ماتريكس خليجي 2006 و اخرها في السرعة 140 بس

السلام عليكم

ارجو من السادة ذوي الخبرة افادتي في مشكلتي اذا كانت مشكلة فعلا !!!

انا كان معايا اكسنت 2002 و كانت ماشاء الله بتجيب معايا ع الطريق 175 كلم

و لما غيرت و نصحوني بالماتريكس الخليجي لانها فارقة كليا عن بتاعت غبور

و فعلا ما شاء الله فروقات رهيبة و كتيرة في كل حاجة بس لاحظت ان اخرها ع الطريق

في السرعة 140 بس !!!!

سواء مشغل الاوفر درايف او معطله !!!!!

فهل في مشكلة عندي ولا ده العادي ؟؟؟ مع العلم انه عندنا ماتريكس مانيوال تبع غبور

و بجيب بيها 160 بس ما جربتش بعد كده ...

و مع العلم ايضا اني اشتريتها من مهندس بترول و استخدامه كان كويس و انا غيرت فيها

الحاجات اللي بتتغير لما الواحد بياخد عربية من ورا حد زي البوجيهات و السيور و الفلاتر

و الزيت ...

فبالله عليكم تساعدوني قبل ما اخد خطوة غلط ارجع اندم عليها رغم ان اخويا بيقولي

ده عادي في الاتوماتيك بتاع الماتريكس فقلتله عارف ان ماكنتها مش بتاعت جري

لكن عددها 220 !!! يعني ع الاقل اخره يكون 180 مثلا رغم اني مش هلاقي طريق

في مصر اجيب عليه ال 180 الا مثلا الدولي الساحلي ...

انا في انتظار ردودكم و مشورتكم و ربنا يجزي كل مشارك خير يا رب

و عليكم السلام و رحمة الله و بركاته
ألف مبروك العربيه
و يا ريت تقول لنا آخر سرعه دي بتبقي علي آر بي أم كام و هل لما حضرتك بتدوس الأر بي أم بيعلي و مبتزودش سرعه و لا العربيه بتتكتم و الأر بي أم مبيتحركش . و هل غيرت فلتر البنزين و العربيه عامله كام كيلو

أنا هرد فى جزئية عدادها 220 العداد يا باشا فى كل العربيات مش هو السرعة الحقيقية للعربية اللى المصنع قال عليها لكنه بيبقى واضع دايما سرعة أزيد فى العداد لربما الظروف تساعدك وتزود عن السرعة القصوى بتاعت العربية مثلا عندى الميجان عدادها 250 لكن سرعتها القصوى اللى بيقول عليها المصنع 190 كيلو وجابت مع ناس أقصى سرعة 220

سؤال بره الموضوع هي العربيه دي لونها كحلي وحضرتك شريها ب66 الف و500

ايه اخبار زيت الفتيس؟

حط العربية على الكمبيوتر واعرف العيب من ايه بس كدا

اقتباس:

---

المشاركة الأصلية كتبت بواسطة hossam99

و عليكم السلام و رحمة الله و بركاته
ألف مبروك العربيه
و يا ريت تقول لنا آخر سرعه دي بتبقي علي آر بي أم كام و هل لما حضرتك بتدوس الأر بي أم بيعلي و مبتزودش سرعه و لا العربيه بتتكتم و الأر بي أم مبيتحركش . و هل غيرت فلتر البنزين و العربيه عامله كام كيلو

---

شكرا لاهتمامك بسؤالي اولا ..

اخر سرعة جابتها العربية 140 و الار بي ام على 5 و دواسة البنزين على اخرها ... و طبعا اول ما جبتها غيرت كل فلاترها و هي عاملة 95 الف كيلو

و جربت ال 140 بالاوفر درايف و من غيره هي ال 140 بس ... مع العلم ان التسارع في التجميع حلو و مناسب لعربية في حجم الماتريكس ...

