ده انا كده متقدم عنه علي الاقل 5 مسامير زياده
والعربيه ما دارتش :)
عرض للطباعة
ده انا كده متقدم عنه علي الاقل 5 مسامير زياده
والعربيه ما دارتش :)
ايه دة.... انت تعرفة؟؟؟؟
MMamdouh
ايه دة.... انت تعرفة؟؟؟؟
MMamdouh
لسه مقابله من شويه وبيسلم عليكو
يااااااااااااااااه
الحمد لله
انا النهاردة طلعت غلي في العربية :)
فتحت تاني والمرادي بسرعة كبيرة جدا كنت فاكك كل حاجة
وصلت للفبرة أياها
فكيت البلاور الأول
فكيت ال ECU
فكيت كل المسامير ... كان في 2 في مكان زبالة الصراحة
بس علي مين :)
بس كان في شوية عصلجة وانا بخرج الفبرة بس خرجت بأمان والحمد لله
وهنا تظهر السربنتينة وانا أهلل .... تعالي علي حجر حمو يا حبيبي :)
انا شكلي هيست :)
معلش يا جماعة ... 3 ساعات بالف في الشمس وماشي علي رجلي وفي الأخر أقوم بالعملية المنيلة بتاعة التكييف ده
المهم :)
أبص للسربنتينة .... ده منظرها
http://img688.imageshack.us/img688/8725/18062012539.jpg
http://img812.imageshack.us/img812/4537/18062012538.jpg
ايه القرف ده !
ركبت ال ECU وطلعت علي بنزينة
أخش عالراجل بقي وعايز أعمل انا الحاجة بنفسي بدل ما هو يبهدلني :)
الراجل طلع برنس وعايز يخدم ومتفاهم جداااااااااااااا
قلتله عالقصة ومش عايز نقطة مية تيجي علي سلك والحوارات ده
كان معايا جردل حطيته تحت السربنتينة عشان المية
جرنا خرطوم مية عادي جدا متوصل بحنفية وكنا بنضيق فتحته عشان يخش بأندافاع عالسربنتينة
نزل بلاوي منيلة بنيلة سودة وزرقة وكحلي مطين :)))
طلعت فكرة جامدة
هنستخدم المسدس بتاع المية ... بس بمعلمة
نحط الجردل تحت والمسدس مقفول علي السربنتينة .. وحد يفتح المية فجأة والتاني يمشي المسدس عالسربنتينة لحد ما الجردل يتملي ونطفي المسدس
عملنا الموضوع ده 4 مرات
في الأول نزل برضه بلاوي زي اللي فوق كدة ... بس بجد المسدس عمل شغل عاااااااااااالي
في رابع مرة المية نازلة نضيفة :)))))))
مسكنا بقي كل حاجة بالهوا وظبطناها
قلبي كان مقبوض وانا باحط ال ECU وخايف ليطير :(
بس الحمد لله الوضع عدي بأمان
المشكلة بقي دلوقتي اني عايز أقفل وانا بعيد عن البيت ببتاع 25 كم ... وغير كدة الدنيا بتليل خلاص وفي حاجات بتنقط مية بسيط فانا قلقت
شبطت ال ECU ومشيت علي كدة
وصلت البيت فصلته وان شاء الله بكرة هاركب كل حاجة وهاقول النتيجة
يا رب تبقي حلوة :)
والفرق ؟
جربت التكييف بعدها؟
شغل 100 100
بس اذا كانت دى بالنسبة ليك مش نضيفة... ابقى جرب فك بتاعت عربية لانوس
http://i83.photobucket.com/albums/j3.../Image0427.jpg
http://i83.photobucket.com/albums/j3.../Image0423.jpg
http://i83.photobucket.com/albums/j3.../Image0424.jpg
MMamdouh
والله انت طمنتنى يا عم Geo لانى عاوز اعمل نفس الحوار فى النوبيرا و خايف بس اهم حاجة ابقى قولى الفرق بعد التنظيف و لو فيه حاجة معينه اخد بالى منها و انا بفك الفبرة او فى تركيبها
أحب أقول تاني .... يااااااااااااااااااه :)
بعد التركيب ... كنت فاكره أسهل من الفك عشان عرفت كل حاجة
ولكن هيهات ... الفك ده طلع حمادة .. والتركيب طلع حمادة تاني خالص
ساعة ونص تركيب !
فكيت في نص ساعة أساسا !
قبل ما أركب طبعا مسكت الفبرة وشفت أماكن الفتحات اللي هتخش فيها المسامير
وكنت بمشي بأيدي أدور عالأماكن في الجزء التاني اللي بيركب فيه الفبرة
للناس اللي هتعمل الموضوع ده
في مكانين مش بيخش فيهم مسامير ... فيهم زي زمبة
في زمبتين ... واحد جنب المسمار الرخم ... تاني واحدة بتركب في الجزء بتاع البلاور من جوة
وفي واحدة في وشك هتشوفها علي طول
اللي خلاني أخد بالي اني لقيت عدد المسامير أقل من عدد الفتحات
أصعب حااااااااااجة وقرفتني ... أزاي أركب الفبرة مع وجود السربنتينة وبزبوز المية في نفس المكان وكان معصلج خالص !
ببعض المهارة والشقلباظات عرفت أركبها .. بس خدت وقت كتييييييييييير
طبعا البزبوز لازم يدخل مكانة بس تكون زاقق السربنتينة عشان تدخل جوة الفبرة صح
تركيب المسامير
اللي في الوش ... حلاوة
اللي ورا طلعوا عين أهلي
انا شيلتهم بالعافية !
