حمد لله علي السلامه
وتعيش وتستجم
ربنا يديك خير عربيتك ويكفيك شرها وان شاء الله تجيب الهاي لاين
قابل بقي ردود من اصحاب الجتا والسيراتو
رقم العضوية : 842
تاريخ التسجيل : 01Jun2007
المشاركات : 5,773
النوع : ذكر
الاقامة : Cairo , Egypt
السيارة: Fiat Palio 1.2 FIRE - 2006
السيارة[2]: Hyundai Elantra GL 2012
دراجة بخارية: مكواة بخار
الحالة :
بسم الله الرحمن الرحيم
الحمد الله خططنا لرحلة سريعة مع الاصدقاء ليومين بس, طلعنا الخميس بعد الشغل و رجعنا امبارح باليل.
كنت محتاج فعلا شوية هواء و خروج عن القرف و الزحمة الي احنا فيها و الحمد الله مارينا كانت شبه فاضية تقريبا ... وكان الجو جميل جدا جدا جدا !
اول الرحلة كانت قرف ... كنت رايح اجيب واحد صاحبي من التجمع الخامس .. و في الطريق الطويل العريض ده الي بيربط التجمع بمدينة نصر ... الحمد الله الموبايل رن وهوا في جيبي .. جيت اطلعه .. وكنت ماشي بسرعة .. كسرت على عربية لانوس ... و طيرت مرايتي و مرايته :)
استحملت وابل من الشتائم طبعا .. و حمدت ربنا ... المراية سليمة بس الزجاج نفسه بتاعها وقع .. و الخبطة كانت مش اقل من 120-140 كم في الساعة ..
المهم تاخرت رحلة مارينا و بدات رحلة البحث عن مرايا الانترا 2012 و انا بما اني جديد في كوريا .. كنت متضايق علشان لاقيت سلكين مدلدلين من المرايا .. قلت بس كدة مش حعرف اتحكم فيها تاني ... المهم بعد مشاوير كتير و اختيارات بين تفصيل واحدة تحت السلم او شراء الاصلية ...
اكتشفت ان السلكين دول ببتوع السخان بتاع المرايا مش المحرك .. و للاسف ملقتش حد في مدينة نصر عنده المرايا الاصلية .. لضيق الوقت اشتريت بتاعت الكورولا 2010 و هي كانت اقرب واحدة ليا ب 100 جنيه !
المهم طلعنا على الطريق بعد مقابلة صديق بالجيتا ... انا كان اول مرة في حياتي اسافر لمارينا بعربيتي انا يعني .. فكنت حذر و خايف شوية بصراحة .
اخدنا الطريق لحد العلمين مابين 120 الى 140.
طريق العلمين خدناه كله 130 مثلا باسثناء بعض الحتت الي كان فيها مقطورات نايمة على اليمين و الشمال !! اضطريت ازود ل 160 ..
وصلنا الحمد الله ... العربية كنت مفولها في المهندسين ... وصلت للشاليه في مارينا ( 335 كم بالظبط) ب 55% من التانك لسة موجود.
الحمد الله الثبات لحد 160 كان ممتاز و التحكم في العربية و مطبات الهواء و القرف الي في طريق العلمين كله كان الحمد الله تحت السيطرة و محستش اني عايز اهدي او حاجة ..
الاضاءة ماشاء الله بصراحة كنت بفكر في الزينون .. مش محتاجه نهائي !
الفوجات و الاضاءة المتسوطة و العالية في طريق زي العلمين (مفيهوش لمبة باليل) كنت كاشف الطريق كويس جدا و سهلة المهمة جدا لواحد اول مرة يروح الطريق الهباب ده .
انا كنت قاطر الجيتا قدامي على اساس انه هو الخبير يعني في الطريق وبصراحة كان راجل فاهم جدا .. كذا مرة يلاقي حاجة في الشارع من كاوتش -رمل - كلب ميت مش عارف ايه .. بيديني اشارة قبلها بكتير علشان اتحرك معاه قبل ماللبسها انا ..
وانا بالمثل كذا مرة الدنيا زنقت عليه .. هديت كتير علشان يعرف يتفادى الي هو عايزه ..
في كذا مرة حرقنا جنب بعض كدة فوق ال 120 الى 180 و نزولا تاني ..في كل مرة كنت بطلع من مستريح جدا جدا بفرق كبير بس بهدي علشان نفضل مع بعض
المهم كانت رحلة الذهاب ظريفة و مريحة و وصلنا في وقت كويس جدا الحمد الله.
