السلام عليكم
اريد ان اشترى عربية ماتريكس 2005 او 2006 كورى اتوماتيك
ياريت لو حد عنده عربية عايز بيعها او يدلنى على عربية تكون بحالة جيدة
وجزاكم الله خيرا
عرض للطباعة
السلام عليكم
اريد ان اشترى عربية ماتريكس 2005 او 2006 كورى اتوماتيك
ياريت لو حد عنده عربية عايز بيعها او يدلنى على عربية تكون بحالة جيدة
وجزاكم الله خيرا
بالتوفيق ان شاء الله
بس لية حضرتك مدورتش فى كونتاكت كارز
زى ما قال لحضرتك العضو الكريم دور فى كونتاكت كارز فيه عروض كتير وفى السوق كمان لكن خد بالك كله تجار فى تجار
في موقعين حضرتك بالترتيب كونتاكت كار ومصر كار دور فيهم في حاجات كتيرة وجميلة ربنا يوفقك ان شاء الله وفي لينك في المنتدى خاص بالبيع والشراء
موفق ان شاء الله
انا اشتريت من شهر و 5 ايام سيارة ماتريكس خليجي 2006 كاملة اتوماتيك من على موقع كونتاكت كارز
و كان طالب في الاعلان 80 الف و لما عرفته اني مش تاجر و هنفذ فعلا قاللي من نفسه 75 الف ج
و العربية فيها رخصة 2014 و اول يد من الزيرو و فابريقه بالكامل بره و جوه لونها نبتي محمر مش المصري الغامق ...
نصيحة شخصية وعن تجربة لاننا معانا ماتريكس مانيوال 2006 من غبور و الخليجي اللي انا اشترتها...
ما تتمتع به الماتريكس الخليجي عن مواصفات غبور :
* مرايات مرشوشة بلون السيارة
* مخدع لكرسي السائق
* كرسي السائق هيدروليكي مزود ببكرتين لتغير وضعيته
*ظهر كرسي السائق مزود بذراع في الجنب لتغيير وضعية الظهر
* فتحة سقف كهربائية
* مساحة خلفية
* سبويلر فوق الزجاج الخلفي
* فتحات صغيرة بالتابلوه خلف دراع الاشارة لشفط دخان السجاير
*الكنبة الخلفية مزود بمخدع في النص وبه 2 حامل كوباية
* موتور العربية معالج ضد الحرارة
* موتور الخليجي غير كليا عن موتور غبور ... مختلف تماااااااااااااااااااااما
* عفشة الخليجي تقيلة وثابتة اوي اوي و تبان معاك في مطبات الهوا مش زي اللي
مع امي بترقص احلا رقص هههههههههههههه
* في ماكنة الخليجي زرار اعادة ضبط المصنع لو اخدت مطب جامد فالسيارة بتفصل
اتوماتيكي و تنزل حضرتك تدوس ع الزرار من جوه الكابوت و تدور عربيتك بعدها !!!
* عزل عالي جدا في صوت الماكنة و الكلاكس عن كابينة او صالون السيارة ... و طبعا
اللي مع امي كنت بحس ان الكلاكس جنبي ع الكرسي
* الاريال في الخليجي صغير و شيك جدا جدا و هو بتاع الراديو مش زي اللي غبور لازقه و بتفكه و تعينه ...
*ريموت الخليجي و انذارها اصلي مش زي اللي غبور عامله في مصنع اسمه غريب و كل اللي معاهم ماتريكس غبور
حتى امي لازم يكون الريموت باظ
* لما تقفل العربية بالريموت استحالة انت نفسك تدورها بالمفتاح لانها هتكون فاصلة كهربا الا لما تفتح العربية بالريموت و طبعا لما هتكون قافلها بالريمون و فتحت الباب بالمفتاخ الانذار هيشتغل و مش هتعرف تدور العربية
* تكييف الخليجي جبااااااااااااار جدا و مختلف بشكل تام عن قوة بتاع غبور و اللي شايف ان تكييف غبور عاجبه فده علشان ما ركبش المواصفات الخليجي
* اباجورة امامية غير اللي في نص العربية بها زرارين جانبيين ممكن تنور كل جنب لوحده و دي مكانها في بداية السقف او بداية فتحة السقف
*حاجة اكتشفتها امبارح !!!! اني طلعت ع ال d و ما نزلتش فرامل اليد كويس لقيت جرس ان الباب مفتوح اشتغل هههههههههههههه اتخضيت لان لمبة الباب مش منورة في التابلوه و لقيت لمبة الفرامل اليد بتنور فنزلتها كويس لقيت الجرس فصل !!!!!!!!!!!
