عربيتي موديل 2009 وللاسف طبعا زي اي عربية الخدوش مبوظة المنظر خالص هي خدوش بسيطة بس مالية العربية لما سالت ناس قالتلي لمع العلربية الخدوش مش هتبان وناس قالتلي التلميع ملوش لارمة ولازم ترش والواحد فعلا متلخبط ارجو الافادة
عرض للطباعة
عربيتي موديل 2009 وللاسف طبعا زي اي عربية الخدوش مبوظة المنظر خالص هي خدوش بسيطة بس مالية العربية لما سالت ناس قالتلي لمع العلربية الخدوش مش هتبان وناس قالتلي التلميع ملوش لارمة ولازم ترش والواحد فعلا متلخبط ارجو الافادة
متابع باهتمام
بعد السلام عليكم التلميع يكون بميكنة تلميع وده كمان بعد صنفرة السياره بصنفره ناعمه جدا بيكون مفيد للخرابيش البسيطه السطحيه يعني لو الخرابيش سطحيه ممكن تروح بنسبه كبيره اما لو عميقه اسف مفيش حل غير الدهان والتلميع يكون عند صنيعي كويس وفي حدود 120 ال 150 مش اكتر من كده وربنا يوفق
بصراحة لمعت ومفيش فايدة. الخدوش زي ماهيا، رغم انها سطحية جداً
وللأسف أكتر، التلميع كان في مركز نايل موتورز
حاجة محبطة
الله يطمنكوا يا جماعة....
الحمد لله علي كل حال...لسة الباب الشمال عندي واخد خربوش محترم من مسمار في فرش علي الرصيف ...
الواحد بس مش عارف يعمل اية...يعني اركن العربية واركب تاكسيات...والله بقت حاجة تحرق الدم....
المصيبة ان دهان العربية ...هايخليها تحمل لقب رشة برة نظافة....ودة في عرف السوق قاتل لاعادة البيع...خليها بخرابشها بقي...:)
طيب حد شاف اعلانات الاقلام ايلي بتملي فراغ الخرابيش بنفس لون السيارة ...باشوفة علي القنوات الفضائية المصرية ....ياريت لو حد جرب اي نوع من الاقلام دي يعرفنا.
شكرا للجميع مقدما....ووقانا الله واياكم شر خرابيش السيارات.
يا باشا الأقلام ده اشتغالة أوعى تجيبها ما هينوبك إلا ثمن القلم
القلم ده كدبه كبيييييييييرة والعمدة على أحد تجار الإكسسوار هو بس بيلمع مكان الخدش السطحي جداا فقط
الواحد فعلا احتار ومش عارف يعمل ايه .
أنا جربت القلم ده و هو ما بيعملش اي حاجة والخدوش زي ما هي.
حاجه تحرق الدم والله كنت راكن النهارده العربيه ورجعت لاقيت بنت بواب العماره اللي جنبنا ( 5سنوات=50 كيلو وزن) طالعه علي العربيه وعماله تتنطط علي الكبوت وشويه بتطلع علي السقف وشويه تتزحلق علي الشنطه واللي يغيظ ان امها شايفاها وساكته. طبعا انا شفت المنظر من بعيد طلعت اجري ..لانقاذما يمكن انقاذه والنتيجه انها رسمت خريطه خرابيش علي الكبوت والسقف بقي مطبق ...حسبي الله ونعم الوكيل في مجتمع جاهل مستهتر..ولما سئلت علي الخرابيش كله قالي مش هاتروح:((
والأقلام دى سبب انتشارها ايه .
واحد صاحبي قبل كده عمل الخدوس بتنر شوف الموضوع ده بس اسأل عليه الاول
ما فيش مراكز متخصصه في ازالة الخدوش دي ؟؟
فعلا كلام الناس ده مظبوط جدا القلم ده اختراع فاشل جدا
انا جربته ولا بيعمل حاجة بالمرة
اوعو حد يشترى القلم داه داه نصب و مش بيعمل حاجة
كان فى مركز موجود فى مدينة نصر و ناس كتير شكرت فيه