هل الأكسنت ار بي المانيوال تستاهل سعرها؟

**shaddadfalcon1** · 10-06-2012 03:17 PM

السلام عليكم

عايز اعرف ياجماعه الاكسنت ار بي مانيول فعلا تستاهل 97 الف؟ يعني لو حطيت قصادها الاوبترا المانيول اللي هي تقريبا نفس السعر مين فيهم يكسب؟

انا عايز عربيه شكلها حلو من بره وجوه واقتصاديه وسحبها حلو وثبات معقول وفرامل كويسه

وهل لو جبت الأسكنت المانيول اعرف اظبط فيها بقية الحاجات مع الوقت ؟
يعني الجنوط والكماليات الباقيه اللي هي بينها وبين الأوتو ؟ ولا دي حاجات مينفعش اجيبها؟

ان اعرف ان المانيول مفيهاش ABS , Airbags بس هل فعلا الحاجات دي فارقه قوي في اداء الفرامل والثبات ؟ علما باني معايا لانوس

وهل في اماكن بتقسط ؟ لو دفعت مقدمه في حدود 50 او 60 مثلا؟

**Land_Cruiser** · 10-06-2012 03:22 PM

ال abs و الايرباجز مهمين جداً و المفروض انهم يبقوا اساسيات الانهم اهم حتى من الشكل الخارجى فى ظل الطرق السيئه و سواقه الناس العجيبه و ياريت تخليهم من أولويات حضرتك

**SiM0** · 10-06-2012 04:06 PM

أنا رأي إنها ماتستاهلوش خالص شوف النيسان سني الجديدة 1500CC فـموفرة في البنزين و 108 حصان واوتوماتيك بـ100 ألف وفيها AIR bagsو ABS EBD BA بس اسأل عليها كويس علشان لسة مش متجربة في مصر و على القال نيسان ياباني وسمعة نيسان قوية وال اوتوماتيك هيفرق معاك جامد في الزحمة والقرف بتاعة البلد ده

**shaddadfalcon1** · 10-06-2012 04:08 PM

المشاركة الأصلية كتبت بواسطة land_cruiser

ال abs و الايرباجز مهمين جداً و المفروض انهم يبقوا اساسيات الانهم اهم حتى من الشكل الخارجى فى ظل الطرق السيئه و سواقه الناس العجيبه و ياريت تخليهم من أولويات حضرتك

انا عارف والله بس انت عارف معظم العربيات اللي تحت ال 100 الف دلوقتي مفيهاش الكلام ده واحيانا العربيه بيبقي مفيهاش abs بس الفرامل حلوه جدا وادائها مرضي وانا الحمد لله سواقتي معقوله يعني لابتاع غرز ولا حورارات بس علي الطرق النظيفه بحب اجري شويه لو الطريق يسمح ومفيش زحمه

عشان اجيب الأكسنت اللي فيها اي بي اس يبقي اوتو وانا مش بحب الأوتو ولو جبتنها يبقي هدخل في 25 الف ذياده مش عارف ليه بصراحه ادفع في اكسنت 120 الف وهي النسخه اللي قبلها كانت ب 90 تقريبا

**Mohab555** · 10-06-2012 04:31 PM

لو المقارنة بين الاوبترا و الاكسنت اكيد الاكسنت بدون كلام
وحضرتك على كلامك سوقتك مش عنيفه فموضوع ال abs مش هيفرق اوى معاك
اتكل على الله مع الاكسنت بس اسأل كده على الخليجى بتاعها هتبقا ممتازة عن بتاعة التوكيل وممكن تلاقي فيها abs كمان وكماليات كتير جدا ....

**shaddadfalcon1** · 10-06-2012 04:44 PM

مش عارف بس انا شفت صور للصني وكان شكلها عره قوي من بره ومن جوه وانا مش هيغير من اللانوس عشان اجيب حاجه تكئبني
انا عايز ابقي حابب العربيه برده

مش عارف هل في صور تانيه للصني الجديده غيرالصور بتاعة زمان دي ولا لآ

**mody3on** · 10-06-2012 04:46 PM

المشاركة الأصلية كتبت بواسطة SiM0

أنا رأي إنها ماتستاهلوش خالص شوف النيسان سني الجديدة 1500CC فـموفرة في البنزين و 108 حصان واوتوماتيك بـ100 ألف وفيها AIR bagsو ABS EBD BA بس اسأل عليها كويس علشان لسة مش متجربة في مصر و على القال نيسان ياباني وسمعة نيسان قوية وال اوتوماتيك هيفرق معاك جامد في الزحمة والقرف بتاعة البلد ده

الصني 99 حصااااااااااااااااااااااا ان , ومش يابااااااااني
بس هات الصني عشان فيها ABS-Airbags

**mahmoud_afifi** · 10-06-2012 04:57 PM

حرام تدفع في اكسنت ار بي وكمان مانيوال 97 الف !!
اذا كان اساسا مش مقتنع بيها كأوتوماتيك اول فئه ومافهاش اي وسائل امان ولا بتنجان.
كان في عضو نصحته بالصني (الشكل القديم) لأنها بنفس سعر الاكسنت وفيها وسائل امان اعلى. والحمدلله اقتنع وجاب صني ومبسوط بيها وربنا يباركله فيها.

بس لو انت حابب الأر بي يبقى هاتها اوتو واعصر على نفسك لمونه وزود 6 على المبلغ الي عامل حسابك عليه.

-

-

الموضوع: هل الأكسنت ار بي المانيوال تستاهل سعرها؟

LinkBack

أدوات الموضوع

عرض

-

-

المواضيع المتشابهه

الأكسنت سعرها ارتفع :(

كروز بعد نزول سعرها و لا سيراتو بعد ارتفاع سعرها ؟

ايه اكثر عربية فى مصر تستاهل سعرها ؟؟

ياجماعه الميجان المانيوال سعرها رخص ؟؟؟

ايهما افضل نيو اكسنت المانيوال ام الافيو الكورى المانيوال؟

الكلمات الدلالية لهذا الموضوع

المفضلات

المفضلات

ضوابط المشاركة