هل فى مشكله لو حد خد فى الخامس فى حدايق الاهرام الهو دور بره الرخصه
و لو خد ازاى يضمن حقو فى انو ميتهدش؟
عرض للطباعة
هل فى مشكله لو حد خد فى الخامس فى حدايق الاهرام الهو دور بره الرخصه
و لو خد ازاى يضمن حقو فى انو ميتهدش؟
اخويا واخد فى الدور مش فاكر الرابع او الخامس برضه من غير رخصه
بس العقد مكتوب فيه ان الدور ليس عله نزاع او خلاف مع اى حد
بمعنى صاحب العقار هو المسؤل وةفى حاله ازاله الدور صاحب العقار مسئول يجبله شقه تانيه
دى فى الحدايق يا صاحبى؟
شكرا لتعبك معيا
اتمنى اعرف تفاصيل العقد و تفاصيا السعر و المساحه لو مش هدايقك طبعا
اووووووووووعى تاخد فى الدور الخامس حتى لو ساكن بيدوك مدة تخلى فيها الشقة وتاخد حقك من صاحب العمارة وبيهدوه ولو صاحب العمارة مالوش كلمة فى الحى هيشيلو الدور يعنى هيشيلوه لو هتاخد فيه لازم الشقه تكون بعداد و 99 % من الشقق دى مفهاش عداد كهرباء رسمى بيبقى انشاءى اسألنى انا ساكن هناك ومشاكل عندنا كتير اوى اوى الحمد لله انا ساكن فى الثانى واوعى تاخد شقه مفهاش عداد كهربا علشان هتدوخ بجد
على حد علمى الادوار اللى مبنية مخالف صعب يحصل فيها مشاكل لو اللى بانيها مظبط اموره كويس
كده كده اللى الاتجاه العام اللى ماشى فى بلدنا ما بيروحش فى سكة الازالة ديه الا فى حالات معينة
و برده صعب يزيل حاجة حد ساكن فيها ....و ده بيتم اثباته بطرق كتير من قبل ما الشقة تسكن
مشاكل الكهرباء ديه بيتحايلوا عليها و يحلوها حتى لو دخل العداد بتاع شقة من الادوار اللى مسموح بيها
و كده و كده التاريخ فى بلدنا العظيم بيبين انه فى الاخر مهما تم منع توصيل الخدمات او المرافق
لاماكن معينة بسبب عدم مطابقتها للشروط و التراخيص ...بيرجعوا يدخلوها فى الاخر ...و الدليل ع كده اكبر و اكثر مناطق عشوائية فى مصر بيدخلها كهربا و مياه
ده كده الاطار العام اللى الدنيا ماشية من غير ما تظبط حد و لا تتحايل...لسه بقى كمان لم يظبط اموره
عايز اقولك للاسف انه الموضوع فى الاخر بيوصل لان الشخص المخالف ده ممكن يجيب بتوع الحي نفسهم يعملوا له محضر (متظبط طبعا)...كبداية لاحد طرق تقنين و ضعها فى الاخر
انا ع ما اعتقد بنسية 99 % لو خدت شقة خلصانة و العمارة متشطبة و فيها العداد صعب يحصل حاجة..فى ضوء معرفتى و المامى البسيط بالموضوعات ديه
بس انا عن نفسى ما احبذش الموضوع ده خالص ....مش هاقولك ان ديه مسألة مبدأ و انى كده بشجع اوضاع غلط ع الوجود و الاستمرار....
لان فى احيان كتير احنا بنضر نقبل باوضاع مش سليمة
بس هاقولك ايه اللى جابرك تاخد حاجة مشكوك فى امرها ولو بنسبة واحد فى الالف ...و انت بامكانك تاخد حاجة سليمة و مظبوطة و متأكد منها تماما
اى نعم ممكن تبقى اقل شوية فى المساحة او الموقع مش حلو اوى بس هاتبقى واخد حاجة مستريح لها و مضمونة ...
و انا ع ما اعتقد ان فرق السعر فى الادوار المخالفة مش كبير اوى عن الادوار اللى مصرح بيها
وده رأيى انا الشخصى و يجوز يكون صح و يجوز يكون خطأ و كل واحد ادرى بظروفه و اللى يناسبه
و ربنا يوفقك و تلاقى حاجة كويسة تكون مبسوط بيها
اللى مشترى فى الادوار المخالفه ليس له حصه فى الارض . يعنى مالوش نصيب فى الرض . الارض بتكون للملاك اللى مشتريين الادوار اللى فى الرخصه
السلام عليكم ورحمه الله
وليه وجع القلب من الاول - فلوسك فى جيبك وحال البلد جعل سوق العقارات نايمه
دور لك على شقه اقل من الدور الرابع وبها عداد كهرباء ولاتضيع وقتك .