* لما تفتح العربية بالريموت طريقة رائعة في اضاءة نور الصالون قبل ما تركب و اول ما تقعد تلاقي لمبة دائرية خضرا منورة حواليت الكونتاك علشان في الضلمة تعرف مكان المفتاح
* لما تنزل من العربية وانت سايب النور شغال و تشيل المفتاح من الكونتاك كل ده مافيش مشكلة بيفضل نور التابلوه الصغير منور ... لكن مجرد ما تفتح بابك تلاقي العربية طفت كل انوارها اتوماتيك !!!!
* في وضع للكونتاك يفصل كهربا العربية الا الكاسيت و فتح وقفل الشبابيك الكهربا لو نزلت تجيب حاجة وسبت ناس في العربية !!!!
و اديني لسه بكتشف فيها حاجت مبهرة و عرفت اني في حياتي مش هشتري اي عربية الا مواصفات خليجي
و اخويا لسه جايه من السعودية امبارح و معاه شيفورليه هناك بيقولي عربيتك اقدر اقول عليها انها امريكي !!!!!
يااااااااااااااارب اكون ساعدتك و افدتك و اتاكد لتاني مره ان كلامي هو اللي مفيد و اللي ماركبش ماتريكس خليجي ما تاخدش حكمه على الماتريكس بتاعت غبور حكم حقيقي و صح !!!!!!
الخليجي كانهم بيعاملوا بني ادميييييييييييييييين غيرنااااااااااا كمصريييييييييين هههههههههههه
لكن الحقيقة في الفرق ان سوق المنافسة في الخليج عالي و كل اللي قلته انا من كماليات في العربية ده العادي عندهم !!!!!!
جزاكم الله خيرا
ولكن سؤال بسيط تقريبا سعر الخليجى 2006 اتوماتيك كام ؟
بص يا سيدي انا من لفي الكتير على الماتريكس الخليجي لقيت ان الكل بيطلب اول كلام
80 الف جنيه .... و كمان بيطلبوا نفس السعر في ال 2005 ... لكن ساعة ما الفلوس بتطلع
زي ما بيقولوا بيكون في كلام تاني !!!!
فالسعر التنفيذي المعقول ليها من 74 الف ل 75 الف و لو قليت عن كده يبقى انت كسبان
بس خلي بالك السعر اللي قولتلك عليه ينطبق على حالة شاذة جدا زي اللي انا جبتها
كاملة طبعا و فابريقة كلها مافهاش قلم بوية و كمان اول يد من الزيرو يعني مافهاش توكيلات كتير
و يا سلام لو فيها سنة او سنتين رخصة تمشي بيها من غير ما تروح المرور ...
و اللي عرفته ان سعرها التجاري للتجار اللي بيجيبوها لمعارضهم بيكون من 72 ل 73 الف و بيعرضوها
ب 80 الف و لما ينزلك الف جنيه يحسسك انه خسر !!!!!!!!!!
فبلاش من معارض او تجار لانك هتتغلب في 5 الاف على الاقل و خليك في كونتاكت كارز و هتبقى
منك للزبون .. و حاليا في كام عربية على كونتاكت ابدأ اتصل و ظبط امورك و طمني لما تشتري
ان شاء الله .... بالتوفيق يا غالي
الماتركس الخليجى عن تجربة فعلا جباره ولاتقارن بالماتركس المصرى بتاعة هبور ... اختلاف فى كل شىء
دى عربية و دى حاجة تانية خالص