والله ياباشا انا بهتم بالعربية جدا جدا بس للاسف لما بتفتح بتطلع عينى و ياريت ياباشا رقم تليفون حضرتك لو سمحت ان ماكنتش ازعجك
انا روحت امبارع لصابر اللى عند رابعة فى مدينة نصر الناس قالتلى كويس الكهربائى قاللى كابل الكهرباء عايز تقوية علشان بيسخن يبقى كده شحن الدينامو مابيوصلش كله للبطارية فبيخلى المراوح ماتشتغلش بكل قوتها وبعد ماركبلى حته كابل مايكملش متر من الدينامو للبطارية و لهف 50 جنية بعد ماكان مصمم على 60 برضه العربية سخنت مع التكييف (مع العلم انى كنت لسه من اسبوع عامل كابل تقويه للارضى بس عند واحد على قد حاله مش بتاع اوبل ولا حاجة وواخد 20 جنيه)
راح صابر باصص عليها و قاللى القراية بتاعة العداد مكدبة و ان المفروض ان المراوح بتشتغل السرعة الاولى على الشرطة التانية مش اللى فى النص ولما التكييف بيشتغل السرعة التانية تشتغل و المؤشر بيجى على الشرطة اللى فى النص
و الكلام ده عجيب جدا لان العربية معايا من 7 سنين و عمرها ماشتغلت على الشرطة التانية دى ابدا على طول بتشتغل لما المؤشر بيعدى النص بشعرة بسيطة
وكان فى واحد واقف بيصلح عربيتة برضة زى بتاعتى و قالى نفس الكلام بتاع صابر ده
المهم قالى دا الكولانت هو اللى ممكن يعمل كده وراح جايب كولانت من عنده و مركبه و للاسف برضة نفس الكلام و المراوح اشتغلت لما جت النص
قاللى يبقى فى حاجة فى الكمبيوتر هى اللى بتبعت القرايه غلط بس الموضوع طول و بقت الساعة 10 بليل قمت روحت و هروحله بكرة ان شاء الله
مش عارف ايه المشكلة اللى مافيش حد ف مصر عارف يوصلها دى
اسف على الاطالة يا جماعة
كل اللي عندك يتلخص ان الكومبرسيور تقيل والحل انك تعمل االاتي
تغير زيت للكباس وتحط زيت من اول وجديد وتشحن بفريون 134 فقط ومش اي فريون تاني واشحن للعربيه 600 جرام بس وهتدعيلي
لو الزيت بتاع الكومبريسور ناقص الاحتكاك داخل الكباس هيبقي عالي وده هيخليه تقيل ولو غيرت الزيت وفشلت العمليه يبقي الكومبريسور نفسه هو اللي تقيل وممكن تخلي بتاع تكييفات بيفهم يشوفلك الموضوع ده