عاوز أسوق بقى ( المرايات )

السلام عليكم
الحمد لله ربنا أكرمنى و جبت لادا 2105 و محتاجه سمكرة و دوكو ( يعنى الخبط فيها حلال)
أنا بصراحه مبعرفش أسوق, أخدتها مع أحد أقاربى و بدأت أمشى بيها و أتعلم أخليها متفصلش و ....
بس عندى مشكله:
مبعرفش أضبط أبعاد العربيه بالمرايات فى المرشدير, و جربت مليوووووون مره برضه أخبط و أنا راجع بالعربيه.
فى ناس كتيير كانت بتقوللى أعلمك السواقه فى أسبوع أو 3 أيام ... بس أنا بقالى حوالى 10 أيام مفيش فايده, و طبعاً مش هقولكم لو الطريق واقف أو فيه مكان ضيق أعدّى منه :stink[1]:
و يا سلام كمان لما يكون واحد رخم ورايا ساند أيده عالكلاكس و مش عاوز يشيلها, أو فى ناس واقفه تتفرج عليا و أنا بأطلع بالعربيه أو بركنها :_Alshmokh22[1]:
بجد السواقه فى مصر ...:T_thum1[1]:... ربنا يسترنا و يسلمنا.

اهم حاجه اوعا توتر نفسك و سيب اللى يبص يبص و اللى يتكلم يتكلم
خليك واثق فى نفسك و متخفش من اى حد هيعلق كلكس وراك لانه مش هيخبطك لانه لو خبطك هتبقى هو اللى غلطان فا متوترش نفسك
بلنسبه لابعاد العربيه هتييجى مع الوقت و الممارسه الكتير هى و المرايات
من الاخر السواقه ممارسه و انك متخفش من حد و تسيبها على الله
^_^

كله بالتعود و المشى يا باشا
حاول تمشى كتير و تروح حتت فاضيه و تحاول تركن و يكون معاك اصحابك

كل ده حصلنا و احنا لسه بتعود
فتره بس و بتلاقى نفسك بقيت شوماخر
:)

مع السواقة الكتير هتتعود على أبعاد العربية و هتعرف تقدر كويس لو في مساحة ضيقة أو زحمة.
و عادي موضوع المراية ده, و ممكن يطول شويتين على ما تعرف تركن بضهرك مثلاً.
بس أهم حاجة و أنت بتتعلم تخليك هادي مهما حصل و حد غلس عليك و أنت سايق لأن في ناس كيفها تغلس لما تلاقي حد لسة بيتعلم جديد.
و عايز أقلك كمان أنه طبيعي أن العربية تتخبط منك كذا مرة لحد ما واحدة واحدة الدنيا هتظبط معاك..

ده طبيعى سيدى الفاضل كلنا كنا كدا فى الاول
فحضرتك شوية شوية ومع الممارسة انت حتحس بتحسن حاول الاول بس تقدر تتحكم فى طلعة العربية والنقل وانك
تطلع من مطب وتهدى وتنقل على الغيار الاقل وهكذا وبعد ما تاخد على الغيارات
حضرتك هتلاقى نفسك لوحدك عايز تعرف المرحلة اللى بعديها من بقى المرايات ثم بعد كده الركنة لكن ما تكثفش كله مره واحده
عايز تتعلم كله فى وقت واحد هاتتوتر
لكن خدها خطوه خطوة لغايت ما تاخد على جو العربية وشوية فى طرق فاضية وشوية فى طرق مزدحمة بالتدريج
ان شاء الله ها تبقى 100 100 وبالتوفيق ان شاء الله

وكأنك تحكى عنى لما كنت بتعلم ....... أكثر من طبيعى وإحساسك بالتأزم ده دليل إنك هاتبقى سواق جامد وكفاية إن ماما لادا " طبعا أنا أقصد العربية لأنها هيا اللى شيلاك وكأنك بتتعلم المشى "

تعالى شوف دلوقتى جن مصور ههههههههه " مبالغات "

إحساس عاااااااااااااااادى بس إياك تبطل تسوق وتخاف والحاجات دى

أشوفك سواق فى فورميولا الأهرام " طبعا كنت فاكر هاقول فورميولا 1 " أنت بتحلم هههههههههههه

بس طالما لسة ببتعلم
حاول تتعلم على المرايات أفضل بكتيير
يعني الركنة تكون بالمرايات و المارؤشدير بالمرايات
و كله بالتعود
بس ما تستسهلش و تلف وسط و تبص وراك و انت بترج
أتعلم على المرايات أحسن

اقولك بقا على مفجأة تبسطك
حضرتك بتتعلم على لادا يعنى بأذن الله هتبقى سوييييييييق برنس لانك بتتعلم على عربيية ذكورية غير تقليدية
فخلى عندك ثقة انك هتبقى جامد بأذن الله
ولو بتروح جيم ياريت تبطل وخليك ماشى مع الادا هتعملك فورمة الساااااااااااااااااحل
وربنا يسترها مع الجمييييييييييييييييييع

اجمد انت لسة فى الاول قوى :)

ربنا يبارك فيكم و ردودكم المشجعه.
جزاكم الله كل الخير

طبعا انا مش لاقي كلام اقوله بعد الكلام ايلي قالوه اخونا الاعضاء
و خايك فاكر
1- ثقتك في نفسك
2- عدم تكرار الخطأ
3- الممارسة الكتير

آه صح أنا لسة مش متمكن قوى بس كويس نوعا ما المهم أنا طموحى فعلا إنى أشارك فى سباقات فورميلا والحاجات دى إيه المطلوب منى ؟