كلها بقت فتوات . طب مين هينضرب

النهارده فى حته زحمه العربيات لزقه فى بعضها عربيتى ريحت سنه بسيطه على اللى قدامى لو عربيه بتركن بتريح اكتر من كده بكتير نزل اللى فيها وشغال كلام قولتله مفيش حاجه ولو عندك حاجه شوف ايه واعملهولك
زاد فى الكلام اكتر وهى دى طريقه والخ
قولتله طب اعمل تانى يعنى
ركن على جمب وقالى اركنلى
مش هنخلص هه ايوة
محصلش حاجه انت بس شكلك فى حاجه مضايقاك
لا انا متربى مال التربيه دلوقتى
طب اهدى
مفيش
صلى على اللى تعرفه
مفيش
سبته ومشيت
عمل الطريقه الكلاسيكيه بتاعت عهد الهمجيه بتاعت كتابه النمره
ايه اللى وصل الناس انها مستعده ومتحفزه للمشاكل وتفضى نفسها عشانها حتى لو مفيش حاجه اصلا
1- كائن مختلف مش لحم ودم شويه برد يرقدوه فجسديا عمره ما هينضر
2- عربيته زى القطط بسبع ارواح لو اتكسرت بتكون نفسها تانى
3- مفيش ادنى مسؤليه ولا حساب على افعاله
4-عايش فى الوسيه ومناسب الحكمدار

حصل خير.. الناس كلها مخنوقة من بعضها

اقتباس:

---

المشاركة الأصلية كتبت بواسطة sehsss

حصل خير.. الناس كلها مخنوقة من بعضها

---

بس لو زود هيحصل خير ازاى

للاسف المواطن المصرى وصل لحالة بشعة
بتخليه يطلع غله فى اى حاجة فعلاً حسبنا الله ونعم الوكيل
فى اللى فضلوا يطحنوا فينا لحد ما الدنيا ضاقت بينا بالمنظر دة

اقتباس:

---

المشاركة الأصلية كتبت بواسطة houras1010

النهارده فى حته زحمه العربيات لزقه فى بعضها عربيتى ريحت سنه بسيطه على اللى قدامى لو عربيه بتركن بتريح اكتر من كده بكتير نزل اللى فيها وشغال كلام قولتله مفيش حاجه ولو عندك حاجه شوف ايه واعملهولك
زاد فى الكلام اكتر وهى دى طريقه والخ
قولتله طب اعمل تانى يعنى
ركن على جمب وقالى اركنلى
مش هنخلص هه ايوة
محصلش حاجه انت بس شكلك فى حاجه مضايقاك
لا انا متربى مال التربيه دلوقتى
طب اهدى
مفيش
صلى على اللى تعرفه
مفيش
سبته ومشيت
عمل الطريقه الكلاسيكيه بتاعت عهد الهمجيه بتاعت كتابه النمره
ايه اللى وصل الناس انها مستعده ومتحفزه للمشاكل وتفضى نفسها عشانها حتى لو مفيش حاجه اصلا
1- كائن مختلف مش لحم ودم شويه برد يرقدوه فجسديا عمره ما هينضر
2- عربيته زى القطط بسبع ارواح لو اتكسرت بتكون نفسها تانى
3- مفيش ادنى مسؤليه ولا حساب على افعاله
4-عايش فى الوسيه ومناسب الحكمدار

---

بس انا وحضرتك و فيه ناس كتير محترمه بس للأسف في مجموعه من شعبنا عاوزه يتعاد تربيتها من جديد ياعني مثلا لو حضرتك كنت من الناس Body building ونزلتله كان ماكلمش ويمكن كان قالك اسف للأسف في ناس متبتجيش غير بالقوه وبالكرباك

الناس بقت تمشى تكلم نفسها واتفه سبب هتلاقي خناقة وسكاكين .. ده الناس بتموت بعض عشان شوية بنزين فى جركن

إنهاردة مصر الجديدة ومدينة نصر قمة الأرف والزحمة في كل شارع وميدان، بجد كان كابوس لحد ما مسكت طريق السويس من عند دار المدفعية

وكله بيرمي على بعضه وتزنيق وبلطجه في كل حته ومحدش عاجبه سواقة اللي قدامه وشايف إنه معطله وبيدلع

وسواق تاكسي عاوز يتخانق معايا عشان ماشي براحة وسايب مسافة أمان قدامي

ربنا يرحمنا بجد من مرضى النفوس دول

هو يظهر كده فعلا ان ناس كتير بتبقى محترمه غصب مش طبع

معلش يا باشا بس كويس انك مازودتهاش معاه و نزلت مستواك ليه.