المشكلة اني بادخل أيدي بالعافية جوة ... المفروض أدخلها وانا ماسك المسمار ويا سلام لو المفك معاه
أستخدمت جميع الطرق الممكنة وجميع انواع المفكات
فعلا شئ صعب ورخم
فكست ل 3 مسامير ... هما 11
من غيرهم مفيش فرق ... الفبرة ممسوكة كويس جدا
كملت تركيب واللحمد لله ... قلت أجرب بقي ... يا رب بعد التعب ده كله تبقي نتيجة ولو مرضية بس
لأاااااااااأ ... ده بقي تللللللللج :))))
بجد مكنتش مصدق
بقة المفروض يبقي كدة ومن شوية الوساخة اللي عالسربنتينة بقي كدة ؟!
ده قبل وبعد
http://img832.imageshack.us/img832/4537/18062012538.jpg
فرق يستاهل التعب جداااااا كمان
الحمد لله
وأحب أشكر طبعا كل اللي ساعدوني
ممدوح ... قرفته تليفونات :)
طارق باشا ... بجد الفيديو شجعني جدا وخلاني بقيت عارف هاعمل ايه
ميضو .... مظبطني بقي عرفت اللقم والمفكات وكدة :)
مش عايز أنسي حد ... بس بجد كل واحد قالي ولو كلمة فده جميلة شايلهاله :D
انا في الخدمة لو في أي أستفسار
الفرق رهيب الصراحة
بس قبل كل حاجة أتأكد ان الفريون مظبوط ... عشان لو قليل يبقي زودة وتوفر تعب الفك ده
هتفك الدرج وأفصل اللمبات وأحفظ كانوا متركبين أزاي ... لو بتنسي زيي .. أبقي صورهم
فك افبرة الصغيرة اللي عاليمين اللي علي ال ecu
فك الفبرة التانية الصغير اللي ناحية الكونصول
فك الفبرة اللي بالعرض وده ممسوكة بمسامير خوابير
هتوصل للفبرة اللي عايزين نفكها
شيل الأول فيش البلاور والترموستات
شيل ال ecu
شيل البلاور
فك بقي مسامير الفبرة
خد بالك وانت بتخلعها عشان بزبوز المية ممكن يتكسر لو أتعافيت عليه جامد
في التركيب زي ما قلت في المشاركة اللي فاتت
لو عايزني أبعتلي علي الخاص أديلك نمرتي ممكن أبقي أتابع معاك
ربنا يوفقك :)
مبروووك مجهود جامد جدا
انا هجيلك قريب بقي نشتغل الموضوع المنيل ده مع بعض ههههه
عقبال ماتشحن الفريون بالمره
انت طلعت من 11 مسمار 3 زياده وانا من 16 طلعت 7 يعني انا ركبت 9 مسامير وانت ركبت 8
تفوق ليا :10D5C8w1107:
الف مبروك يا جيو
موضوع جميل جدا بس انا هشوف الشحن الاول حد يعرف بتاع تكييف كويس فى فيصل او مدينةنصر دى اول مره هاتعامل مع بتوع التيكييف عايز حد فاهم مش يفتى
ملاحظات مهمة في السريع كدة
http://img825.imageshack.us/img825/6748/19062012541.jpg
اللي عاليمين ده هي بتاعة اللانوس (ممدوح )
اللي عالشمال بتاعة نوبيرا (بتاعتي )
أتجاه التركيب كدة صح وانت واسكها ورايح ناحية صدر العربية
الدواير الحمرا عايز أوضح فيها بزبوز المية واللي طلع مختلف في الأتنين وهي سبب مشاكل تركيب بتاعة النوبيرا
في اللانوس مجري وطارق قال انك وانت بتركب تركب المجري الأول في مكانها وبعدين تركب باقي الفبرة وده سهلة
في النوبيرا البزبوز ده بيخرج علي طول علي الكبوت وليه فتحة وهيرخم معاك عشان لو البزبوز ماركبش صح .. السربنتينة مش هاتدخل الفبرة وده كانت حاجة رخمة
الدواير الزرقا ده بتاعة الأماكن اللي فيها زمبة ممش مسامير .. وبرده اللي بيركب يتأكد الأول صح عشان ممكن أكون نسيت
ده الصورة بحجمها الطبيعي عشان تبقي أوضح
http://img812.imageshack.us/img812/6748/19062012541.jpg
الله يكرمك يا باشا :)
الصراحة انا مش باحب بتوع التكييفات دول ... حاسسهم كلهم بيفتوا
ماعدا واحد في مدينة نصر في السادس اسمه عبقريبنو ... الناس كلها بتقول عليه جامد بس انا حاسه تنك قوي
هو الصراحة في العربية القديمة مغيرلي الكومبريسور وشاحن والتكييف طلع كويس
سربنتينه التكييف حاول تنظفها فى محطه بنزين اضرب فيها خرطوم هوا من فوق ومن اسفل العربيه وفى مواجهه السربنتينه عشان يطير التراب اللى فيها وبعدين اغسلها بخرطوم الميه بنفس الطريقه
انا بعمل كدا فى عربيتى
مبعملش اكثر من كدا
ونفس الموضوع بعمله لسربنتينه الرداتير وبتبقى زى الفل
تحيات لحضرتك