عندى سؤالين على الطاير كده :
ما هى سلبيات خرط طنابير الفرامل ؟
وهل عند تغيير الطنبورة لازم التانية بتاعتها كمان تتغير ؟
مع الشكر
عرض للطباعة
عندى سؤالين على الطاير كده :
ما هى سلبيات خرط طنابير الفرامل ؟
وهل عند تغيير الطنبورة لازم التانية بتاعتها كمان تتغير ؟
مع الشكر
موضوع خرط الطنابير دة افتكاسة او تقدر تعتبره اختراع الميكانيكية
معليش لانى انا ضد خرط الطنابير للعدة اسباب
و اهم الاسباب
السبب الاول و هو تقليل من سمك الطنبورة و دة يعمل اية يقلل عزم الطنبورة فتؤدى الى كسر او تفتيت الطنبورة
يعنى بص انتا لما بتيجى تضغط فرامل اية قلى بيحصل بالنسبة للفرامل السكينة التيل بيقفل على حرف الطنبورة من الخارج و الداخل و بتبدى عملية التحميل على القرص الدائرى بالكامل فتخيل كدة لو السمك ضعيف هيبقى فى اجهاد الاجهاد مع الحرارة هتؤدى الى كسر و كل دة يتوقف على سرعة العربية و حمولة العربية و مدى نعومة او خشونة الارض ( الاحتكاك ) كل دى معايير مضافة للقطر و سمك الطنبورة تيجى بقى تغيير المقيس دى صعبة شوية
السبب الثانى
و هو قوة تماسك التيل على الطنبورة او بمعنى اصح مشوار فتح و غلق التيل سياتك بالخراطة انتا كدة قلله السمك يبقى مشوار غلق التيل بياخد وقت و كدة انتا تعتبر خليت التيل ميقفلش على بداية المشوار خليتة يقفل على الربع التانى يعنى فى بوش فى عملية الغلق و الفتح تقريبا كدة زى تاكل التيل بيبقى فى بوش شبيها زيها بس بالعكس فا تحتاج قوة ضغط اعلى على الدواسة الفرامل
الاستفسار الثانى
يجب تغيير الاتنين مع بعض علشان قوة التماسك تيبقى واحده مفيش واحده قوة تماسكه اعلى من التانية علشان فى حالة الضغط بقو العربية متلقيهاش بتحدف منك بزاوية على الارض لانى توقيت قفل التيل على الطنابير لازم يبقى واحد فالازم يبقى سمك واحد و معامل احتكاك واحد
زيها بردك التيل لازم هما الاتنين يتغيرو مع بعض
زيها الكبالن
زيها فرد الكوتش لازم تكون نفس النقشة و العمر الافتراضى واحد
نصيحة اخيرة انتا حضرتك بتتكلم فى فرامل عربية يعنى الاداة الوحيدة فى عملية ايقاف العربية
غيرهم احسن و سيبك من المفتيين و الاسترخاص فى الموضوع الفرامل
يارب اكون وافقة فى الشرح
م / احمد سيد
وربك المستعان
غيرهم احسن لو انت ماتعرفدش حد كويس يخرطهم بصنعه صح
;الطنابير بتتتخرط بمعدل مرتيين او ٣ بالكتير مع كل تيل جديد بتغيير .. خش حضرتك على مواقع الصيانه الاوروبيه او العالميه و انت تقدر تعرف انه افتكاسه و لا بجد ...
اهم حاجه اللي يخرطلك تكون ورشه مخرطتها مضبوطه و يستحسن لو تروح لواحد عنده مكنه خرط طنابير و ديسكات مش مخرطه عاديه
حضرتك انا بعبر عن واجهة نظرى الشخصية و لك مطلق الحرية انى حضرتك تقتنع بكلامى او لالالالالالالالالا
حضرتك قلى انتا بتتكلم عليها فى الدوال الاوربية دى بتتعمل بطريقة اخرى و هى
اولا بيتم عملية الخرط مش خرط بمعنى الكلمة هى بتكون عملية مس او بيسموها هنا فى مصر ( مسح )
و بعد عملية المسح بتدخل على ماكينة تجليخ و تسمى بالهوب ماشيين ( قليلة جدااااااا و استحالة تلقيها فى الورش العادية دى موجودة فى المصانع الكبيرة و على فاكرة بتعتبر من اغلى ماكينات التشغيل المعادن )قصة يعنى حضرتك بتتكلم فى اماكنيات و بمقاييس و معايير حضرتك اقراء موضوعى للاخر و انتا تعرف قصدى من الموضوع ده
وزى منا قولت لحضرتك دى وجهة نظر
م / احمد سيد
وربك المستعان
اعتقد لو مسيتها 1 مللي ويكون المللي ده في نظاق حد اقل سمك متاح للطنبورة minimum thickness
فده عادي جدا بس طبعا تعلمهم مع بعض ولازم تغير تيل الفرامل بعد عمليه المس دي (مسح بسيط جدا)
شرح موفق جدا وشكرا للمعلومات
التغيير أفضل ولازم لو غيرت أو خرطت يبقى الاتنين ما ينفعش واحدة فقط
انا لسه مخرط الطنابير بتاعت عربيتي
يعني كان يا دوب واخد منها شعره صغيره
وده باعمله لما بيكون فيها ريجه خفيفه
انما لو ريجه جامده باغير الطنابير