بقالي فترة بافكر في موضوع قنطرة العفشة للألتو

السلام عليكم يا شباب

كل عام وانتوا بخير

يااااااااه ده انا داخل في 4 شهور ما فتحتش المنتدي ... يخرب بيتك رسالة :)

عندي سؤال لو حد عنده خلفية او فكر في نفس الفكرة ... انا بقالي فترة بعاني معاناه كبيرة مع ثبات الألتو ... بعد الكام سنة اللي فاتوا دول ... والكام حدثة اللي فاتوا دول برضو ... بدأت أحس ان العربية ثباتها مش قد كده علي السرعات العالية ... فيه ناس كتير كانت فتحت علي المنتدي من فترة فكرة تركيب قنطرة تحت في العفشة وفوق الموتور علي البطاحات علشان تمسك العربية وتزود ثباتها وكده ... حداتجنن في دماغه وفكر في الفكرة دي غيري ؟ .. ولو ما حدش فكر حد يعرف هل فيه قناطر (جمع قنطرة) لمقاس الألتو ؟


عمتم بخير

تحياتي

اقتباس:

---

المشاركة الأصلية كتبت بواسطة zalpany2000

السلام عليكم يا شباب

كل عام وانتوا بخير

يااااااااه ده انا داخل في 4 شهور ما فتحتش المنتدي ... يخرب بيتك رسالة :)

عندي سؤال لو حد عنده خلفية او فكر في نفس الفكرة ... انا بقالي فترة بعاني معاناه كبيرة مع ثبات الألتو ... بعد الكام سنة اللي فاتوا دول ... والكام حدثة اللي فاتوا دول برضو ... بدأت أحس ان العربية ثباتها مش قد كده علي السرعات العالية ... فيه ناس كتير كانت فتحت علي المنتدي من فترة فكرة تركيب قنطرة تحت في العفشة وفوق الموتور علي البطاحات علشان تمسك العربية وتزود ثباتها وكده ... حداتجنن في دماغه وفكر في الفكرة دي غيري ؟ .. ولو ما حدش فكر حد يعرف هل فيه قناطر (جمع قنطرة) لمقاس الألتو ؟


عمتم بخير

تحياتي

---

يااااه حمد الله ع السلامة يا ريس عاش من شافك مختفي كده ليه و لا بتشاركنا باي موضوعات و لا تقارير

بس قنطرة ايه يا باشا ؟ لو قصدك اللي بتركب فوق البطاحات و تمسك العفشة و بتزود الثبات و تدعم الشاسيه ديه اسمها تقويات او دعامات و كل هتلاقيه هنا ان شاء الله :)

http://www.nilemotors.net/Nile/193151-a.html

و أشهر شركة بتعملها الترا ريسينج و اللي بيستوردها هنا عادل وجدي tps في الحرفيين و ارابكوم ورا سيتي ستارز

و ممكن تعملها عمولة بس محتاجة واحد ايديه تتلف في الحرير و عارف السمك المظبوط و ده نادرا فالأفضل تجيبه من برة

و بصراحة كنت بفكر فيها بس مش دلوقتي و انا اساسا مبجريش اوي لكن تنفعني لو حبييت اخد غرز

اقتباس:

---

المشاركة الأصلية كتبت بواسطة axel

يااااه حمد الله ع السلامة يا ريس عاش من شافك مختفي كده ليه و لا بتشاركنا باي موضوعات و لا تقارير

بس قنطرة ايه يا باشا ؟ لو قصدك اللي بتركب فوق البطاحات و تمسك العفشة و بتزود الثبات و تدعم الشاسيه ديه اسمها تقويات او دعامات و كل هتلاقيه هنا ان شاء الله :)

http://www.nilemotors.net/nile/193151-a.html

و أشهر شركة بتعملها الترا ريسينج و اللي بيستوردها هنا عادل وجدي tps في الحرفيين و ارابكوم ورا سيتي ستارز

و ممكن تعملها عمولة بس محتاجة واحد ايديه تتلف في الحرير و عارف السمك المظبوط و ده نادرا فالأفضل تجيبه من برة

و بصراحة كنت بفكر فيها بس مش دلوقتي و انا اساسا مبجريش اوي لكن تنفعني لو حبييت اخد غرز

---

الباشا المنسق الكبير علي سن ورمح ... يا مراحب يا مراحب ... والله يا صديقي العظيم انا بس مفحوت في الرسالة ... بس هانت .. علقة علقتين مش مهم ... كلها شهر ونص :) ... بالنسبة للدعامات ايوه هي دي يا انا بيني وبينك العربية بقت بتشخلل من أماكن متعددة ده غير انها بقت في الثبات عرة ... خصوصا اني باجري كتييير ومشاويري بعيدة عادة ... فبافكر ابتدي أظبط فيها ... علشان بصراحة لسه لابس فيها كمان سنتين علي الاقل علي ما اقساطها تخلص ونشوف هانعمل ايه بقي ... وهي بأمانة تعز عليا ... دي اول بختي يعني :] ... فبافكر أعمل التعديل ده ... هي الفكرة اصلا هل فيه المقاسات بتاعة الألتو ... انا اعرف ان العربيات المنتشرة زي اللانسر والكورولا ليهم ... مش عارف بقي الحاجات النونو بتاعتنا دي ايه ااخبارها ... كمان عايز اشوف حتي مؤقتا حل لموضوع عدم الاتزان ده العربية بقت بتعوم علي مطبات الهوا جامد قوي ... واتزانها مش عاجبني إطلاقا ... ربنا ييسر الاحوال ...


عموما لو وصلت لمعلومة ما تضنش علي أخوك يعني ... ويالا بقي عايزين نعمل مقابلة يا كبير :]

كل الود
حسام

ان شاء الله يا باشا أخلص بس من الامتحانات التيت ديه و نعمل مقابلة مرعبة :)
بالنسبة اللي عندك ظبط زوايا و خلي حد يكشفلك ع العفشة ليكون فيها حاجة و الحقيقة مش عارف فيه و لا لأ بس ممكن تدخل ع موقع الترا ريسنج و تشوف هم حاطين قايمة العربيات او تسال عادل وجدي يكون عارف ايه اللي يتولف عندنا و سعرها كام