عااااااااااااااااااجل
من داخل مكتب رئيس الوزراء تجهيز مشروع قانون لعرضه على مجلس الشعب لتنفيذه يقضى باستيراد السيارات حتى 10 سنوات
عااااااااااااااااااجل
من داخل مكتب رئيس الوزراء تجهيز مشروع قانون لعرضه على مجلس الشعب لتنفيذه يقضى باستيراد السيارات حتى 10 سنوات
ممكن توضيح اكتر؟
المستعملة !!!!!!!!!!!!!؟
هو احنا مش بنستورد عربيات ولا أيه ؟
يا ريت توضيح من فضلك ... ده من غير جمارك ولا مستعملة ولا الخبر ده من جرنال قديم ولا أيه بالظبط ؟
السماح باستيراد السيارات حتى 10 سنوات يعنى ممكن اى مواطن مصرى بمقتضى هذا القانون ان يستورد اى سياره من الخارج حتى عشر سنوات يعنى احنا فى 2012 مثلا يبقى ممكن اشترى اى عربيه وارد الخارج سنة الصنع لغاية 2002
لان الان لا يسمح الا باستيراد السيارات الزيرو موديل السنه
ربنا يسهل حتى الان هو مشروع قرار ولن يتم تنفيذه الا بعد عرضه على مجلس الشعب والموافقه عليه
اهااااااااااااااااااااااا اااقتباس:
المشاركة الأصلية كتبت بواسطة ahmed_kot88
جامد جدا الحوار ده :)
شكرا يا باشا عالخبر :)
فعلا الخبر مش واضح ؟؟
ده يبقي لوز العنب لان العربيات بره بالتجهيزات اللي فيها لو موديل 5 سنين فاتت هتبقي احسن من الزيرو اللي هنا
كده البلد هتتملي عربيات على الفاضي.
انا شايف انهم يلغوا الجمارك احسن على الزيرو طالما كده كده البلد هتتزحم ويبقى استفدنا بعربيات عمرنا ما شفناها.
مستحيل المرور يوافق على كده..اكيد فيه "ان"!
ممكن يكون ده مقابل تكهين العربيات اقدم من 20 او 30 سنه
وماتقدرش ترخص الجديده الا لما تكهن القديمه (استبدال بس من غير ما تدفع جمارك يعنى)
طيب واخبار الجمارك ايه
كدا حلينا نصف اللوغاريتم
النصف التانى الجمارك
اكيد هيبقى عليها جمارك , ممكن تبقى اكتر كمان
زي قطع الارض الي عرضوها بالدولار و كانت اسعارها خزعبليه
اكيد فيه ان ف الموضوع !
خبر حلو ان شاء الله يتنفذ ويكون من غير جمارك هتبقى طفرة ان شاء الله
طيب و ايه الهدف من القانون ده؟ لو قلبهم على الشعب يبقوا يخفضوا الجمارك على العربيات الجديده و يخلوها نسبه معقوله بدل ما يفكروا يستوردولنا من مقابر السيارات اللى بره و تخفيض الجمارك هيساعد الناس تشترى زيرو و ترمى العربيات العتيقه اللى ماشيه فى الشوارع يعنى معندهمش حجه اهو و لا احنا ملناش غير الحاجات المضروبه دى؟
السلام عليكم و رحمة الله و بركاته
يا جماعة, حيلكوا......حيلكوا, بالراحة بس, واحدة....واحدة !!!!
أنتوا لييييييييييييييييييه مابتتعلموش من أخطااااااااااء الماضى ؟؟!!!
احنا لسه ماخلصناش كلام فى موضوع البنزين اللى هيغلى الشهر الجاى,و لا الأسبوع الجاى, اللى غلى خلاص, لأ لسه ماغلاش أصله هيغلى من أول يونيو, لأ من أول يوليو, لأ ده بعد رمضان, لأ استنى كده, ده البنزين ال85 نزل, لأ لسه مانزلش, ده هيلغوا ال80 و يسيبوا ال90, لأ ده هيشيلوا الدعم من على ال92, اييييييييييييييييه هوا ده ؟؟؟؟
هو موضوع و اتفتح عشان الناس تدخل تكتب كلام كوووووووووووووله تكهنات و افتراضات ؟؟؟؟؟؟!!!!, الوقت ده ليه تمن.
أنتوا عملتوا زى اللى بعد الثورة و الهلومة و الهيييييييييييصة, هيرجعوا ينتخبوا شفيق !!!!, لا يلدغ المؤمن من جحر مرتين, احنا قرينا عنوان سطر واحد, لا دليل و لا سند عليه على الاطلااااااااااق, هنعمل توبيك فى المنتدى عليه, ايه الحلاوة دى !!!!!!, يعنى أنا أدخل أكتب أن علاء مبارك فيه ناس شافوه سايق عربية بى ام زيتى ميتاليك فى صلاح سالم, يقوم يبقى موضوع و يتكتب فيه حمناشر تمناشر صفحة و فى الآخر يطلع مسؤول ينفى أن علاء مبارك أصلا خرج من السجن؟؟؟؟
هو لحد امتى هيفضل المصريين خفاف و بيجروا ورا أى حاجة بالمشوار !!!!!!!!, خليكوا تقااااااااااال و مش أى كلمة توديكوا و تجيبكوا !!!!!!!!