نزلت من العربية متوقع ااني ظهري يكون مقطوم .. الحمد الله الكرسي كان مريح نسبيا و حسيت بتنميل في رجلي الشمال بس الي مش بتسعمل .. و الري راكب جنبي معاه Audi A4 برده قالي الن الرحلة كانت مريحة فعلا و محسش بحاجة .
مفيش كلام عن السيراتو علشان ده زميل تاني بس جه لوحده متاخر بعدنا بساعتين لظروف عمله.
عملنا تدبيل ظريف بين سائق الجيتا وانا .. هو ساق عربيتي (الانترا 2012 اول فئة عاملة 9000 كم) و انا سقت عربيته (جيتا 2010 هايلاين خليجي عاملة 80 الف) في الطريق الي بيبربط بين المارينا و الساحل ...
المهم قطعنا مسافة 80 كم كاملة هو بعربيتي و انا بعربيته ...
ملاحظتي الوحيدة كانت على الجيتا (انا مش خبير سواقة يعني) ان الباور بتاعها اتقل بكتير مني و العزل اقل و الوسع او احساسي اني راكب في عربية واسعة اقل .. طبعا الكماليات حدث ولا حرج دي الهايلاين يعني :) العفشة محستش انها انشف او اخف و محستش برده انها اثبت او اقل ..
تعليقه هو بقى بعد "النزول" الملكي من "الجيتا الهايلاين" الى "الكوري الاوفلاين" LOL
انه محسش باي فرق بتاتا ! يعني مش فرق الالماني و الكلام اياه ... غير في 3 حاجات ..
+ تسارع الانترا افضل
+ عزل الانترا افضل
+ الانترا اوسع
- باور الجيتا اتقل (الانترا باور خفيف جدا)
- خامات الجيتا الهايلاين افضل
- كماليات طبعا اعلى (فرق الفئات)
و ده راجل Anti-Korean قديم يعني .. قالي بالحرف الواحد "مكنتش متوقع كدة بصراحة" :)
و انهى الركوبة بانه خمس 180 درجة بعربيتي و انا قلبي بيقف قدام الفيلا و احنا راجعين :)
وقالي لآ ظريفة LOL
بتاع السيراتة كان لسة عامل 2500 كم و مش عايز حد يقربلها طبعا فسيبناه في حاله :)
المهم بقى الانترا رفعت راسي في كل مطبات مارينا .. و الي ميعرفش مطبات مارينا .. هي عبارة عن جبل امسنتي ملون بالاصفر و الاسود و متكرر بنسبة مطب لكل 50 متر !! علشان محدش يجري !
الجيتا لازم بالطول و العرض و الورب علشان ميحكش (3 ركاب) و حكها برده مرتين تلاتة !
الالنترا في كل المطبات بوشي (3 ركاب) و الحمد الله محكتش ولا مرة !
رحلة العودة, قبل مانطلع اكتشفت اني حروح الي راكبين معايا ... واحد في المعادي و التاني في مصر الجديدة وانا في مدينة نصر .. فتوقعت اني حتبهدل سواقة في القاهرة فلازم ننجز الطريق بدري بدري
مع تعليق بتاع السيراتو ال 2012 ان عربيته مبتزيدش بعد ال 180 .. وانا بصراحة لا اعلم اخر عربيتي كام .. فقلنا للاسف نتهور شوية و احنا راجعين ..
خرجنا من بوابات العلمين الساعة 6:15 وصلت القاهرة الساعة 8:00 و التجمع الخامس الساعة 9 مصر الجديدة الساعة 10 ... بيتي تاني الساعة 10:45 ... يعتي تقريبا 5 ساعات قيادة متواصلة انهكتني بصراحة .. لان ساعتين اول اقل على طريق سريع .. و الباقي خناقة بين الدائري و المحور و شوارع مدينة نصر و مصر الجديدة المهببة !
المهم بعد البوابات .. انا طرت بصراحة و كنت عايز اشوف اخر عربيتي واخر السيراتو ايه ...
