سؤال لكل من لديه فورد أو امتلكها من قبل .... بعد اذنكم طبعا

السلام عليكم
انا معايا 128 وعايز ابدل لعربية افضل .... اتعرض عليه عربية في معرض فورد اسكورت 1999 وحسب كلام صاحب المعرض انها كويسه ..... طبعا هكشف عليها .... بس المشكلة الميكانيكية اللي بتعامل معهم واللي مش بتعامل معاهم رافضين .... الكشف عليها اساسا وينصحوني ابعد عن الفورد من غير حتى ما يعرفوا هي فورد موديل ايه
ابعد عنها قطع غيارها غالية جدا ومش هتلاقيها اساسا
لو حبيت تبيع هتقعد كثير ومش هتعرف تبيع
واكسسوارها كثير وكماليتها مش موجوده ولازم تلف عليها

طبعا والاصدقاء نفس الكلام رغم ان ما حش فيهم ركب فورد اساسا

السؤال لكل من يملك فورد او كان لديه فورد وباعها هل هذا حقيقي
الفورد وخاصة الاسكورت صعب نلاقي قطع غيارها وغاليه جدا وفي حاجات مش هنلاقيها بل ومش هنلاقي ميكانيكي فاهم فيها ... جزاكم الله خيرا

العربيه دي 1300 سي سي بدون تكييف
صح

من خلال تجربتى للفورد قطع غيارها متوفرة ةاسعارها كويسة بالنسبة انها المانى وفي منها التركى والاسبانى اقل سعر
الميكانيكية بتوعها قليلين شوية
انما هى كاعربية احسن من عربيات فى نفس السعر كتيير بالنسبة لللاسكورت او الموتديو او الفيستا

قطع الغيار مش غالية بالنسبة للعمر الافتراضى وموجودة ومتوفرة فى اماكن كتيييييييير جدا

قطع غيارها متوفرة جديد واستيراد زي ماالأخوة قالوا لك والميكانيكية بتوعها موجودين انما مش كتير ، والعربية دي لو سليمة بتبقى ركوبة ممتازة انما لو تعبانة ابعد عنها علشان هتقرفك.

الاخ صاحب الموضوع انا بردوا كان معايا 128 قبل الفورد
و طبعا كانت مشرباني الويل رغم ان كل حاجتها موجودة و اي سباك يعرف يصلحها
بس الفورد العمر الافتراضي لقطعة الغيار عالي و ده بيعوض فرق السعر
العربية اوروبية الصنع صاج ممتاز و ركوبة حلوة بس بالنسبة للكمليات مش متوفرة كتير و ده نسبيا صح
بالنسبة للعربيات الاسكورت 1300 هاتكون افضل ليك من الـ 1600 نظرا لفرق التقنية الكبير في ميكانيكا السياراتان
موضوع الصنيعي الي يشتغل فيها لو فرضنا ان الكلام عن الـ 1300 يبقي انت محتاح واحد مخ علشان بشتغل فيها و محتاج تروح لمتخصص في حالات العجايب
العفشة في الاسكورت بيكون متوسط عمرها اقل من باقي الفورد و طبعا قبل اي حاجة افتكر الفورد مش فيات يعني لو مش عروسة و زي ما خرجت من مصنعها انسي انك تفكر فيها
و خلي بالك بقول تاني لو ركبت فورد نظيفة مش هاتعرف تنزل منها و لو جت تعبانة هاتخليك تكرة اليوم الي شوفت فيه العربيات

والله ياد يا جو ليك كلام بجد ميه ميه وفي المفيد عدللللللللللللللللللللللل لللللللللل

انا معايا اسكورت 1300 كاربراتير
قطع الغيار متوفره جدا سواء جديده او استعمال و الجديد موجود منه في التوكيل و في المحلات العاديه اللي في شارع بيروت مثلا و اسعارها هي عاليه شويه لكن السعر ده كويس جدا بالنسبه للعمر الافتراضي و جوده الصنع و الاداء
العربيه محترمه جدا و تقفيلها ممتاز و خاماتها ممتازه و الضاج قوي جدا و ثباتها ممتاز و مش هتلاقي عربيه فيها المميزات دي كلها و بسعر الفورد
اما عن الميكانيكيه فهم موجودين و بيشتغلوا في العفشه كمان ممكن تجرب أحمد فرج (انا عن نفسي مجربه) موجود في شارع جسر السويس منطقه الجراش
و ربنا يوفقك

العربيه لو فعلا نضيفه اشتريها و لو مش كويسه هتطلع عينك و هتصلح فيها و تصرف عليها كتير و بردو مش هتبقي حلوه اوي . العربيه لو اساساتها سليمه و صرفت عليها هتديك نتيجه بس مش هتبقي زي ما لو صاحبها محافظ عليها من الاول