم اني موتور عربيتي بيخرج أعلي قوة له عند 6600 ار بي ام

يعني عايزك تستمتع بالعربية و لكن من غير اهانه يعني ايه يخليك تجيب 80 ولا حتي 50 علي التاني طالما فيه ثالث و رابع انا اللي اعرفه في حياتي ان طالما مش محتاج ازود ار بي ام و معايا غيارات اغيرها موصلش للأر بي ام العالي غير لما اكون خلاص جبت الخامس و طريق فاضي و محتاج امشي سرعات خلاص ادوس

متزعلش من كلامي و لكن ده للحفاظ علي عربيتك غير دايما علي 3000 الي 4000 بالكتير ار بي ام عشان تحافظ عليها

ياهندسة انا مش بمشى كده على طول بس الفكرة انك لما بتركب عربية جديدة عليك او مركب موتور جديد فابتكون عايز تجرب تشوف ايه امكانياته وبتخرج كل قوته للتجربة فقط عشان لما تحب تشد مع حد تبقى عارف ال perfect shift يكون امتى, لكن فى العادى بنقل على 3000 او 4000 طالما مش محتاج تجميع سريع

بخصوص مشكلتك فمن خلال متابعتي لكلامك السابق انت تقريبا عملت السيرفيس كله ما عدا البوجيهات و فلتر البنزين غيرهم ولو عايز تحتفظ بالبوجيهات القديمة اللي جايه مع المحرك مترميهاش خدها ولو مش هي المشكلة ابقي ركبها تاني

علي فكرة نفس مشكلتك دي يشبهها كان عندي في عربيتي امبارح و كمان كانت بتبطل لدرجة انها بطلت مني 5 مرات و بتدور تاني ولكن بدون عزم و ده و هي باردة المهم انا عارف ان البوجيهات تعبانه لأني كنت واخدهم من صديق بجربهم لأسباب معينه في دماغي و كانو ماشيين 60 الف كيلو عنده و انا مركبهم بقالهم حوالي 15 الف كمان المهم قلت كفاية كده و غيرتهم امبارح و الحمد لله كله زي الفل النهارده الصبح

فغير بوجيهاتك و قلي ايه الأخبار و كمان نظف أطراف كابلاتها من الناحيتين و تأكد ان اطراف الاسبراتير نظيفه و بتلمع و ياريت تصوره لنا نعرف هو الكتروني ولا بيتظبط عشان نقلك يتضبط ازاي

فعلا انا لازم اغير البوجيهات وفلتر البنزين بس هل ينفع انى اغير البوجيهات بنفسى ولا لازم الميكانيكى؟ انا عارف ان البوجيهات فى مكان مزنوق ومتهيائلى لازم اشيل المنافول عشان اعرف اوصلها, ياريت تصححلى المعلومة دى

والله الموفق

**Karim Ibiza** · 03-07-2012 05:05 PM

المشاركة الأصلية كتبت بواسطة SYD

تمام زي المهندس ايهاب ما قالك
غير البوجيهات وفلتر البنزين

حد ينسي دوول يا راجل ؟؟؟

انا منسيتش والله بس الميكانيكى كشف عليهم وقالى انهم كويسين بس فعلا عندك حق والبشمهندس ايهاب عنده حق فى موضوع البوجيهات ده لان حتى لو حالتهم كويسة فاالمدة اللى كان واقفها الموتور على الارض كافية انها تخليهم يرطبو

دة اول حاجة بتعملها انك بتغير فلتر البنزين اول لما بتسقط الموتور الجديد

انا غيرته مرتين اول لما سقطت المكنة ولسة مغيره للمرة الثالثة بعد تنظيف الرشاشات
وكل دة في حدود ال7000 كم

غيرته اول لما سقطت

ورجعت غيرته مع غيار الزيت

ورجعت غيرته لما نظفت الرشاشات

زي ما بتغسل بالزيت وترميه وتحط غيره
بردو بتغسل بفلتر البنزين وترميه وتركب غيره

ربنا يوفقك
وتستمتع بعربيتك

والله المستعان
،
،

**Karim Ibiza** · 03-07-2012 05:25 PM

المشاركة الأصلية كتبت بواسطة syd

ليا تعليق حابب اقولهولك عشان بردو تكون مقتنع

انت واضح انك بتركب مع حد زميلك معاه جولف او حاجة زي كدة 1600 او اكثر

انا فعلا سوقت عربية واحد صاحبى بولو 2000 وكان متسقطلها 1400 بس 16v واستجابتها سريعة جدا وده اللى كنت بقارن بيه بس من الواضح ان فرق الكامة الزيادة فرق كبير, وركبت مع واحد صاحبى ابيزا 94 بس موتور vr6 :copy of m-s5: طبعا مش هقدر اوصفلك شعورى وانا لازق فى دهر الكرسى من قوة العزم, طبعا انا مش بقارن :copy of m-s5:

عربياتنا دي اولا انجيكشن مش كربراتير

وكنا قولنا لحضرتك قبل كدة ان انجيشكن يعني فيها كنترول (متحكم) بيتحكم في كل ما يخص التغذية بالوقود (الرشاشات والبوابة وخلافه)

