هل فعلا ياجماعة موتور الf3 صينى بتكنولوجيا ميتسوبيشي انا قلقان جدا يا ريت حد ىطمنى
عرض للطباعة
هل فعلا ياجماعة موتور الf3 صينى بتكنولوجيا ميتسوبيشي انا قلقان جدا يا ريت حد ىطمنى
ايوة صينى تحت اشراف متسوبيشى واطمن
هو صينى فعلا مش يابانى بس مكتوب فى البروشر بتاعه انه يابانى بتكنولوجيا 4g18 لكن هو بتكنولوجيا 4g1 لكن الماتور بالكامل من جواه صينى 100% وده طبعا غش بس ياريتها تيجى على الماتور وبس ده كمان الفتيس صينى وفى عيب زى الزفت فى ونة فى الغيارات الاول والتانى والمارشدين وده نتيجى عيب فنى فى الفريزة اللى بتصنع التروس بتاعت الفتيس
متابع بأهتمام ...
غيرته ياباشا وغيرنالو بللى فى التوكيل بس الونة مش من البللى الونة من التروس ومن العمود اللى شايل البللى والعربية عاملة 700000
الونه دي مأثرة على أداء العربية؟! .. ولا مجرد صوت .. وهل هو صوت عادي ولا صوت مزعج ؟!
صوت مزعج جدا جدا وملحوظ لأى حد وعيب عربية فى فخامة العربية دى يبقى فيها صوت مزعج جدا زى ده لدرجة انك لازم تشغل الكاسيت وتعلى صوته على الاقل على 30 علشان الصوت يخف شوية ده لو انت فاتح الزجاج لو نت قافله بقى تحس أنك راكب مترو مش عربية خالص حاجة بجد تحزن المفروض الفتيس ده كان يتغير فى الضمان بس اتقالى لو البللى اتغير الصوت هيروح ولكن بالعكس الصوت زاد وبقى اكتر من الأول ده غير انهم وهما بيفكوا وبيركبوا الكوبلن دقوا على الصليبة فباظ وغيرتوا على حسابى وبرده العربية مرجعتش زى الاول ولسه برده فيها ونة جامدة جدا وفيها رعشة مش عايزة تروح وقولتلهم عليها قالوللى الرعشة دى طبيعية من سرعة 30/40 تظهر وبعيدن تختفى وموجودة فى كل العربيات فى حين أنه معانا عربيتين تانين مفهاش رعشة ولا ونة جامدة اوى زى اللى عندى دى
روح التوكيل وخد حقك بالذوق .. ولو منفعش زعق معاهم علشان تاخد حقك .. أو جرب تروح فرع إسكندرية بيقولوا أحسن من القطامية .. وربنا يعينك .
بس الأول حاول تتصل بأستاذ/ عماد حبيب أو الأنسة/ داليا من خلال المنتدى هنا .. وشوف المشكلة حتتحل ولا أيه النظام .
تفتكر أنى معملتش كده روحت كتير جدا وأستاذ عماد خلاهم غيروا بللى الفتيس وبصراحة الراجل وقف جنبى أنما فى الحقيقة مقدرش يحللى المشكلة لأن المشكلة الرئيسية هى ان الفنينين اللى هناك بيكسلوا يشتغلوا زى الناس وده السبب الرئيسى اللى سوء سمعة العربية على وخلى الطلب عليها قل لانه مش بس فيها عيوب صناعة منها ما يمكن معالجته ومنها ما يمكن التغاضى عنه ومنها ما لا يمكن احتماله زى صوت ونه الفتيس والرعشةاللى ما بين سرعة 30/40 واللى قالولى انها موجوده فى العربية من ساعة ما استلمتها العربية بقالها سنه ونص معايا معرفتش ولا حسيت بالرعشة دى غير بعد الفتيس ما اتفك اسال المهندس اقوله الرعشة دى من ايه يقولى هى كده اموت واعرف انا ازاى الرعشة دى هى كده ومصمم على انها فى كل العربيات مع انى ركبت عربيات تانى غير اللى معانا ومفيهاش رعشة ولا أى حاجة هما بالعربى كده خربوا الفتيس ولو رحت تانى هناك الله اعلم هيخربوا ايه تانى