طازه من مكتب رئيس مجلس الوزراء مشروع قانون يسمح باستيراد السيارات حتى 10 سنوات

**mkhirallah2001** · 11-06-2012 02:59 AM

متهيألي القرار ده صعب شوية في الوقت ده و بعدين ما يقللو الجمارك على العربيات الجديدة احسن على الأقل الواحد يركب عربيات نظيفة بسعر معقول زي باقي الدول بدل ما الناس تستورد كل واحد يجيب حاجة مستعملة و ممكن ما تكونش مناسبة للبلد زي ما انتو عارفين .

**S O P H O S** · 11-06-2012 03:22 AM

مشكوررررر ...

**tutankhamoun** · 11-06-2012 05:33 AM

أنا شايف أنهم بدل كدا يبنوا مترو أنفاق يربط كل المدن الكبيرة
و يعملوا شبكات أتوبيسات قوية و محترمة

و مش عايزين عربيات بضرائب قليلة .
العربيات لها أضرار كتيرة في أقتصاد تعبان و شوارع زحمة و سواقة همجية ............ زي مصر .

مفيش حلول في البلد دي خالص ! و كله باصص تحت رجله ......... من أول الحكومة لأغلبية أفراد الشعب !!

**حماده المصري** · 11-06-2012 05:44 AM

فعلا قانون ملوش لازمه

المفروض يشوفوا حل في العريبات المتهالكه دي ويخلوا اصحابها يستوردوا عربيات من برا برخص التراب وبدون احتكار التجار الي خلو العربيات المستورده اسعارها نار في بورسعيد

عربيه زي الانوس دي مستحيل تعدي 20 الف جنيه بدون جمارك استيراد

ونرمي العربيات الي عندنا الي اقل من موديل 80 مثلا على الاقل او 85

**aboomar22** · 11-06-2012 10:01 AM

باريت يفكروا فحل للعربيات القديمة اللى اعطالها كنير وعاملة زحمة وحوت بنزين وبتلوث البيئة واغلبها غير صالح للاستخدام ولا تتوافر فيها اى وسائل امان يعنى لو يعملوا حاجة زى استبدال التاكسى او اسيراد عربات موديلات حتى 10 سنوات بدون جمارك شرط تسليم القديمة يبقى كويس قوى