المفترض لما حضرتك بتدوس بنزين البوابة بتفتح بقدر معين
تقوم تقول للكنترول انها فتحت
يقوم الكنترول مدي أمر بالتغذية

لما حضرتك بتكبس مرة واحدة
الكنترول مش بيدي الأمر بالتغذية فوراً
اعتقد انه بيستني لمدة ثانيتين يشوف هل سبب الضغط المفاجئ دة لخطأ ما ولا السواق قاصد
فبيستني وكأن شيئاً لم يكن
ولكن لما بيلاقي اصرارك بيستجيب ويبدأ يرفع الأر بي ام واحدة واحدة بردو مش مرة واحدة زي مانت عايز

وبناء علي هذا التصور طوروا في دواسة البنزين في الموديل الي بعدينا علي طول وعملوا الدواسة كهربا علي حساس بدل الواير بتاع الأكسلاتير عشان تبقي المنظومة كلها الكتروني وليس جزء الكتروني وجزء ميكانيكال

علي عكس الكربراتير
فتح البكات وبوابة الهوا بيتم ميكانيكيا مع سلك الأكسلاتير
فبمجرد الضغط علي الدواسة بتفتح تلقائيا علي قدر دوستك وفي نفس لحطة دوستك - يعني بيتم بينهم تزامن او synchronization

دة تفسيري المتواضع بناء علي خبرتي (مش الطويلة اوي) مع سيارات فولكس والمحركات الأنجيكشن والكربراتير

تفسيرك منطقى جدا لأنى كان معايا لادا 2105 قبل الابيزا وكانت 1300 كاربرتير وانا فعلا حسيت بالفرق بين الانجيكشن والكربرتير فى دوسة البنزين لانى كنت اول لما ادوس كانت بترجم على طول مقدار الدوسة بضخ البنزين وحتى كنت بقدر اتحكم بالدواسة انى افتح باب الكربرتير التانى قبل ميعاده, من الواضح انى لسه مش واخد على حساسية الانجيكشن, اللى بيسوق كربرتير ويشد بيه بيخلى رجله غشيمه فى الدوسة

والله المستعان
،
،

الف شكر ياباشا على التفسير المفيد ده

**ehab_mansour** · 04-07-2012 01:26 AM

المشاركة الأصلية كتبت بواسطة akramlail

نفس المشكلة دى عندى فبولو 95 1300 اول ما بطلع بيها ع التانى بحس انها مخنوقة ودوسة البنزين مش بتستجيب وتنتف او تقطع كدة بعد فترة لما بمشى بيها مدة تبتدى تسلك بس بردة لما ساعات ادوس احس انها هتقطع والار بى ام ينزل فجاة ويطلع تانى دى بوجيهات ولا كهربا ولا بوابة لان مكانيكى قالى مسجلة بوابة

غير وش أسبراتير + شاكوش + بوجيهات + تنظيف أطراف سلوك البوجيهات + تنظيف البوابة جيدا لو كانت رشاش واحد + غير فلاتر هواء و بنزين

ان شاء الله هتتحل المشكلة
و بالتوفيق ان شاء الله

**SYD** · 04-07-2012 01:33 AM

المشاركة الأصلية كتبت بواسطة ehab_mansour

غير وش أسبراتير + شاكوش + بوجيهات + تنظيف أطراف سلوك البوجيهات + تنظيف البوابة جيدا لو كانت رشاش واحد + غير فلاتر هواء و بنزين

ان شاء الله هتتحل المشكلة
و بالتوفيق ان شاء الله

1+

**SYD** · 22-10-2012 04:41 PM

المشاركة الأصلية كتبت بواسطة hussein hijazy

طيب بعد كل اللى انا قريته انا بقيت قلقان انا عاوز اجيب ابيزا 98 او 99 تفتكروا حلوة ولا لا وهى انشجكشن و لا اية ؟؟؟ و الف شكر

في البداية برحب بيك في قسم سيات نايل موتورز

حضرتك قرأت ايه ؟؟ وقلقان من ايه ؟؟
الأخ صاحب الموضوع كان عنده اعتقاد والحمد لله مفاهيمه اتصححت وكان عنده كام مشكلة في عربيته وبفضل الله اتعملوا

الأبيزا 98 - 99 انجيكشن كامل بمواتير 1000 سي سي

موضوع حلوة او لاء محدش يقدر يقولها - انت حضرتك اسأل واحنا هنجاوبك وحضرتك هتحكم عليها حلوة ولا لاء بناء علي معايير اختيارك وتقييمك للعربية.

لكن انا شخصيا في رأيي الشخصي
هي عربية حلوة واقتصادية واعتمادية

الموضوع: كنت فاكرو صوت تاكيهات واتارى الابيزا 98 مافيهاش تاكيهات

LinkBack

أدوات الموضوع

عرض

-

-

-

-

المواضيع المتشابهه

ظبط تاكيهات

هى كده محتاجه ضبط تاكيهات

ضبط تاكيهات الادا

تاكيهات الماروتي

ضبط تاكيهات

الكلمات الدلالية لهذا الموضوع

المفضلات

المفضلات

ضوابط المشاركة