سؤوال بخصوص مياه الراداتير

**mido888** · 09-06-2012 02:27 PM

النهارده حصلت حاجه غريبه جدا دورت الصبح وروحت مشوار قريب من البيت وركنت العربيه ونزلت وخلصت المشوار وأنا رايح أركب العربيه لقيت تحتها بقعة مياه كبيره فتحت الكبوت لقيت القربه مافيهاش ولا نقطة مياه دورت ومليتها مياه حسيت أن فيه خرطوم ورا العمه كده بينقط مياه وبعد كده دورت وروحت بصيت تانى لقيت مفيش أى حاجه ومنزلتش مياه تانى والمياه زى ماهيه
ياريت أى زميل من الأخوه يفسر اللى حصل ولو حد يعرف شخص كويس بتاع راديتيرات فى المنصوره يعرفنى عنوانه علشان عاوز أنضف الرايداتير وأغير مياهه . آسف على الاطاله ولكم جزيل الشكر

**ahmedjumpo** · 09-06-2012 09:37 PM

احتمال كبير يكون غطاء القربة و علشان تتأكد ابقى اضبط مياه القربة و اعمل مشوار بحيث تكون العربية سخنت و قبل ما تبطل العربية افتح الكبوت و بطل العربية اذا كان الغطاء فيه مشكلة هتلاقى المياه طالعة من تحت الغطاء و ساعتها تغيره

**mido888** · 10-06-2012 01:23 AM

المشاركة الأصلية كتبت بواسطة ahmedjumpo

احتمال كبير يكون غطاء القربة و علشان تتأكد ابقى اضبط مياه القربة و اعمل مشوار بحيث تكون العربية سخنت و قبل ما تبطل العربية افتح الكبوت و بطل العربية اذا كان الغطاء فيه مشكلة هتلاقى المياه طالعة من تحت الغطاء و ساعتها تغيره

أولا ألف شكر لحضرتك على أهتمامك وردك على الموضوع
ثانيا الغطا مافيش فيه أى مشكله خالص . والله الموضوع ده هيجنينى النهارده

**ahmedjumpo** · 10-06-2012 04:05 AM

يا فندم الله يبارك فى حضرتك
هو انا كان حصل معايا نفس الموضوع بتاع المياة و احترت برده شوية لكن لما ركزت طلع الغطاء
عامة حضرتك لما تنزل الصبح شوف المياة فى القربة نقصت تانى و لا لاء
و اذا كانت لا قدر الله نقصت ابقى جرب لما تبطل العربية تكون فاتح الكبوت قبلها و شوف التسريب هل من القربة و لا من خرطوم ما و بص تحت العربية
و ان شاء الله يكون خير و يطلع الموضوع حاجة بسيطة

**mido888** · 11-06-2012 02:55 AM

الحمد لله تم أكتشاف العيب طلع وصلة الخرطوم اللى جايه من الموتور الى البوابه بتاعت الهواء السخن وتم تغيرها بوصله زيها تمام أشتريتها استيراد ب 30 جنيه بس مش بتاعت أوبل لأن مش مكتوب عليها جى أم
هى أستيراد وكان حاططها مع خراطيم الأوبل المهم وجدنا البوابه فيها شرخ كمان الميكانيكى عالجها بأنه حط فيها وصلة ماسوره كبسها فيها وملئ الشرخ بالأمير وركب الخرطوم وكله بقى تمام التمام والحمد لله

**ahmedjumpo** · 11-06-2012 07:19 PM

الحمد لله انها طلعت حاجة بسيطة و ربنا يباركلك فى العربية

**mido888** · 11-06-2012 07:33 PM

شكرا ليك يا أحمد بك وجزاك الله خيرا

الموضوع: سؤوال بخصوص مياه الراداتير

LinkBack

أدوات الموضوع

عرض

-

-

-

المواضيع المتشابهه

مصدر مجانى ::::: موجود فى منازلنا للحصول على (مياه مقطرة) لتزويد البطارية و الراداتير

ازاى اغير مياه الراداتير بدون مشاكل

سؤوال طلب فرض الحماية الدولية على مصر = احتلال مصر ؟؟

نقص مياه الراداتير

سؤوال في الفاير فوكس و سؤال عن موبايل HTCTouch3G

الكلمات الدلالية لهذا الموضوع

المفضلات

المفضلات

ضوابط المشاركة