إمبارح ركبت زجاج كهرباء ووحدة رفع للانوس 2 عند هشام لهيطة فى التوفيقية , وده كان بناء على نصايح أخواننا فى المنتدى.
الحمد لله جربتهم كذا مرة إمبارح و النهاردة و شغالين كويس
عرض للطباعة
إمبارح ركبت زجاج كهرباء ووحدة رفع للانوس 2 عند هشام لهيطة فى التوفيقية , وده كان بناء على نصايح أخواننا فى المنتدى.
الحمد لله جربتهم كذا مرة إمبارح و النهاردة و شغالين كويس
مبرووووك عليك الزجاج الكهرباء ووحدة الرفع ..
بس قولنا إيه أخبار الأسعار علشان الفائدة تعم أكثر .. وشكراً ليك
الله يبارك فيك يا محمد
المكنتين الأماميتين إستيراد يابانى بالتركيب 400 بعد الفصال 390 بمفاتيح تايوانى
وحدة الرفع وولف بالتركيب 50 جنيه بعد الفصال 40 جنيه
التركيب أخد وقت ساعتين كانوا بيشتغلوا على مهلم أوى
الف مبروك ,
هو ركب الزرار الأصلي للإزاز الكهربائي و ده اللي بيتركب بجوار فرامل اليد ,
و هل تمنه داخل في الـ 400ج .
معلش يا أكرم آسف على التأخير فى الرد
الزراير الأصلى قاللى تمنها لوحدها 100 جنيه من عند محل تانى أشتريهم و هو يركبهم و يخصم تمن الزراير التايوانى اللى ركبهم
الزراير التايوانى ركبهم جنب فرامل اليد برضه
أعتقد إنك قولت قبل كده أو عضو تانى قال مش فاكر إن المكنتين بالزراير الأصلى ب 400 جنيه بس لما روحت قابلنى الأستاذ معتز مشرف المحل و قاللى الأسعار والمواصفة اللى ركبتهم.وما رضيش يفاصل نهائيا