اقتباس:

---

المشاركة الأصلية كتبت بواسطة mohammedaladel

أنا هرد فى جزئية عدادها 220 العداد يا باشا فى كل العربيات مش هو السرعة الحقيقية للعربية اللى المصنع قال عليها لكنه بيبقى واضع دايما سرعة أزيد فى العداد لربما الظروف تساعدك وتزود عن السرعة القصوى بتاعت العربية مثلا عندى الميجان عدادها 250 لكن سرعتها القصوى اللى بيقول عليها المصنع 190 كيلو وجابت مع ناس أقصى سرعة 220

---

شكرا لمعاليك على المعلومة اللي ريحت بالي فعلا

اقتباس:

---

المشاركة الأصلية كتبت بواسطة m7mda7md

ايه اخبار زيت الفتيس؟

---

هي عاملة معايا 95 الف كيلو و المهندس صاحبها غيره قبل ما يبعها على 94 الف كيلو

يعني لسه قدامي على ما اظن لحد 130 الف كيلو ؟؟

اقتباس:

---

المشاركة الأصلية كتبت بواسطة toyota4arab

سؤال بره الموضوع هي العربيه دي لونها كحلي وحضرتك شريها ب66 الف و500

---

لونها نبيتي و اول يد من مهندس بترول و جبتها من على كونتاكت كارز و فيها رخصة 2014

و فابريقة بالكامل و صالونها زيرو جدا و كاوتشها وبطاريتها جداد و هو كان طالب ع النت

80 الف و لما كلمته قلتله انا جاي انفذ فعلا فقالي يبقى 75 الف و كمان اداني 500 ج في ايدي

علشان اصرف على تغيير الزيوت و الفلاتر .... فهو راجل قمة في الاخلاق ومعرفته احسن عندي

من العربية نفسها لانه كان قمة في الامانة ... فيعتبر العربية واقفة عليا ب 74500 جنيه

و الحمد لله جالي فيها من تاجر 77 الف ومن ميكانيكي مشهور في المنصورة عندنا 80 الف

و زي ما انت عارف ان المنصورة بيهتموا بحالة البوية و الصنايعية اللي فيها مشهورين بالحرفية

و ده اللي بيخلي العربيات عندنا اغلى من القاهرة نفسها و ده اللي خلاني اشتري من مدينة نصر

اقتباس:

---

المشاركة الأصلية كتبت بواسطة koshary

حط العربية على الكمبيوتر واعرف العيب من ايه بس كدا

---

و الله اخويا في السعودية معاه شيفورليه جيب قاللي نفس كلام حضرتك ..

بس اديني بجمع ارائكم و اراء اهل الخبرة علشان احصر خطواتي ساعة التنفيذ

و شكرا لمرورك و اهتمامك

لاءه طبعا مش طبيعي خاااالص
الماتريكس كانت مع ابن خالتي كنا بنجيب بيها 170 مرت
وبعدين 140 دي سرعه قليله جدااا مهما كانت العربيه اتوماتيك برده تجيب اكتر من كده لو هي سليمه
وممكن صاحبها ماكنش بيمشي بيها والعربيه مكتومه بس برده المفروض تزود عن 140 نت جربت كذا مره ؟

اقتباس:

---

المشاركة الأصلية كتبت بواسطة bmya

لاءه طبعا مش طبيعي خاااالص
الماتريكس كانت مع ابن خالتي كنا بنجيب بيها 170 مرت
وبعدين 140 دي سرعه قليله جدااا مهما كانت العربيه اتوماتيك برده تجيب اكتر من كده لو هي سليمه
وممكن صاحبها ماكنش بيمشي بيها والعربيه مكتومه بس برده المفروض تزود عن 140 نت جربت كذا مره ؟

---

انا برضه بقول نفس كلامك و فعلا جرتها اكتر من مرة على الدائري و انا رايح المطار اخرها 140 سواء مشغل زرار الاوفر درايف او فاصله مع العلم ان صوت الماكنة مش بيعلا نهائيا و الار بي ام واقف عند ال 5 !!!!!

و والدتي معاها ماتريكس مانيوال تبع غبور مش زي بتاعتي خليجي و بجيب بيها 160 بتسارع كويس و مش بطيء !!!!

