الموضوع: صيانه ال 60 الف النترا ؟

المشاركة الأصلية كتبت بواسطة mahmoud_afifi

يا ساحبي انا جايب ابو 400 ده وماكملش 20 الف كيلو وبقى يصفر ويفضحني في الشارع زي ماكون بعذبه.
جبت جولد ماكملش 15 وبيصفر برضه بس على الاقل ب80 جنيه :d

ما قلت كده قعدت تقول لا و مش بيحصل و في الاخر طلعت انا صح !
بلاش كلام كتير بقي يا هندسه بعد كده بدل ما أجيبلك شفيق !

واد يا كرييييم انا عاوز ابو 120 ده اجيبه منين من شارع دمشق ؟؟؟ عشان اقرب بس من التوفيقيه.
في التوفيقيه و عند ابراهيم البنا و جورج

أو من عند المهندس هاني و هو بيتصرف و كده كده انت هتغيره عنده
ولا انت غيرت بره !

- بوجيهات الالنترا الشكل القديم كلها واحد ما عدا موديلات 2010 و موديلات 2011 الشكل القديم و ال part no اللي علي البوجيهات بعد ما طلعت هي lzkr6b-10e و ديه هي هي بتاعه ال i30
و نزلت كتالوجات ل ngk و مش لاقيلهم بديل في البلاتينوم و الاريديوم و فعلا هم فيه كذا موديل من كيا يستخدم نفس الموديل !

- موديلات 2007-2008-2009 فيه نوعين من البوجيهات واحد ب60 و ده بيركب في الفيرنا علي حسب قول الراجل بتاع القطع غيار و ده سحبه زفت و بياكل بنزين و فيه نوع تاني ب75 و ده بتاعها و لما طلعنا اللي كان في العربيه كان زيه بالضبط زي الراجل ما قال !
الفرق بقي هأقابل صاحبي و أبقي أصورهالكم عشان يبقي visual confirmation
الفرق ان عند الشمعه في حته بلاستيكه بيضه كدا في أبو 60 قصيره أوي
في أبو 75 هي هي typical زي اللي كانت في العربيه

- الكاوتشات بقي
185 ده في مصر و كام بلد تانيه كده بس و لكن في معظم المواقع لما بأدخل موديل العربيه بتطلعلي 195/65/15 و 205/55/16 و جربوا بنفسكوا علي tyre rack
الجنط ال 15 يركب عليه 185/65/15 و 195/65/15 و 205/60/15
الجنط ال 16 يركب عليه 205/55/16 و 215/50/16
لو افترضنا ان المقاس الاصلي بقي 195/65/15 زي ما بتنزل بره تبقي المقاسات
الجنط ال 15 =205/60/15 و215/60/15
الجنط ال 16 = 205/55/16 و 215/55/16 و 225/50/16
لو سمحتوا اتأكدوا من المقاسات ديه عشان انا نازل دلوقتي و حسبتهوم بسرعه و ال 225/50 ده هيحك بالعبيط فلا أفضله عشان شفته راكب و كان طالع بره الرفرف
انا عندي يكون الفرده ناشفه (بصراحه انا مستغرب gr-90 تبقي ناشفه) و ليها صوت بس فرامل و ثبات أحسن ما أركب فرده طريه و ملهاش صوت بس وقت الكبس بتزحف زحفان السنين
و أتمني أكون عرفت أرد عليكم