أرجو المساعدة ، لا أثق غير فيكم ، و مفيش غيركم الجأله

أنا كنت عامل حادثة بعربيتي و اتبهدلت أوي ( كانت لانسر 2003GLX)الشكل القديم مش البومة ، و طبعا زي ما إنتوا عارفين كل واحد عمال يفتيلي فيها ، أنا محتاج قطع غيار كتير هتكلفني كتييير ، و كنت عايز آعرف التصرف السليم.

- فيه رأي بيقول أعملها في التوكيل
-و الرأي التاني أعملها بره التوكيل بس أشتري قطع الغيار من التوكيل
- رأي ثالث إني أصلحها بره التوكيل و أجيب قطع غيار ياباني من بره التوكيل
- و رأي رابع إني أصلحها بره التوكيل و أجيب قطع غير إستعمال خارج

أنا مش عارف إيه الصح فيهم ، مع العلم إن العربيه القايم فيها متعضعض ، و محتاجه شغل سمكرة عالي .

و أنا عارف إن الي طلبي ده رزالة أوي بس كنت عاوز أعرف أسعار قطع الغيار دي عشان أعرف راسي من جلي :
باب يمين خلفي
باب يمين أمامي
رفرف يمين
رفرف يسار
مساعد يسار
مقص يسار
كوبلن يسار
زجاج أمامي
جنط حديد
( المرايه اليمين و الزجاج اليمين لو مبيجيش مع الباب )

أنا عارف إني رزل أوي بس مش هنسالكوم الجميل ده و الله :winkiss:

ملاحظة : أنا عندي فيديو للعربيه ممكن أبعته لأي حد على الماسنجر ( علشان مبعرفش أرفعه على المنتدى )

ربنا يعوض عليك و الحمد لله انك كويس و لو محتاج منى مساعدة ارفع لك الفيديو
rsarabia.com@hotmail.com

ربنا يعوض عليك و علينا و يسترها معاك و معانا

اقتباس:

---

المشاركة الأصلية كتبت بواسطة MaaG

- فيه رأي بيقول أعملها في التوكيل
-و الرأي التاني أعملها بره التوكيل بس أشتري قطع الغيار من التوكيل
- رأي ثالث إني أصلحها بره التوكيل و أجيب قطع غيار ياباني من بره التوكيل
- و رأي رابع إني أصلحها بره التوكيل و أجيب قطع غير إستعمال خارج

---

أنا شخصيا مع الرأي الثالث

ملحوظة : كلنا لا ملجأ لنا إلا الله أما العباد فهم أسباب فقط

الابواب بازازها و الرفارف والمراية
كل ده هاته استيراد و اعمل الشغل عند سمكرى بس يكون درجة اولى
باقى الحاجات هاتها من التوكيل و لو بتتعامل مع عفشجى ثقة اعملها عنده يااما تعمل العفشة برضة فى التوكيل
و 1000 سلامة و الحمد لله على كل حال

اقتباس:

---

المشاركة الأصلية كتبت بواسطة Islam_galal

ملحوظة : كلنا لا ملجأ لنا إلا الله أما العباد فهم أسباب فقط

---

و نعم بالله ، و ألف شكر

اقتباس:

---

المشاركة الأصلية كتبت بواسطة sabbagh

الابواب بازازها و الرفارف والمراية
كل ده هاته استيراد و اعمل الشغل عند سمكرى بس يكون درجة اولى
باقى الحاجات هاتها من التوكيل و لو بتتعامل مع عفشجى ثقة اعملها عنده يااما تعمل العفشة برضة فى التوكيل
و 1000 سلامة و الحمد لله على كل حال

---

ألف شكر على النصيحة ، و أنا أخذت واحد بتاع عفشة معاية شاف العربيه انهارده و قالي إنها محتاجة مقص و مساعد علشان المشاعد معووج و الباقي هيبان لما يغير دول و يحل العفشة .
و قال حاجة غريبة كمان ، قال إن قطع الغيار إلي من التوكيل ليست بجودة الياباني الأصلي الموجود في السيارات الزيرو ، و نصحني باستعمال الخارج ، مش عارف هوا الكلام ده صح ولا لأ ( مع العلم إنه بيبيع قطع غيار استعمال ) مش عارف هل بيقول كده علشان يبيع ولا دي حقيقة ؟؟؟؟؟؟؟؟؟؟

بره التكوكيل و تكون ناس بتفهم و قطع غيار استعمال الخارج ... ده الحل السليم علشان تلم الليله و ماتفتحش معاك مصاريف .. بس روح لحد بيفهم مش كفتجي ...
لو عاوز صنعه صح في السمكره عليك و علي المنصوره

[:
و قال حاجة غريبة كمان ، قال إن قطع الغيار إلي من التوكيل ليست بجودة الياباني الأصلي الموجود في السيارات الزيرو ، و نصحني باستعمال الخارج ، مش عارف هوا الكلام ده صح ولا لأ ( مع العلم إنه بيبيع قطع غيار استعمال ) مش عارف هل بيقول كده علشان يبيع ولا دي حقيقة ؟؟؟؟؟؟؟؟؟؟
:]

