للخبراء والأعضاء الكرام : فيات بونتو ولا سكودا فابيا ؟؟

**mous6fa** · 09-06-2012 02:51 AM

السلامـ عليكمـ ورحمة اللهـ وبركاتهـ
فائق شكرى وإحترامي لأعضاء المنتدى الكرام والقائمين عليه .. أنا معايا فيات بونتو 2001 موتور 1.2 v8 بقالها معايا حوالي 6 شهور وحاسس إنى مش مرتاح معاها لعدة أسباب ... يعني مثلا الأداء والتسارع ضعيف نظراً للموتور الصغير ده - كمان أتخنقت من قصة الحساسات بتاعة البوابة - وحاسس إنى لو جربت أسافر بيها من القاهرة للأسكندرية مثلا العربية هتكسفنى مش عارف ليه ... المهم أنا من قبل البونتو كنت بفكر فى الفابيا سواء كانت 1.0 أو 1.2 أو 1.4 خصوصا إن العربيتين من نفس الفئة السعرية ونفس سنوات الإنتاج (2001 - 2002).
عشان كده أنا عاوز رأي الخبراء هل أنقل من البونتو للفابيا وهحس بفرق كبير بينهم فى كل شىء ولا الموضوع مش مستاهل وبلاش أكره البونتو وأرضى باللى باخده منها ؟؟ مع ملاحظة إنى مش بسأل عن الفرق بينهم ف الصيانة أو قطع الغيار ... ولكن سؤالي عن الفرق ف الأداء والإعتمادية والثبات والقيادة نفسها.
وشكراً مقدمـــــــــــــــــــــ ـاً

**Dr'AhmZZong** · 09-06-2012 03:30 AM

حضرتك هتحس إن فابيا اضعف من بونتو ..

**S O P H O S** · 09-06-2012 03:45 AM

يبقي عملت ايه
فكر فعربية اقوي فالاداء علشان لما تحب تسافر او تشد بالعربية
تحس انها جاهزة تحت ايدك لاي حاجة
بالتوفيق ..

**Amr_Azab** · 10-07-2012 01:09 PM

المشاركة الأصلية كتبت بواسطة ahmazong

حضرتك هتحس إن فابيا اضعف من بونتو ..

أضعف من ناحية ايه بالظبط ؟! ياريت الآيضاح يا باشا
ممكن تجيب فابيا 1400 حتبقي اكيد اقوي من الـ 1200 اللي معاك غير طبعا ان حيبقي في فرق كبير في الثبات والنعومة بين الفابيا والبونتو
مع العلم انا معاية فابيا موديل 2002 1000 سي سي v8 مش 1400 وبسافر بيها من اسكندرية لمطروح (350 كم تقريبا) كل اسبوعين وبسم الله ماشاء الله ثبات العربية والمناورة علي السرعات العالية رائع جدا
(أقصي سرعة جبتها 150 كم / ساعة )