الموضوع: صيانه ال 60 الف النترا ؟

انا نزلت يا جماعه النهارده عملت الصيانه فى المنصورة فى مركز الدلتا الحقير
مركز زباله و اول واخر مره اروح هناك
المهم جبت زيت شيل 10 الاف من بنزينه شل ب 265
جبت بوجيهات ngk هيونداى كيا والمفاجأه انه اتأكدت انه موتور الانترا 2010 هو هواه موتور السيراتو ب 120 حاسس انه اتنصب عليا لانه كريم باشا قال ب 55
تيل الفرامل قالولى استنى 10 الاف كمان لسه و غيرت سير المجموعه
فى العفشه قالولى لازم تغير راس الكوبلن يمين وشمال هغيرهم مع الكاوتش ان شاء الله
العربيه بعد تغيير الزيت و البوجيهات ماشاء الله بتبقى ناعمه اوى الحمد لله
الى خانقنى بقى وكرهنى فى السواقه الشعب التيت الى فى كل شارع تلاقى واحد قافله بعربيه او توكتوك ومش عايز يتجرك ومدايق انك بتكلكسله طب اعملك ايه وواحد بتاع توكتوك نازل يزعقلى انى بكلكسله استغفر الله العظيم كويس انه الواحد مش بيكمل احتكاك مع الاشكال دى عشان ما يخسرش كتير
والنقر والمطبات الى زايده اوى اليومين دول ربنا يكون فى عون عفشه العربيه انا بقيت بروج ضهرى مقطوم

الله يبارك فيك يا باشا ربنا يخليك
الكبالن دى عندى ممكن من ال 20000 بتبان وانا كاسر الدركسيون على الاخر وبلف يمين او شمال صوت طقطقه ووديتها لكذا عفشجى وكلهم قالولى راس الكوبلن الخارجى فعلا بس الى موجود تايوانى وكسلت اجيبهم
النهارده قلتله شيكلى على العفشه و قولى فيها ايه اخيرا قالى على الكبالن لانه المرات الى فاتت يقولى لا كويسه ومش عارف ايه فشويه وهغيرهم مع الكاوتش ان شاء الله
بالنسبه للبوجيهات فعلا المحل الى جبته منى سالنى قالى الموديل كام و لما قلتله 2010 قالى متاكد و انها زى السيراتو قلتله اه لما انزل هصورلكم العلبه بتاعتها واحطها جبتها ب 125
وعقبالك يا باشا ان شاء الله انت كمان

يا نهار ازرق
لما ركزت شويه اكتشفت الى انا كنت فيه
البوجيهات الاصلية بتاعه العربيه صورتها ولسه محتفظ بيها عندى الى المركز الله يحرقه غيرهالى على 30000 شوفوا عامله ازاى


وشوفوا كانوا مركبين ليا ايه حسبى الله ونعم الوكيل وانا اقول صوت المكنه عالى كده ليه والبنزين كان بيطير


ودى الى انا اشتريتها النهارده شبه الاصليه بالظبط ونفس النوع