للأسف كلام صحيح القطع الزيرو مفيش زيها و لا حتى الاصلى بتاع التوكيل حتى فى المستهلكات زى التيل
بس لازم تاخد فى اعتبارك حاجة
العفشة بالذات هى اللى شايلة العربية و الاستيراد فى الاول و الخر مستعمل و مشى كتير و كمان انت مش عارف تاريخه
ممكن تجيب مقصات استيراد عشان دى اصلا عمرها طويل و لو مفكوكة من عربية سليمة ها تبقى ممتازة
اما المساعدين و الجلب و السوست و الكبالن معلش هات جديد و ياريت اصلى حتى لو من بره التوكيل بس من حد مضمون

انا عندي ناس بتشتغل في الزيرو
وعندي ناس حنينه
شوف عايز تعملها عند مين
بس هاتنزلها الحرفيين
وان شاء الله ترجع زي الاول
وكل حاجتك اللي طالبها هاتلاقيها لان حاجتها كتير جديدة واستيراد
ممكن تكلمني نظبط مع بعض يوم تنزل فيه
انا تليفوني
0101263030

اقتباس:

---

المشاركة الأصلية كتبت بواسطة sabbagh

[:
و قال حاجة غريبة كمان ، قال إن قطع الغيار إلي من التوكيل ليست بجودة الياباني الأصلي الموجود في السيارات الزيرو ، و نصحني باستعمال الخارج ، مش عارف هوا الكلام ده صح ولا لأ ( مع العلم إنه بيبيع قطع غيار استعمال ) مش عارف هل بيقول كده علشان يبيع ولا دي حقيقة ؟؟؟؟؟؟؟؟؟؟
:]

للأسف كلام صحيح القطع الزيرو مفيش زيها و لا حتى الاصلى بتاع التوكيل حتى فى المستهلكات زى التيل
بس لازم تاخد فى اعتبارك حاجة
العفشة بالذات هى اللى شايلة العربية و الاستيراد فى الاول و الخر مستعمل و مشى كتير و كمان انت مش عارف تاريخه
ممكن تجيب مقصات استيراد عشان دى اصلا عمرها طويل و لو مفكوكة من عربية سليمة ها تبقى ممتازة
اما المساعدين و الجلب و السوست و الكبالن معلش هات جديد و ياريت اصلى حتى لو من بره التوكيل بس من حد مضمون

---

انا مش هاقولك غير ان فيه مستعمل نضيغ جداُ .. و انضف من الجديد .. بس مش الشغل العادي اللي في الحرفيين و غيره لان ده الشغل الرخيص اللي التجار بيجيبوه من باب تمشيه الحال (لان الشعب المصري بيسترخص) ... مش هاقولك غير اسال فلاينج اساله اكسبرت وداك عند واحد بضاعته كانت عامله ازاي .. بس للاسف مش شغال في الياباني .. (اوروبي بس)

طبعا الخبراء عملو الواجب
بس انا ليا تعليق صغير كل مااشوف موضوعك ابقى عايز اقوله بس كنت متردد
بص ياسيدي الفاضل
المفروض الواحد دائما يلجأ الى الله و يثق في قضاءه
ياريت تراجع نيتك وتستغفر ربنا
انا بس حبيت انبهك لكده عشان عنوان الموضوع اللي انت كاتبه
وربنا يوفقك و تخلص عربيتك على خير

اقتباس:

---

المشاركة الأصلية كتبت بواسطة karim_monir

انا عندي ناس بتشتغل في الزيرو
وعندي ناس حنينه
شوف عايز تعملها عند مين
بس هاتنزلها الحرفيين
وان شاء الله ترجع زي الاول
وكل حاجتك اللي طالبها هاتلاقيها لان حاجتها كتير جديدة واستيراد
ممكن تكلمني نظبط مع بعض يوم تنزل فيه
انا تليفوني
0101263030

---

الف شكر يا باشا و إن شاء الله لما أبدا أشتري قطع الغيار هكلمك ، و ألف شكر على اهتمامك

اقتباس:

---

المشاركة الأصلية كتبت بواسطة islamnabil

طبعا الخبراء عملو الواجب
بس انا ليا تعليق صغير كل مااشوف موضوعك ابقى عايز اقوله بس كنت متردد
بص ياسيدي الفاضل
المفروض الواحد دائما يلجأ الى الله و يثق في قضاءه
ياريت تراجع نيتك وتستغفر ربنا
انا بس حبيت انبهك لكده عشان عنوان الموضوع اللي انت كاتبه
وربنا يوفقك و تخلص عربيتك على خير

---

شكرا على النصيحة ، و أعاتبك على ترددك ، و بالطبع ثقتي بالله و فضله و توكلي عليه أولا ، و من كرمه علي أن عرفني بكم ، و جعلكم السبب في هدايتي للتصرف السليم .


رجاء : أرجو من السيد المشرف تصحيح عنوان الموضوع بإضافة لفظ الجلالة أولا (أو ما يراه مناسبا ) ، و له جزيل الشكر .