بس هو فعلا اعتقد ان صاحبها كاتمها و ده اللي انا متوقعه ؟؟؟ فهل فتح الماكنة بالمشي بطريقتي انا و ضغطت رجلي ولا ليها شغل ميكانيكا مفروض اعمله ؟؟؟؟

حضرتك أمامك كذا إحتمال
الأول إن العربيه دي عايزه تجري شويه و تقرص علي الغيارات علي أر بي أم عالي
الثاني أنه يكون فيه خلل في منظومة العادم و العربيه مسدوده و في علبه شكمان عايزه تتغير
أقرص علي العربيه و طول علي الأر بي أم العالي و بعد كده جمع السرعه بكيك داون و طمنا عليك

ريح بالك و اسأل صاحب العربية اللي اشتريتها منه و اعرف منه ظروفها كانت ايه معاه و اعلي سرعة جابها ايه

بدل ما تدخل في احتمالات

طيب لو افترضنا انها مكتومه,جرب تستخدم منظف الانجكشن بتاع ليكوي مولي ب 35 جنيه....ممتاااااااااااااااا اااااااز....و نضف البوابه بالمره باسبراي gunk ب 25 جنيه

بص ياباشا بما انك اتوماتيك حضرتك الاتوماتيك بيتأثر اكتر من المانوال بطريقه السواقه وبيتكم اوي اكتر من المانوال
حضرتك غيرت الفلاتر والزيت كلها صح ؟؟؟
يعني غيرت زيت فتيس وفلتر
وزيت موتور وفلتر
وفلتر الهواء وفلتر البنزين (لو فيه)
والبوجيهات
لو غيرت كل دول يبقى كده الموتور ان شاء الله مفهوش مشكله
حضرتك تبدأ تفتح العربيه
اطلع على طريق فاضي وامشي بالنقلات اللي في الفتيس اللي هي L 2 يعني امشي اول و تاني بس واقرص عليهم ل rpm 6000 مثلا يعني عود العربيه على الفرص والجري
اصل غير معقول نهااااااااائي ان العربيه بالوفر درايف اوف زي من غير الاوفر درايف ده انا معايا عربيتي دايهاتسو سيريون و 1300 وماشاء الله بجيب ال 170 بكل سهوله و اتوماتيك
وكان معايا لانسر كريستاله قبلها ومكنتش معوده على الجري كانت مكتومه وكانت اتوماتيك وبرده اكانت على الاقل بتجيب 150

معلش سؤال للاستاذ محمد احمد هو منظف الانجيكشن بيستخدم ازاي عشان مجربتوش قبل كد\ه

اقتباس:

---

المشاركة الأصلية كتبت بواسطة hossam99

حضرتك أمامك كذا إحتمال
الأول إن العربيه دي عايزه تجري شويه و تقرص علي الغيارات علي أر بي أم عالي
الثاني أنه يكون فيه خلل في منظومة العادم و العربيه مسدوده و في علبه شكمان عايزه تتغير
أقرص علي العربيه و طول علي الأر بي أم العالي و بعد كده جمع السرعه بكيك داون و طمنا عليك

---

شكرا لاقتراحك بس حاسس اني ميال لرايك بتاع القرص ع النقلات ..

و انا هبدأ خلال ال 3 ايام الجايين اجرب فتح النقلات و هبقى اطمن حضرتك

و لانه كمان كان معايا اكسنت 2002 بس 1300 سي سي و والله كنت بجيب بيها

على طريق بورسعيد الساحلي 170 بدون تباطؤ في التجميع ... يعني ال 180 هي

اللي كانت بتتاخر في الوصول ليها ... و ما فكرتش اني اجيبها اصلا السرعة دي لاني كنت شاكر فضل ربنا اوي ع السرعة 170 على عربية 1300 سي سي !!!!!

