قرأت مضيعكم المثبتة وقررت أشتري ميجان ولقيت عربية ,,ادوني مشرطكم ورايكم
صباح الفل على وحوش الميجان أنا تقريبا قرأت كل مواضيعكم المثبتة بصراحة حاجة جامدة جدا والحمد لله ربنا سهل ولقت عربية وقررت اشتريها مواصفاتها كالاتي:
العربية 2006 بس الفانوس الوراني بتاعها في دايرة في مش خط واحد
لونها نبتي
فبركة بره وجوه كلها حتى الاكسدام
55000 كم
الكاوتش بتاعها عاوز يتغير ..متغيرش من الزيرو
كلمت التوكيل علشان آخد معاد حجز واكشف على العربية قال لي أول معاد يوم الاثنين والنهارده السبت والتكلفة 440 جنيه كشف كامل
حرف ال m في كلمة مجان الخلفية مش موجود
العربية أوتوماتيك وفيها طاسة مش الفئة الفها الجنوط
العربية بتابع كل الصيانة في الرحاب علشان هوا من ساكني التجمع
السعر 55000 مش عاوز ينزل مليم
كان طالب 57 وقال لي علشانك إنت اخرها 55 واقوله يا عم يهديك يرضيك مفيش فايدة
ملحوظة السيارة بتاعت مرات واحد صاحبي ومعاها من الزيرو
السؤال هنا اروح اكشف عليها في الرحاب (مركز معتمد ) ولا أستنى يومين واكشف في المقطم
وهل السعر ده مناسب ولا غالي ولا رخيص
علما إني هاغير 4 فرد كاوتش في حدود 2500 أول ما آخد العربية والصيانة الجاية على 60000 كم والدى سؤال كمان هو تكلفة el-60000 كم بكام دلوقتي أنا قرأت المواضيع المثبتة بس تواريخها قديمة أكيد الاسعار زادت
أنا طولت عليكم بس أنتم السبب حببتوني في الميجان فقررت اشتريها
أنا معادي مع الراجل النهارده ادفعله الفلوس و آخد العربية مش عارف أأجل المعاد ولا اكشف في الرحاب
