الموضوع: انا و البيكانتو من الاسكندرية لشرم رايح جاى

انا يا جماعة طلعت لشرم الاسبوع اللى فات و قلت احكى عن المشوار للى بيفكر يعمل زاى او لوحد عنده فكرة احسن يبقى الواحد يستفيد و يفيد

انا اتحركت من الاسكندرية حوالى الساعة 6 الصبح و رحت مونت العربية فول تانك ، طلعت من شارع 45 على الطريق الساحلى الدولى و الطريق ده فاضى و كويس لحد موصلت رشيد (حوالى 50 كم) بعد كد لحد دمياط الطريق مش قد كده فيه شغل و حطين يفط بتقول (الطريق فى حالة تشغيل) و معرفش يعنى ايه :?: و لحد دمياط تقريبا (135كم) كان فى استراحة واحدة او اتنين و بنزينة واحده و تقريبا مفيش علامات على الطريق بعد رشيد او نور :?
بعد دمياط الطريق بيرجع يبقى كويس و و فى تقريا بنزيتين و انتى بتعدى من برة البلد تقدر تدخل و تعمل اللى انتى عايزه، و قرب بورسعيد تقدر تمشى يمين و تطلع على طريق القناة او شمال و تدخل بورسعيد، انا مشيت من برة و لحد كوبرى السلام و دفعت 2 جنه و عديت الكوبرى من عند القنطرة ، خلى بالك ان بعد كده اول بنزينة على 150 كم على الاقل و شكلها انها من ايام الهكسوس فى حته اسمها الشط ، فى عدد 2 بنزينة شيك جد لكن مش شغالين، نصحية مون قبل متعدى، اول بنزينة نظيفة هتكون فى راس سدر
بعد 115 كم من عبور الكوبرى هيكون على يمينك نفق احمد حمدى، و بعدها هتمشى حوالى 350 كم هتكون باذن الله فى شرم هتعدى على راس سدر، ابو زنيمة، ابو رديس، الطور،راس محمد و اخيرا شرم و كل مدينة او مركز منهم فى استراحة و بنزية او اكتر
الطريق بين الطور و ابو رديس برده فى شغل ، و قبل شرم فى كام ملف جمدين :shock: فاريت بلاش حد يمشى بسرعة اول يحاول يسبق اللى قادمه :!:
و بصراحة السكة كانت كلها معقولة :o و ما بوزيش الموضوع غير ان الرخصة اسحبت علشان السرعة ، فخلى بالكوا خصوصا عند راس سدر، لانى تقريبا 90% من العربيات رخصتها اتسحبت و احنا راجعين يوم الخميس اللى فات

الذهاب زى العوده ، بس فى فرق واحد انى و انا راجع لقيت ان اريح عاملة مقاومة شديدة للعربيه لدرجة ان العربيه يدوب جابيت 100-120 كم/ ساعة فحين و انا رايح كنت باجيب 140-160 كم/س و ده كمان فرق ان استهلاك البنزين زاد حوالى 20-30% :shock:

انا وصلت شرم فى 8 ساعات و وقفت مرتين امون و مرتين استراحة سريعة و مرة لما الرخصة اتسحبت

و اخيرا البيكانتو عملت باصلها العربية فيها انا و المدام و الاولاد و الشنط مع التكييف طول السكة و الحمد لله وصلنا على خير و راجعنا على خير برده من غير اى مشاكل او اننا نضطر لاستراحة علشان العربية 8) سخنت او غيره

و ارجو اكون افدت حد بالمعلومات دى، و ياريت الناس تساهم علشان لو حد عايز يعمل زى يمكن يكون فى حد عنه معلومة فاتت منى

شكرا ليكم كلكم و الله يسلمكم، انا يا فادى كنت فى هيلتون دريمز علشان قلت الاولاد هيستمتعوا اكتر فى حمام السباحة عن البحر و كمان انا مش هبقى قلقان عليهم و هو فيه على الاقل 7 حمامات سباحة :mrgreen:
وانا سعيد انى قدرت اكتب حاجة تفيد زى ما انا باستفيد من المنتدى