اقتباس:

---

المشاركة الأصلية كتبت بواسطة m7mda7md

طيب لو افترضنا انها مكتومه,جرب تستخدم منظف الانجكشن بتاع ليكوي مولي ب 35 جنيه....ممتاااااااااااااااا اااااااز....و نضف البوابه بالمره باسبراي gunk ب 25 جنيه

---

انا ان شاء الله مفترض انها مكتومة و هجرب اللي حضرتك قلت عليه لانه على الاقل مفيد و غير ضار و ضروري عمله بالاضافة لعدم تكلفته المادية و هيبقى انا قفلت باب للشك

شكرا جزيلا على اقتراحك و مرورك و اهتمامك

اقتباس:

---

المشاركة الأصلية كتبت بواسطة bmya

بص ياباشا بما انك اتوماتيك حضرتك الاتوماتيك بيتأثر اكتر من المانوال بطريقه السواقه وبيتكم اوي اكتر من المانوال
حضرتك غيرت الفلاتر والزيت كلها صح ؟؟؟
يعني غيرت زيت فتيس وفلتر
وزيت موتور وفلتر
وفلتر الهواء وفلتر البنزين (لو فيه)
والبوجيهات
لو غيرت كل دول يبقى كده الموتور ان شاء الله مفهوش مشكله
حضرتك تبدأ تفتح العربيه
اطلع على طريق فاضي وامشي بالنقلات اللي في الفتيس اللي هي L 2 يعني امشي اول و تاني بس واقرص عليهم ل rpm 6000 مثلا يعني عود العربيه على الفرص والجري
اصل غير معقول نهااااااااائي ان العربيه بالوفر درايف اوف زي من غير الاوفر درايف ده انا معايا عربيتي دايهاتسو سيريون و 1300 وماشاء الله بجيب ال 170 بكل سهوله و اتوماتيك
وكان معايا لانسر كريستاله قبلها ومكنتش معوده على الجري كانت مكتومه وكانت اتوماتيك وبرده اكانت على الاقل بتجيب 150

---

اه فعلا عملت كل اللي انت قلت عليه اول ما اشتريتها و فعلا باين جدا الحمد لله ان الموتور مافهوش حاجة ان شاء الله

انا هبدأ اعمل موضوع النقلات اللي انت قلت عليه لاني فعلا حسيت من فترة لما قرصت عليها اول ما جبتها من شهر اداءها بقى اعلى من اول يوم جبتها فيه و حتى وصولي لل 140 بقى اسرع حبتين

شاكر ليك جدا .. و بالنسبة لاستخدام الانجكشن انا عرفت ان في نوع اسمه stp امريكي و لقيته في المنصورة عندنا ب 35 ج رغم ان في ناس بتقول انه ب 25 ج بس المهم هو هيبقى مكتوب عليه طريقة استخدامه ... و اللي عرفته من واحد استخدمه انه بيحطه في تنك البنزين على تفويلة كاملة و يبدأ يقرص في النقلات علشان يندفع البنزين مع السائل ده بقوة في ابرة الانجكشن ...

و هنزل اشتريه النهاردة و هعمله مع توصياتك ليا في القرص على النقلات ان شاء الله

و على فكرة في نوع تاني للانجكشن اسمه لكوي مولي تقريبا بيشكروا فيه برضه :)))

اقتباس:

---

المشاركة الأصلية كتبت بواسطة bmya

معلش سؤال للاستاذ محمد احمد هو منظف الانجيكشن بيستخدم ازاي عشان مجربتوش قبل كد\ه

---

تفضي العبوه علي تانك مليان..البعض بيقول تحرق علي الغيارات بس ده مش موجود ضمن التعليمات علي العبوه

اقتباس:

---

المشاركة الأصلية كتبت بواسطة seri0us

انا ان شاء الله مفترض انها مكتومة و هجرب اللي حضرتك قلت عليه لانه على الاقل مفيد و غير ضار و ضروري عمله بالاضافة لعدم تكلفته المادية و هيبقى انا قفلت باب للشك

شكرا جزيلا على اقتراحك و مرورك و اهتمامك

---

العفو يا باشا و ان شاء الله كده كده هيجيب معاك نتيجه حتي لو لا قدر الله في سبب تاني...علي الاقل هترجع نعومه العربيه كتييييييييير