وصلت ل 185 بسهولة نسبية ... بعد ال 185 بدا تسارع العربية يقل بشكل كبير و مؤشر ال RPM بيزيد ببطئ شديد جدا ... المهم وصلت ل 195 بالظبط و السيراتو ورايا بفرق عربيتين مثلا .. كلمني في التيليفون بيقولي العربية مش بتعدي ال 190 قلتله وانا واقفة على 195 :)
تقريبا مؤشر ال RPM كان عند 5600 او 5900 مش فاكر الظبط.
المهم بعد تهدئات و جوالات .. وصلت ل 200 و السيراتو قافشة ورايا على 190 :)
السيراتو كان فيها راكبين و شنطتين و انا كان راكب معايا 3 و 3 شنط
بصراحة حسيت اني بهلك في العربية لاني مشيت مسافة لا تقل عن 70-80 كم و الRPM داخل على 6000 !!
بالنسبة للثبات بصراحة لحد 180 محستش خالص اني ماشي على السرعة دي .. لدرجة ان الي راكب جنبي و هو راكب Audi A4 بيقولي متدوس بنزين شوية .. بص على العداد .. قالي لآ زي الفل كدة خليك :)
كملت بقيت الطريق على 160 و كان في شوية مواقف استدعت كام حودة موفاجاة .. والحمد الله كان في مرة فيهم حودت جامد في رملة .. علشان واحدة ست ماشية على الشمال بكورولا و تقريبا ماشية على 80 او حاجة زي كدة .. كانت حتلبسني في الرمل .. الحمد الله العربية لم تنحرف او تلف او تفقد اي شيء من توازنها ..
طريق الصحراوي نفسه مقدرتش امشي في اكثر من 130 لانه مليان عربيات .. مش زحمة .. بس يستدعي بقى غرز و كلام كبير من ده و بصراحة معنديش قلب للحاجات دي الا للضرورة القصوى برده الحمد الله في كام موقف عند التحويلات الي قدام السليمانية .. الفرامل اسفعتني فيهم كتير جدا
وصلت بوابات القاهرة ... حوالي 300 كم .. كان فاضل في التانك حوالي 30% المرة دي ! طبعا علشان الحرق الرهيب الي حرقناه !
المهم كانت رحلة ظريفة .. اكتشفت فيها امكانيات السيارة نوعا ما .. و حمدت ربنا اكتر على اختياري لها ... طبعا كان ممكن تبقلى الرحلة اكثر طمأنينة لو فيه كماليات زي ال ABS/AIRBAGS و ASR/ESP بس على اد امكانيات الواحد والله العربية مخيبتش ..
وبمنتهى الامانة و بسواقة عربية زي الجيتا الي الناس محسساني اني كنت حركب وحش خرافي .. والله مارضي اركبها و لا اشتريها بعد الانترا .... بس طبعا حجيب الانترا بكماليات اعلى ..
وصاحب الجيتا نفسه بيفكر يجيب السوناتا الجديدة :)
باختصار شديد الفئة دي يعني .. الفروقات الجوهرية مش كبيرة زي ماكنت متخيل ... ممكن في فئات تانية يكون الفرق واضح و ممكن لأ الله اعلم.
بالنسبة للسيراتو مقدرتش احكم عليها كتير .. بس طبعا هي جردل كمالايات :) و المحرك و الثبات مشابه لدرجة كبيرة لانترا .. بس بصراحة الجلوس فيها في السفر على كلام الناس الي كانت راكبة معاه مش مريح اوي و الكراسي مش مريحة و مساحات الارجل الامامية و الخلفية يهيأ لهم انها في الالنترا اكبر.
و صورة للبحر على الماشي :)
واسف لاطالة :)
رقم العضوية : 82670
تاريخ التسجيل : 03Dec2010
المشاركات : 899
النوع : ذكر
الاقامة : bani bani
السيارة: no
السيارة[2]: fantasia sport 2012
دراجة بخارية: no
الحالة :
حمد لله علي السلامه
وتعيش وتستجم
ربنا يديك خير عربيتك ويكفيك شرها وان شاء الله تجيب الهاي لاين
قابل بقي ردود من اصحاب الجتا والسيراتو
رقم العضوية : 53246
تاريخ التسجيل : 17Nov2009
المشاركات : 823
النوع : ذكر
الاقامة : Mansoura & Cairo
السيارة: hyundai accent
السيارة[2]: kant fiat w ra7t l7alha
دراجة بخارية: no
الحالة :
حمد الله علي السلامة وياريت تكون اتسبطت اوي وروقت مزاجك من الحر والقرف والزحمه :(
ان شاء الله ناوي اخبط مشوارك دا قريب :d
::. سبحان الله وبحمده سبحان الله العظيم .::
رقم العضوية : 77660
تاريخ التسجيل : 14Aug2010
المشاركات : 4,054
النوع : ذكر
الاقامة : EL_HARAM__MISR
السيارة: HE
السيارة[2]: HM
دراجة بخارية: No
الحالة :
حمداً لله علي سلامتك
و ربنا يحفظك إنت و عربيتك من كل شر
و حاول تجيب كفة المرايه الأصليه ....
