عاوز مركز زوايا وترصيص كويس .. العربية قرفتني غربله

**smalltoto10** · 10-06-2012 11:17 AM

سلام عليكم

هحكيلكم قصة كفاحي !

انا بقالي بتاع شهر وظبطت العربية بتاع 5 مرات عند 4 مختلفين - زوايا كمبيوتر وعادي .. وترصيص موتوسيكل وعادي.. وغيرت بليتين عجل ورا لان صوتهم كان عالي سنة

وكل مره العربيه ليها غربله شكل على سرعه مختلفه والعربية تبقا عايمه ع الطريق برده باختلاف بعد كل ظبطه والدركسيون بيروح سنه يمين سنه شمال كدا ع سرعه برده

محدش عارف يظبط العربية مع انها نوبيرا وجنوط 15 كمان ولو جبت 130 وجمبي رصيف ولا حاجه بعيد عني متر ونص بحس ان الرصيف عاوز يشفطني ههههههههه

انا روحت لاكتر من عفشجي ووصفتله العربية وشاف وساق وأكدلي انها زوايا وترصيص مش شغلته والعربية كعفشه مفيهاش الهوا على حد كلامه !
وقلتله الى بيحصل كالاتي:
1- الدركسيون فيه بوش يمين شمال ع سرعه 80 وبتزيد وانت طالع قلي ده بوش العلبة العادية ولو حكمتهالك مش هتعرف تتحكم ف العربية
2- الدركسيون فيه غربله ويمكن نقر ع سرعه 100 وانت طالع وبتزيد لو الطريق الى ماشي عليه مش كويس .. يعني لو ع المحور ممكن العربيه متغربلش علاطول .. شوية اة وشوية لا
3- لو خدت غرزه ولا حاجه ع 100 ولا لو عاوز افادي نقره ع الطريق وانا على 60 بحس ان العربية عاوزه تعوم جامد ولازم اكون قافش ف الدركسيون

هو قلي ان كل ده زوايا وترصيص وبصلي ع كام حاجه منهم جلب المقصات وقلي زي الفل عندك تقريبا صاحب العربية القديم كان عامل تعديلهم لاني مشتكتش منهم من اكتر من سنة !

لو حد شك ف حاجه تكون بايظه عندي مسببه كل ده غير الزوايا والترصيص يقولي
ولو تعرفوا مركز كويس يقول .. انا ساكن ف قليوب وبروح القاهرة كل يوم

**smalltoto10** · 10-06-2012 11:35 AM

نسيت اقول ان الجنوط اسبور والترصيص حديد وبيتحط من جوا

وانا بركب الجنط الراجل جطلي حاجه كدا قلي ده رينج .. بس ده غير الى انا اعرفه خالص هو .. عبارة عن دايرة من البلاستيك قطرها حوالي 6 سم زي جوان كدا جينا نركبها ع السره كانت صغيرة قام قطعها وركبها ومش باينه خالص لانها صغيرة جدا .. وانا مش مركب رينجات

معرفش ده صح ولا !!

**waleedraafat** · 10-06-2012 01:11 PM

3 حاجات بتفرق في اتزان العربية
1- حالة العفشة عموما
2- ظبط الزويا مهم مهم مهم وبيفرق جامد (90 % من مراكز ظبط الزويا نصب في نصب لان المكن لازم كل فترة يتعاير وده بيكلفهم فلوس ومش هيعملوه عليك وعلي التوكيل 90 ال 120 جم كحد اقصي)
3- نوع الكاوتش ومواصفاته وحالته (بعد تغيير الكاوتش البريلي الزبالة بكاوتش جي تي سرعات مواصفات عالية فرق معي كتير جدا في الثبات وفي الملفات برغم خفة وضعف السوست والمساعدين)
وعموما الثبات بيقل علي الطرق المعرجة لانها بتحدف العربية شوية يمين وشوية شمال حسب الحالة

**smalltoto10** · 10-06-2012 01:13 PM

المشاركة الأصلية كتبت بواسطة waleedraafat

3 حاجات بتفرق في اتزان العربية
1- حالة العفشة عموما
2- ظبط الزويا مهم مهم مهم وبيفرق جامد (90 % من مراكز ظبط الزويا نصب في نصب لان المكن لازم كل فترة يتعاير وده بيكلفهم فلوس ومش هيعملوه عليك وعلي التوكيل 90 ال 120 جم كحد اقصي)
3- نوع الكاوتش ومواصفاته وحالته (بعد تغيير الكاوتش البريلي الزبالة بكاوتش جي تي سرعات مواصفات عالية فرق معي كتير جدا في الثبات وفي الملفات برغم خفة وضعف السوست والمساعدين)
وعموما الثبات بيقل علي الطرق المعرجة لانها بتحدف العربية شوية يمين وشوية شمال حسب الحالة

انا مليش اى تعامل مع التوكيل بتااع دايو ده قبل كدا

ولا اعرف مكانه ولا اي حاجه عنه

وبعدين هو انا ينفع اروح التوكيل اظبط زوايا وارصص وامشي من غير بقا ما يتفتحلي هناك عندك حساب وفواتير وكشوفات والكلام ده ؟

**waleedraafat** · 10-06-2012 01:31 PM

المشاركة الأصلية كتبت بواسطة smalltoto10

انا مليش اى تعامل مع التوكيل بتااع دايو ده قبل كدا

ولا اعرف مكانه ولا اي حاجه عنه

وبعدين هو انا ينفع اروح التوكيل اظبط زوايا وارصص وامشي من غير بقا ما يتفتحلي هناك عندك حساب وفواتير وكشوفات والكلام ده ؟

في فرع ليهم في المنطقة الصناعية بالعباسية جنب نيسان ولادا وعند سكن طلاب الازهر

التوكيل ما عندهوش ترصيص بس عنده زوايا ... هيحاسبك فقط علي الشغل الي هتعملة ومش هيعمل حاجة اكتر من المكتوب في امر الشغل والي انت ماضي عليه ... لو في شغل هو شايف انه لازم يتعمل هيعرض عليك وانت وراحتك ... خلي بالك مش بيقبلوا دخول العربيات المشنشة من اساسه ... لو في مشكلة في العفشة هيا الي مسببة مشكلة الثبات هيعرض عليك الحل ولو رفضت مش هيبقي مسئول عن ظبطها وانها تكون ميه ميه

**smalltoto10** · 10-06-2012 03:35 PM

طيب والترصيص عند مين

لان المشكلة الاكبر من الترصيص

**yoko** · 10-06-2012 03:47 PM

إنت عندك كذا إحتمال الراجل نفي البيض
دلوقتي الستبلايزر لو عندك ممكن يكون زعلان
المساعدين لو حالتهم مش كويسه
الكبالن لو إبتدأت تبوش
كل دول ممكن يعملوا غربله وتعويم
ومفيش حاجة إسمها يبقى فيه بوش في العلبة لإن ده غلط ومفيش حاجة إسمها لو ظبط البوش مش هتعرف تلف الراجل ده غالبا بتاع كفته