كما قلت سابقا انت الاقوى وفلوسك فى جيبك
متابع
+11111
العقد بيتعمل على المشاع يا باشا معدش حد بيحط نسبه الارض المقرره ليك كام
هقولك انا ليه وجع القلب
الدور الخامس ده يفرق فى المتر عن العادى على الاقل 200 300 جنيه
و كده خلت النفسى يعيش فى شقه واسعه شويه بقا عنجو المقجه و ده البخليه يخود فى المخالف ده
طيب هقولك مثال ليها واحد صاحبى واخد فى المنطقه ل
فى الدرو السابع عماره خلاصانه و ساكنه قسط على 3 سنين واخد المتر ب 900 جنيه قسط
هل هو فى يوم من الايام كان يحلم بشقه بالسعر ده و ووضبها و فرشها و هيجوز فى 15 7
و هل صاحب العماره ده غبى انو يسبو يقس\ 3 سنين لو عارف ان الجور فيه مشاكل
انا مش بدافع بس الشباب تعبت و النيا كل يوم انيل من القبلو
فاهم قصدى
هى فعلن عايزه واحد لبط
تصجق بالله هتلى فى حدايق الاهرام المتر على 800 900 جنيه و انا اخد 200 متر فى الخامس و اخد الروف و العداد هيدخل و محدش يعرف يهدلك طوبه واحده
واسمك قاعد فى 400 متر و مش هتكمل 170 180 الف جنيه و بعد 5 سنين الدور ده هيتقنن و هبيعو و تكسب فيه كمان
و يفوز بالده كل مغامر
انتا عارف انا شقتى فى 99 ن دور تالت و عداد
بس انا فعلن بيلعب فى دماغى الدور الخامس جدا
انا لسه شارى فى شهر فبراير الماضى واثناء بحثى شاهدت اماكن يوجد بها الاسعار على 900 واخرى 1000 جنيها خلى بالك الاسعار التى ذكرتها لم افاصل فيها يعنى ممكن تنزل
واود ان اوضح لك ان موسم الصيف انضرب فبالتالى اذا كان اصحاب العقار ماملين على الصيف فاخذوا بمبه لان الاقتصاد اتهدور ومفيش ناس من الخارج ياتوا للسياحه والشراء كما كان يحدث سابقا
بس جه فين فى الحدايق
انا بالنسبالى ان المناطق الصح فى الحاديق
الثروه المعدنيه و جاردنيا و شارع الجيش و بعد كده ن و ل
الحتت جى 5 سنين و مش هتعرف تشترى فيهم
هل فى بالاسعار دى هناك لو قدام حضرتك ايدى على كتفك
طيب ايه الشروك الحضرتك كنت حاطيطها
ولقتها فى ه و ليه المناطق دى مش عجباك و ه السعر فيها ايه و ايه المناطق المحترمه فيها اتمنى الافاده بالتفاصيل من حضرتك يا فندم
الشروط
- ان تكون على شوارع هاديه
- ان تكون الواجهه بحريه
- ان تكون غير مجروحه ( يعنى المبانى التى امامك وبجوارك ) التزامه بترك المساحه القانونيه مع الجار
- توافر عداد كهرباء
- وجود جراج
- توفر الخدمات ( سوبر ماركت -مخابز - صيدليه )
- ان تكون مرخصه ولايوجد عليها مخالفات
- سهوله وصفها لللوصول اليها
و جبت المتر بكام يا باشا؟
ربنا يباركلك فيها و يملهالك بركه
قصدى واجهه ولاخلفى لان الدور بيكون متكون من كام شقه فيهمواجه و فيهم خلفى
كيب حضرتك سجلت فى الشهر القارى ولا كتبت عقد ابتدائى و عملت اثبات تاريخ؟
و ده ايه اجرائتو يا فندم
هى فعلن عايزه واحد لبط
تصجق بالله هتلى فى حدايق الاهرام المتر على 800 900 جنيه و انا اخد 200 متر فى الخامس و اخد الروف و العداد هيدخل و محدش يعرف يهدلك طوبه واحده
واسمك قاعد فى 400 متر و مش هتكمل 170 180 الف جنيه و بعد 5 سنين الدور ده هيتقنن و هبيعو و تكسب فيه كمان
و يفوز بالده كل مغامر
انتا عارف انا شقتى فى 99 ن دور تالت و عداد
بس انا فعلن بيلعب فى دماغى الدور الخامس جدا[/quote]
لو كدا خدلك شقه فى الخامس انت الكسبان واهو احنا طلعان جيران انا ساكن فى ز على الضغط