الماتريكس مانيوال انا قافل بيها 180 على طريق السخنة وانا مشغل التكييف والعربية متكربسه بشر وشنط بس للآمانه هيه موديل 2010 وكانت وقتها عامله 55 الف كيلو فى العداد. بس اكيد عندك حاجه كاتمه العربية او مقفول الكمبيوتر بتاعها على السرعه دى . لآن بصراحه ماكينه الماتريكس حلوة اوى وبتسحب

اقتباس:

---

المشاركة الأصلية كتبت بواسطة elfashn

الماتريكس مانيوال انا قافل بيها 180 على طريق السخنة وانا مشغل التكييف والعربية متكربسه بشر وشنط بس للآمانه هيه موديل 2010 وكانت وقتها عامله 55 الف كيلو فى العداد. بس اكيد عندك حاجه كاتمه العربية او مقفول الكمبيوتر بتاعها على السرعه دى . لآن بصراحه ماكينه الماتريكس حلوة اوى وبتسحب

---

كلامك صح طبعا و انا كمان معايا مانيوال غير الاتوماتيك و بجيب بيها في اي سفر 160 ببساطة جدا ...

لكن اللي حصل لما جبت الماتريكس الخليجي استغربت بس من انها 140 و بس !!! فحبيت اطمن ان اللي

في بالي صح وهو ان صاحبها كانت رجليه ما بتفتحش الماكنة !!!!!

فان شاء الله انا هبدأ اظبط فتحات نقلاتها و هخليها زي المانيوال الي معايا و احسن منها كمان لان المكتومة

دي خليجي و ماكنتها اللي فيها غير بتاعت غبور نهائيا و غير اللي مع حضرتك و اللي في 2011 كمان

ده بالاضافة للكماليات الوهمية من فتحة سقف وكرسي هيدروليكي و مخدع في الكنبة الخلفية و حاجات

كتير تانية مش مجال ذكرها بس المقصود انه اكيد ان شاء الله هيبقى عيب استخدام صاحبها

الاولاني مش اكتر

شكرا لمرورك يا باشا و مشاركتك :)

اقتباس:

---

المشاركة الأصلية كتبت بواسطة bonanza

ريح بالك و اسأل صاحب العربية اللي اشتريتها منه و اعرف منه ظروفها كانت ايه معاه و اعلي سرعة جابها ايه

بدل ما تدخل في احتمالات

---

و الله كلام حضرتك صح بس انا من شخصية الراجل الهادية جدا خصوصا انه مهندس بترول في شركة انبي مدينة نصر و هو ساكن في مصطفى النحاس يعني خطوتين فاكيد ده دليل مشيه عامل ازاي !!!

و هو كمان شخصيته مش واحد شاغل نفسه بكلامنا احنا ع المنتدى .... يعني سايبها لله اوي فمش هوصل معاه لحاجة مفيدة و ده اللي مخليني مكبر دماغي اني اساله و قلت اسال البشوات هنا :)))))

و شكرا لمشاركتك و اهتمامك :))

اتاكد انها بتجيب ال اربع نقلات مش ماشيه على 3 بس

الاوفر درايف مدام لمبته مش منوره في التبلوه يبقى انت ماشي على 4 غيارات لو منوره يبقى انت ماشي ب 3

متخليش لمبه الاوفر درايف تنور لما تبقى ماشي فوق 140 لان انت كده بتنزل العربيه للغيار 3 على سرعه عاليه

زيت الفتيس ب عليه بنفسك عند صنايعي لازم يبقى احمر ونضييييييييييييييف لانه جديد زي ما الراجل بيقول

علبه الشكمان يتبص عليها والعربيه تتحط على الجهاز سكانر عند حد نضيف او مركز صيانه هيقولك اذا في حاجه محتاجه تتغير