خشوا اقروا الموضوع و لما تلاقوه من غير لا خبر رسمى و لا سند من جريدة رسمية و لا حاجة, يبقى ألف شكر للأخ الفاضل اللى جاب الخبر و أدينا أخدنا فكرة و مستنيين التأكيد.
و أنا بأناشد ادارة المنتدى المحترمة, أنها و من الأول, تضم أى موضوع جديد هيتفتح بعد كده بخصوص العربيات اللى -الله أعلم- هيفتحوا استيرادها و لا لأ, للموضوع ده, عشان مش نلاقى كل يوم اتفتحلنا موضوعين و لا تلاتة, كووووولهم بيتكلموا على العربيات اللى هيفتحوا استيرادها زى ماحصل فى موضوع البنزين.
شكرا و جزاكم الله خير و آسف (Sorry) على الاطالة.
اقتباس:
المشاركة الأصلية كتبت بواسطة ahmed_kot88
+1000000000000000000000000اقتباس:
المشاركة الأصلية كتبت بواسطة shaddadfalcon1
يا اخواني الموضوع مش كده
ده مشروع قرار او مقترح لم يبت به للعاملين المصريين في الخارج عشان يلموا عملة صعبة منهم لسد عجز الموازنة والفكرة تقريبا بتقول انت مصري وعندك عربية بره ومقيم بره تقدر تدخل عربيتك مصر من دون شرط انها تكون اخر موديل او تكون انت اول مالك ليها في مقابل تروح تعمل وديعة 5 سنين بقيمة 10 الاف دولار لصالح الحكومة المصرية وبعد 5 سنين يرجعولك الوديعة بعد ميقطعوا منها جمارك العربية بتخفيض 50 % لانها مستعملة بواقع 5 % عن كل سنة بحد ادنى 20% كجمارك من الجمارك اللي كانت حتدفع لو في سنتها فلو الوديعة بتاعتك غطت الجمارك يبقه تمام لو مغطتش يبئه تدفعلهم الفرق
اه والمكرمة السخية دي مش على طول دي 3 شهور س
ملحوظة ( قرارات الحكومة المصرية دايما الحلو ميكملش والحكومات المصرية للاسف دايما تحقد وبتكره وبتدوس على كل مصري يكون غني ومرتاح ودايما ترزية القوانين جاهزين عشان يحلبوه بالعافية )
يا جماعه القانون مش جامد قوى يعنى هما مش هيخفضوا الجمارك يعنى و فى العادى لو عربيتك ملكك منزلها تقدر تنزلها اى موديل انما لو مش اول يد ليها مينفعش غير لو فى حدود 5 او 3 سنين مش فاكر و القانون الجديد المفروض هيمد السنين دى ل 10 ,,,, واحد صاحبى جايب عربيته فى السعوديه على ما افتكر كانت ب 40 الف و نزلها بعد 5 سنين بجمرك 35 الف فيعنى يا هنايا هعرف اجيب عربيه من 10 سنين و جمركها قدها كام مره بقى
:dzey::dzey::dzey::dzey:
مش فاهم حاجه
امانه عليك يا باشا لو فهمت فهمني معاك :)اقتباس:
المشاركة الأصلية كتبت بواسطة mazher_m
متهيألي القرار ده صعب شوية في الوقت ده و بعدين ما يقللو الجمارك على العربيات الجديدة احسن على الأقل الواحد يركب عربيات نظيفة بسعر معقول زي باقي الدول بدل ما الناس تستورد كل واحد يجيب حاجة مستعملة و ممكن ما تكونش مناسبة للبلد زي ما انتو عارفين .
مشكوررررر ...
أنا شايف أنهم بدل كدا يبنوا مترو أنفاق يربط كل المدن الكبيرة
و يعملوا شبكات أتوبيسات قوية و محترمة
و مش عايزين عربيات بضرائب قليلة .
العربيات لها أضرار كتيرة في أقتصاد تعبان و شوارع زحمة و سواقة همجية ............ زي مصر .
مفيش حلول في البلد دي خالص ! و كله باصص تحت رجله ......... من أول الحكومة لأغلبية أفراد الشعب !!
فعلا قانون ملوش لازمه
المفروض يشوفوا حل في العريبات المتهالكه دي ويخلوا اصحابها يستوردوا عربيات من برا برخص التراب وبدون احتكار التجار الي خلو العربيات المستورده اسعارها نار في بورسعيد
عربيه زي الانوس دي مستحيل تعدي 20 الف جنيه بدون جمارك استيراد
ونرمي العربيات الي عندنا الي اقل من موديل 80 مثلا على الاقل او 85
باريت يفكروا فحل للعربيات القديمة اللى اعطالها كنير وعاملة زحمة وحوت بنزين وبتلوث البيئة واغلبها غير صالح للاستخدام ولا تتوافر فيها اى وسائل امان يعنى لو يعملوا حاجة زى استبدال التاكسى او اسيراد عربات موديلات حتى 10 سنوات بدون جمارك شرط تسليم القديمة يبقى كويس قوى
نريد تفاصيل أكثر لأني بأعتقد أن الإستيراد كان مفتوح حتى خمس سنواتاقتباس:
المشاركة الأصلية كتبت بواسطة ahmed_kot88
محدش عارف حاجه
عادى..... ما هو طالما هيحرر سعر البنزين يبقى ممكن يفتح استيراد المستعمل مفيش مشكلة..... طالما اللى هيستورد هيدفع و يتحمل انشالله يجيب 5000 سى سى