فى كمان يا جماعة أسماك البعلاوى فى الدقى كويس أوى ....
هو موجود فى شارع التحرير بعد ميدان الدقى قبل سينما التحرير ....
عرض للطباعة
فى كمان يا جماعة أسماك البعلاوى فى الدقى كويس أوى ....
هو موجود فى شارع التحرير بعد ميدان الدقى قبل سينما التحرير ....
انا عايز محل كباب و كفته عدل كله الدهم فيه عالي
او طعمه مش حلو عشان و يا ريت لو في قعده عشان انا و المدام
بالنسبه ليا المحلات المفضله
برجر : محل في الشيراتون جامد مله هوا بعد حماده شيراتون جنب بافلو برجر جربوا اسمه وايلد برجر
بيتزا: سفن دايز معقول بس مش اللي هوا جامد يعني ... اليكس وان اخر جسر السويس قباء بس بحالات عشان انا ساكن هناك و حافظه
كشري: كشري قشطه مدينه قباء ... عالمي بمعنى الكلمه جربت هند و كل ما تتخيلوا ما لقيتش زيه
اسماك: زي ما عضو هنا قال كل اللي في القاهره زي الزفت و بيشتغلونا .... انا جربت واحد في دهب الراجل دا من السويس بس من الاخر
مكرونه : بستر كمكرونه او باستا ... عم حسن اسطوره مكرونه السي فود و دا في باب اللوق واسم المحل بامدورا
مشويات: بدور
فول و طعميه : اضواء المدينه في مصر الجديده بعد مؤمن بيبقى زحمه لغايه الفجر بس فحيت و اكله و مخللاته نضيفه
مطاعم ما باطيقش اسمع سيرتها
فروج الطازج
كنتاكي
مؤمن او ما بين قوسين (مقرف)
بيتزاهت
برجر كينج باكل عنده تخليص حق عشان كارت اكسكلوسيف
كوك دور بقى تعبان بالنسبالي
مطاعم أحبها جدا :
اسبكترا - توسكانينى - تشيليز- كورتيجيانو - ستيك هاوس - مشويات فرحات - أسماك البرج - أسماك الدوران ملك الجمبرى - دار جدودنا - البرنس
فى الفاست فود :- برجر كنج - تيبستى -أوتو ماركت - هارديز-تريانون - فيد ركرز
مطاعم كنت باحبها ودلوقتى كرهتها :
أبو شقرة - بلانيت أفريكا - رفاعى الكبابجى - بيتزا هت
مطاعم باكرهها طول عمرى :
كنتاكى - مؤمن - بيتزا كنج - بسمتيو
دى المطاعم اللى أنا فاكرها دلوقتى
مطاعم بحبها: بيسترو "فرع مدينة نصر" ، Rusberry في مكرم عبيد، تشيليز، و بالنسبة للسمك، مفيش حد زي شعبان بتاع السمك اللي في المنشية في اليكس، بجد خلاني معرفش أكل سمك تاني في القاهرة تحففففففففة، و بيتزا بابا جونز "فرع المعادي كويس دخلته كذا مرة، مجربتش الباقي"، و في الحسين أبو باسم للمشويات بموت فيه.
مطاعم كانت كويسة و فكست: تقريباً كل بتوع الفاست فود، هاردييز، كوك دوور، برجر كينج, تكا, كله بقى في النازل، و اخر مرة كلت في فرايدايز عقدني بجد، كان سيء، مطعم بيراميدز في المثلث مدينة نصر ، كبابجي فيصل " مبقاش زي الأول".
مطاعم يع: سبكترا الهرم زي الزفت، ماك، كنتاكي، بيتزا هت، مؤمن.
ماك من بعد اما الاسعار غليت السندوتش كش وبقى مقرف صراحه
فول وطعمية : التابعى الدمياطى - جاد
مشويات : تكا جامد جداااااااا , ابو شقرة , حسنى
بيتزا : بيتزا كينج بس فروع وفروع واحلى فرعين الصراحة فرع الجامعة وفرع عباس العقاد
سندويتشات : Cook door شغال مش وحش اديلة 7.5 من 10
كشرى : توم اند بصل , كشرى ابو طارق بس فى اوقات معينة مش كل وقت
انا مش غاوى اكل برة كتير , عشان كدة المطاعم بتاعتى محدودة
يا جماعة كيلو الكباب والكفتة عند أبو شقرا بقى ب 126 جنية !!!!
دة مكانش بيبيع بالكيلو بقالة مدة ....
كان بيقدم أطباق فيها عينات كباب متشبعش وبأسعار خيالية ....
أية اللى حصل فجأة كدة؟! هو بقى شغال فى لحم الحمير ولا أية؟! حد راح أكل هناك قريب يقولنا فى أية ؟!
الموضوع جامد. ياريت مينامش