نوعيه الزيت الي انت حاطه والفلاتر اذا اصلي او لا وكمان فتلر البنزين


-------------------------------

عموما في اعتقادي العربيه دي مكتومه من استخدامه البيتي ومفيش طرق

ليا واحد صخبي امه معايا كورولا 95 1300 اوتوماتك قعدت معاها من الزيرو ل 2003 مبتعديش 90

اتفرج بقى لما اخدنا العربيه كانت عامله ازاي مبتعديش 120 مع الجري والحرق بدات تفتح

اكيد الاداء هيتحسن مع الوقت ان شاء الله
ابقي طمنا

اقتباس:

---

المشاركة الأصلية كتبت بواسطة seri0us

و الله كلام حضرتك صح بس انا من شخصية الراجل الهادية جدا خصوصا انه مهندس بترول في شركة انبي مدينة نصر و هو ساكن في مصطفى النحاس يعني خطوتين فاكيد ده دليل مشيه عامل ازاي !!!

و هو كمان شخصيته مش واحد شاغل نفسه بكلامنا احنا ع المنتدى .... يعني سايبها لله اوي فمش هوصل معاه لحاجة مفيدة و ده اللي مخليني مكبر دماغي اني اساله و قلت اسال البشوات هنا :)))))

و شكرا لمشاركتك و اهتمامك :))

---

اتعب نفسك و اغرم مكالمة تليفون اشكرة فيها علي العربية و حالتها الحلوة و اسأله اذا كان سافر بيها او جري بيها يمكن يريح بالك و يقولك لا مجريتش بيها و ساعتها هاترتاح و تعرف ان الموتور عاوز يتفتح بس

تحياتي لحضرتك

اقتباس:

---

المشاركة الأصلية كتبت بواسطة حماده المصري

اتاكد انها بتجيب ال اربع نقلات مش ماشيه على 3 بس

الاوفر درايف مدام لمبته مش منوره في التبلوه يبقى انت ماشي على 4 غيارات لو منوره يبقى انت ماشي ب 3

متخليش لمبه الاوفر درايف تنور لما تبقى ماشي فوق 140 لان انت كده بتنزل العربيه للغيار 3 على سرعه عاليه

زيت الفتيس ب عليه بنفسك عند صنايعي لازم يبقى احمر ونضييييييييييييييف لانه جديد زي ما الراجل بيقول

علبه الشكمان يتبص عليها والعربيه تتحط على الجهاز سكانر عند حد نضيف او مركز صيانه هيقولك اذا في حاجه محتاجه تتغير

نوعيه الزيت الي انت حاطه والفلاتر اذا اصلي او لا وكمان فتلر البنزين


-------------------------------

عموما في اعتقادي العربيه دي مكتومه من استخدامه البيتي ومفيش طرق

ليا واحد صخبي امه معايا كورولا 95 1300 اوتوماتك قعدت معاها من الزيرو ل 2003 مبتعديش 90

اتفرج بقى لما اخدنا العربيه كانت عامله ازاي مبتعديش 120 مع الجري والحرق بدات تفتح

---

شكرا ليك جدا و احب اعرفك كل حاجتها اصلي و ماجبتش اي حاجة استثماري او صيني الحمد لله

هو فعلا بس ما بصتش على الشكمان و لا حطتها على جهاز و هعملهم ان شاء الله ...

بس انا حطيت منظف الانجكشن stp و حاسس بماكنة تانية تحت رجلي مبدأيا و مسافر الاربعاء

و هشوف الوضع هيبقى ازاي و كل اللي انا حاسه من كلامكم كلكم و من استخدامي انا انها

ان شاء الله مجرد فنيات في دوسة البنزين من صاحبها الاولاني و مجرد قرص ع الطريق و هتتظبط

باذنك يارب .......... ما نتحرمش من توجيهاتك يا باشا :))

اقتباس:

---

المشاركة الأصلية كتبت بواسطة wisambasha

اكيد الاداء هيتحسن مع الوقت ان شاء الله
ابقي طمنا

---

و الله انا مستبشر خير لاني حاسس ان النقلات فتحت اكتر من الاول

و ان شاء الله هيبان الفرق مع الايام و شكرا لدعواتك :))