وَبَشِّرِ الصَّابِرِينَ الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعُونْ
رقم العضوية : 39817
تاريخ التسجيل : 07May2009
المشاركات : 2,093
النوع : ذكر
الاقامة : 7adayek El Ahram
السيارة: Isa) civic Sir)
السيارة[2]: Daewoo Nubira 2
دراجة بخارية: ...............
الحالة :
بسم الله ماشاء الله رحلة سعيدة ياباشا وتقرير جامد عن الانترا وان شاء الله ربنا يكرمك وتجيب الهاى لاين
koshary
رقم العضوية : 46699
تاريخ التسجيل : 10Sep2009
المشاركات : 418
النوع : ذكر
الاقامة : Egypt
السيارة: None
السيارة[2]: Persona 2009 M/T FO
دراجة بخارية: None
الحالة :
أنا كنت مسافر برضه الأسبوع ده للساحل الشمالى ... و كنت مسافر بعربية واحد صديقى إلنترا 2012 أول فئه .. و الصراحه و الحق يقال .. العربيه أبهرتنى .. العزل ممتاز جداً جداً .. كنا ماشيين على 160 و مش حاسس إطلاقاً بالسرعه .. الثبات جيد جداً .. العربيه واسعه ما شاء الله .. و التكييف رائع .. بإختصار العربيه فوق الرائعه .. ربنا يحفظها لصاحبها .. و إن شاء الله هتكون إختيارى القادم
رقم العضوية : 78428
تاريخ التسجيل : 24Aug2010
المشاركات : 4,106
النوع : ذكر
الاقامة : ksa .geda
السيارة: Pegute 407
السيارة[2]: b.m.w 130i 2008
دراجة بخارية: mesh 3andy
الحالة :
من واحد ركب جيتا 4 سنين
الانترا برقبتها فى الوسع و النعومه احقاقا للحق
لكن كا فرامل و ثبات اعزرنى
رقم العضوية : 81610
تاريخ التسجيل : 30Sep2010
المشاركات : 2,966
النوع : ذكر
الاقامة : مدينة نصر
السيارة: لايوجد
السيارة[2]: Hyundai Elantra 2007
دراجة بخارية: لايوجد
الحالة :
بسم الله ما شاء الله عليك
تقرير رائع
وحمدالله على سلامتك يا كيمو
رقم العضوية : 16528
تاريخ التسجيل : 16Aug2008
المشاركات : 897
النوع : ذكر
الاقامة : maadi
السيارة: dodge spirit
السيارة[2]: elantra 2008 jetta 2009
دراجة بخارية: -
الحالة :
من واحد مش متحيز و مش بتاع كوري و الماني و ياباني و الكلام ده
بس في فروق في الجيتا عن كل الفئة من كورولا و سيفيك و لانسر ومازدا و الانترا و سيراتو و فوكاس
انا معايا الالنترا 2008 و ركبت الجديدة
الفرق في الركوبة و الخامات و الفخامة و الثبات و الفرامل موجود
بس مش معناه ان اللانترا وحشة
النعومة و الاعتمادية و السعر مقابل القيمة
my jetta
رقم العضوية : 45939
تاريخ التسجيل : 01Sep2009
المشاركات : 4,938
النوع : ذكر
الاقامة : الباجور/ منوفيه
السيارة: لانسر كرستاله
السيارة[2]: بيجو 504 +شاهين
دراجة بخارية: نعم صينى
الحالة :
تقرير رائع
ربنا يباركلك فيها
بس انت بخيل اوى كدا ليه بعد التقرير ده كله صوره واحده بس للبحر
طبعا بهزر عاوزين شويه صور حلوه كدا للبحر والى جو البحر
اقوى واغلى 10 اسلحه بالعالم
http://technology-mmm.blogspot.com/
http://imageshack.com/a/img850/6764/4fdl.jpg
المفضلات