الموضوع: تنظيف السربنتينة الداخلية للتكييف

المشاركة الأصلية كتبت بواسطة dedi

بس يا باشا انا لسة منظفها الاسبوع الذى فات عند كهربائى السيارات
في البداية هو قال لى سوف نفك التابلوة علشان هى مزنوقة جدا وبعدين قال لي سوف نحاول فكها بدون فك التابلوة و فعلا نجح فى فكها بدون فك التابلوة هى مكانها مزنوق جدا جدا فى اللانوس
كانت مسدودة تماما تماما اكثر من ساعة غسيل بالبريل و كمبوسر هواء و مافيش فايدة و بعدين اخذناها و غسلناها بمسدس المياة في محطة البنزين و هو هذا الذى نفع
اكثر من ساعة يحاول يركب تركيبها نظرا لانها مزنوقة ,بعد التركيب التكييف رجع ممتااااااااااااااز
ملحوظة فك السربنتينة بيطير الفريون الموجود
بعد ماخلصنا سالتة كم الحساب فقال 320 جنية فسالتة ازاى و لية تكلفة الفريون الفعلية تقريبا 60 :70 جنية (لاانى عندى فكرة باسعار الفريون و تكلفتة) بعد الفصال 220 جنية
انا شايف محاولة غسلها و هى راكبة غير مجدية و سوف تغرق الصالون مياة لن تتمكن منها
اسف اذا كنت احبطك بس للامانة هو هذا الذى حصل معى

صعب جدا أفك السربنتينة
انا هاتعب شوية فيها بس أني أفكها ده لأ
انا كدة كدة الوضع عندي مختلف عشان النوبيرا فيها فلتر تكييف أساسا

انا شاهد علي 3 منهم بدون مسامير زياده :)

المشاركة الأصلية كتبت بواسطة tarek_2005

حتي الان تم تنظيفها بواسطتي 5 مرات بدون اي مشاكل لدرجة حفظ اماكن المسامير واسلوب التعامل معها واقصر وقت ساعة واحدة منذ بداية الفك وحتي تشغيل السيارة بعد الايديل لرن

انا مافكيتهاش ولا مرة
اللي يخليني أغير جناب العربية بنفسي ويخليني أفك وش الموتور يخليني أعمل أي حاجة باذن الله طبعا :)
يا جدعان شجعوني ... انا أتقفلت من الموضوع
انا نصاية كدة وهانزل أظبطها
انا محتاج عدة ايه بقي بالظبط ؟ ... لحسان اللي معايا مش كاملة

الحمد لله وصلت للصندوق الأسود :)
فكيت الدرج ب 5 مسامير وكان سهل جدا
فكيت الفبرة مع اني عارف مالهاش لزمة في اللي ان عملته ... الفبرة أتفكت في 5 دقايق ... أسهل من اللانوس بكتير جدا
ووصلت لمرحلة ده

ده قبل فك الفبرة
وده بعدها

تعبيري انا بقي في الوقت ده .... هاه !
أعمل ايه يعني ؟
الصندوق ده مش خارج منه مواسير السربنتينة
وشكله صعب يتفك أساسا !!!
طب هي فين ولمؤخذة ؟
ماقداميش غير المروحة قمت رايح لبتاع المغسلة وخدت منه خرطوم الكمبريسور ونضفت المروحة وكل حاجة قدرت أوصلها
لحد هنا وأحباط :(
كان لازم أقفل عشان عندي خروجة بكرة
جربت التكييف لقيت في تحسن والريحة أفضل شوية
قفلت ولقيت مزيكا :)
صوت .... تن تن تن تن ... بس واطي جدا !
انا الصوت ده كان عندي قبل كدة ؟ ... هذي السنين :)))
الشنطة مقفولة والباب مقفولين أبص في العدادات ألاقي ده !
‫هبل النوبيرا :)‬‎ - YouTube
أفتح الشنطة ألاقي الكلام ده أختفي ... أقفلها ترجع تاني
لاحظت ان الزنان بتاع الكونتاكت صوته واطي جدا
قلت باااااااس .... انا مش عارف ده أيه :)))))))
فكيت تاني الدرج أشوف في أيه ألعب في السلوك مفيش نتيجة
لاحظت حاجة ... وانا باركب الفيش بتاعة لمبة الدرج في الأول ركبتها غلط
يا رب تبقي فيوز بس
فتحت علبة الفيوزات اللي جوة في العربية لقيت فيوزين محروقين !
بتاع الراديو ... أول واحد فوق عاليمين
ورقم 3 تحته ومش عارف بتاع اه عشان ممسوحة عندي
غيرتهم لقيت الدنيا بقت حلاوة :)
نسيت أقول اني جربت أفصل البطارية شوية ومكانش في نتيجة
قفلت وخلاص علي كدة
حتي الان مش عارف أوصل للسربنتينة :(