بص عمتن هحكيلك نفس الموقف ده حصل معايا النهاردة بس انا اللى اتخبط
بص ياسيدى ربنا كرمنى ودخلت ف شارع غلط بس ربنا لايوريك من حفر ومطبات وتكاتك ومكيروباصات المهم الطريق واقف واللى ورايا قاعد لازق فيا وانا قاعد كل ميقرب ابعد عنه سيكا
وهوا مصمم
المهم خبطنى
قلت يواد مش قصده عادى واهى تريحا
بعد اقل من نص دقيقة لما اتحركت ربع متر مثلا لما الطريق اتحرك راح برده داخل ف ام اكصدامى

انا اتنرفزت جدا لان لما ببص حتى ف المرايا مش شايف دراع طالع ولا كأنه حتى خبط ف حاجة

نزلت لقيت راجل ف اواخر التلتينات ومعاه اسرته
بقوله حضرتك مش واخد بالك انك تانى مرة تخبطنى
راح رادد عليا رد استفزنى جداا
بيقولى وانا اعملك ايه يعنى مكله لازق ف كله واللى ورايا ببعد عنه احسن يخبطنى
قلته يعنى انتا خايف من اللى وراك تقوم راكب فوقيا يعنى ولا علشان حضرتك مش مركب نمرة ظريفة زى دى ورا تحميلك ام اكصدامك

بمنتهى الاستفزاز بيقولى اه بالظبط كده
رديت وقلتله انتا لو كنت قلت معلش مختش بالى عمرى مكنت هقولك حاجة بس هقول ايه معدش عند الناس دم، وسيبته ومشيت
مشيت وانا متعصب جدا من رد الفعل وحاسس انى انا اللى غريب

بعدها مفيش لما الطريق فتح لقيته جاى يكلكس وينور قلت كده هوا عايز يتخانق وانا معايا مراتى وبنتى رحت وقف ومستنى بقا ينزل علشان كنت هموت نفسى عليه لو قل ادبه

راح كبسنى واعتزرلى قلته حصل خير

بص خلاصة الموقف نفسه ان نفس السبب ممكن يتحل ببؤ ظريف وممكن تقلب بجناية
بس طبيعة شعبنا الهما انه مبقاش عنده اخلاق هيا دى الخلاصة

مش عارف بس انا الصراحة بقاللي فترة مش طايق سواقه وبقيت اتنرفز من كلاكس حتي وحاسس اني نازل اتخانق مش نازل اسوق
مع اني والله المفروض اني هادي وعاقل ومش بتاع الكلام ده خالص بس يظهر الاعصاب باظت خلاص
والحمد لله ربنا بيسترها معانا

المشكله ان الكلام ده بيحصل من ناس كبيره مش صغيره يعنى حتى لو جديده فى السواقه مش جديده فى الدنيا
يعنى المفترض على الأقل تحترم السن ووقاره
يعنى شكله ايه لما يقع على الارض زى العيل الصغر ولا يرجع بيته هدومه متقطعه زى الطفل المتخانق فى مدرسته

كنت امبارح ماشي في النفق والدنيا زحمه موووووت ... واحد من اخونا الظرفاء بتوع الفيزبا عدى من جنبي وخبط المرايا وتناها للناحيه العكسيه ....... لحد هنا الموضوع عادي وبيحصل اللي نرفزني انه حتى مابصش وراه يشوف ايه الكائن الغريب اللي عطل مسيرته الذكيه .
المهم ربنا كرمني ومشيت وهو وقف علشان الفيزبا قطعت منه رحت واقف جنبه ولسه هروقه بلساني لقيته بيرفع ايده ويقولي انا اسف .......... طيب يا اخي ليه مانكونش محترمين من الاول ولا علشان اللي خبطته بيكلمك ووقف جنبك !!!
بقينا شعب غريب .

متزعلشي

للاسف ده حال كل الناس دلوقتي
الوضع السياسي و الاقتصادي و حتي الاجتماعي مخليه الناس علي الشعرة
انا مؤخرا حضرت 3 مشادات (انا كنت طرف في واحده منهم)
الدنيا تقوم فجاة و الشرر يتطاير و الصوت يعلي و الايادي تلوح و فجاة برضه (و في نفس الوقت تقريبا) الكل يهدي و حقك عليا و الكلام ده و كل واحد يروح في حاله

بص يا باشا الناس ملهاش ذنب ده مخلفات نظام بائد 30 سنة واكثر وان شاء الله الى الفاضل والاحسن لما الناس بامر الله تتذوق معنى التغيير في حاجات كتيير ان شاء الله تتغير
قدر الله وما شاء فعل

حصل خير
الناس دي سبوهم وامشي احسن

أنا قلتها من زماااااااااااااااان

(أنظر إلى توقيعى))