بص. . . الموضوع كبير و مش بالبساطة المذكورة فى الخطوات اللى فى الموضوع. . . و رؤوف عبيد اللى انا كتبت اسمه فى المشاركة اللى فاتت انا قرأت له مجلدات عن دراسات فى المواضيع دى. . الخلاصة زى ما انا ذكرت انه للناس العادية اللى زى حالاتنا موضوع الطرح الاثيرى ده لا يحدث الا عند المرور بتجارب بين الحياة و الموت زى حوادث يموت فيها الانسان اكلينيكيا لمدة دقائق حتى يتم انعاش قلبه و عودته للحياة او برضه حالات توقف القلب لدقائق فى العمليات الجراحية. . . فى الدقائق دى الانسان بيحس فعلا انه فارق جسده و يطفو فوقه فى سقف غرفة العمليات مثلا بل و يرى جهود الاطباء لانعاشه رغم انه لا يحس بها الى ان يعود قلبه للنبض مره اخرى. . . الجسم الاثيرى بيبقى مربوط بالجسد المادى بحاجة كده زى الحبل السرى من منطقة الدماغ. . . و فى حالات و تجارب لناس غادرت بالفعل جسدها المادى و ذهبت لمساعدة اشخاص اعزاء عليهم و انقاذهم من مواقف خطر داهم مثلا رغم ابتعادهم عنهم بمئات الكيلومترات. . . هتقولى ازاى طالما الجسم الاثيرى ده غير مادى يبقى ازاى هيتدخل? هقولك كانت الامثلة مثلا لام تظهر لشخص تطلب منه مساعدة ابنها الموجود فى موقف حياة او موت على بعد مئات الاميال من امه. . . و عندما يساعد الشخص الغريب الابن و يتم سؤاله عن من طلب منه مساعدته كان يقول ان سيدة ما طلبت منه ذلك و عند سؤاله عن مواصفاتها او اعطاؤه صورتها يصرح انها هى السيدة التى طلبت منه مساعدة الشخص المهددة حياته اى الابن. . . . الموضوع كبير و ده جزء بسيط من علم كامل اسمه الباراسيكولوجى اى علم دراسة الظواهر ما فوق الطبيعية و جزء منه دراسة القدرات الخارقة للروح الانسانية المتمثلة فى المواهب الخارقة لبعض الاشخاص الغير عاديين. . . موضوع كبير بس القراءة فيه ممتعة