الموضوع: تحذير من البيكانتو 2008 خليجي

عليك و على جهاز حماية المستهلك

المشاركة الأصلية كتبت بواسطة hesham2004

عليك و على جهاز حماية المستهلك

+10000000000000

ألف شكر على النصيحة
بس جهاز حماية المستهلك طلب مني فاتورة البيع و أوراق مواصفات العربية من البائع.
و طبعاً الراجل ده أكيد مأمن نفسه و الدليل انه ما دانيش أي حاجة من تلك الأوراق و دي غلطتي اني ما طلبتهاش .
شكراً .

هو انت مش شارى زيرو ، لازم يديلك فاتورة وايصال بالمبلغ الى دفعته ، والكتالوج بتاع العربية بيبين المواصفات ، و افراج الجمرك برده بيبين المواصفات الى دخله بيها العربية . و فى كل الأحوال لو محصلتش على المستندات الى انت عايزها منه ، بيبقى الأصل موجود فى المرور و نسخة فى الجمارك ، و لو عاوز نسخة من الى فالجمارك ، باذن الله ممكن اجيبهالك ( لو من جمرك الأسكندرية ) هات لى بس اسم المستورد و رقم الشهاده الجمركية و تاريخها و رقم الشاسيه ( المعلومات دى بتكون فى صورة ملحق الأفراج الجمركى الى رخصت بيه )

ازاي حضرتك ما اخدتش فاتوره بيع؟؟
امال العربيه حترخصها باسمك في المرور ازاي؟؟؟
و بعدين انا شاكك في كلام الورشه دي
مافيش عربيه بتنزل الخليج حاليا من غير تكييف

المشاركة الأصلية كتبت بواسطة hazem_khidr

ازاي حضرتك ما اخدتش فاتوره بيع؟؟
امال العربيه حترخصها باسمك في المرور ازاي؟؟؟
و بعدين انا شاكك في كلام الورشه دي
مافيش عربيه بتنزل الخليج حاليا من غير تكييف

+11111111111

المشاركة الأصلية كتبت بواسطة hesham2004

هو انت مش شارى زيرو ، لازم يديلك فاتورة وايصال بالمبلغ الى دفعته ، والكتالوج بتاع العربية بيبين المواصفات ، و افراج الجمرك برده بيبين المواصفات الى دخله بيها العربية . و فى كل الأحوال لو محصلتش على المستندات الى انت عايزها منه ، بيبقى الأصل موجود فى المرور و نسخة فى الجمارك ، و لو عاوز نسخة من الى فالجمارك ، باذن الله ممكن اجيبهالك ( لو من جمرك الأسكندرية ) هات لى بس اسم المستورد و رقم الشهاده الجمركية و تاريخها و رقم الشاسيه ( المعلومات دى بتكون فى صورة ملحق الأفراج الجمركى الى رخصت بيه )

بصراحة انا ما خدتش إيصال بالمبلغ و الكتالوج موجود بس لجميع الموديلات حتى الي من غير تكييف و انا فعلاً هاروح المرور و أخد صورة من المستندات الي رخصت بيها و هاطلع على حماية المستلك و اقدمهلهم و إن شآ الله خير .
و شكراً جداً على اهتمامك يا أخي العزيز

المشاركة الأصلية كتبت بواسطة hazem_khidr

ازاي حضرتك ما اخدتش فاتوره بيع؟؟
امال العربيه حترخصها باسمك في المرور ازاي؟؟؟
و بعدين انا شاكك في كلام الورشه دي
مافيش عربيه بتنزل الخليج حاليا من غير تكييف

ألف شكر على المرور
بس دة إلي حصل فعلاً و الي انا عرفته ان الراجل دة بيروح يشتري العربيات من الوكيل في السعودية و بيطلب منهم يشيلو التكييف عشان الجمارك و هو منه لله بيركبه هنا في مصر .
و انا بصراحة أول مرة في حياتي اشتري زيرو فا ماكنتش عارف ايه الأوراق الي لازم أخدها من المعرض غير أوراق الترخيص و على العموم انا برده مش هاسكت و هاحاول اروح اجيب منه فاتورة .
و شكراً