الموضوع: نظرية الاسقاط النجمى !!؟

المشاركة الأصلية كتبت بواسطة mody_halawa

معنى كلام حضرتك ان الواحد ممكن يموت وهو بيحاول يركز فى حلمة ؟؟

مش هتموت بس هاتدخل في غيبوبة و مش هاتصحي منها لحد ما ترجع غير إن ممكن حد يدخل مكانك في الجسم الفاضي و تفضل إنت متعلق بره بس الكلام ده كله نظري طبعاً معرفش ينفع يتحقق في الحقيقة و لا لأ

قكرتني بكتابات ماوراء الطبيعه و د. احمد خالد توفيق

المشاركة الأصلية كتبت بواسطة البرنس

مش هتموت بس هاتدخل في غيبوبة و مش هاتصحي منها لحد ما ترجع غير إن ممكن حد يدخل مكانك في الجسم الفاضي و تفضل إنت متعلق بره بس الكلام ده كله نظري طبعاً معرفش ينفع يتحقق في الحقيقة و لا لأ

لأ مش اوى كده..... اللى بيحصل ان الجسم الاثيرى بيرجع بسرعة البرق للجسم المادى لو تمت افاقة الشخص بصورة مفاجئة...... و ده بيفسر ان كتير من الناس اللى بتدخل فى تجارب من النوع ده لما بترجع لوعيها بتوصف الرجوع ده بأنه زى السقوط من مكان مرتفع..... هبدة يعنى..... برضه حتة متعلق بره دى صعبة لان الحبل السرى اللى بيربط بين الجسمين مينفعش حاجة تحل محله...... الصورة اللى فى اللينك ده فيها توضيح للموضوع بيبقى عامل ازاى:

Google Image Result for http://robjo.files.wordpress.com/2010/03/proj2.jpg

اطلقها الغرب اسقطها الشيخ الشعراوى تهكم الغرب و سفهاء العرب على الشيخ
الان الغرب يسقطها و يدحرها الان ... و صدق الشعراوى رحمه الله

الاقتراب من الموت
............................
يدعى البعض انهم دخلوا مرحلة الاقتراب من الموت و غادرت روحهم اجسادهم و دخلوا الحياة الاخرى او هم كادوا حتى وصلوا الى بوابة عبر ممر او نفق طويل فى نهايتة طاقة من الضوء و لكن بطريقة ما تمكنوا من العودة الى جسدهم. و قد ادعى اكثر 5 الف شخص حول العالم هذة التجربة.

الاسقاط النجمى
........................*
يعتقد المشتغلون بالإسقاط النجمي بوجود جسد أثيري أو جسم من الطاقة ينفصل عن الجسم المادي حيث يبقى بقربه أثناء النوم. ويكون هذان الجسمان متصلان بحبل فضي يربط بينهما.


الشيخ الشعراوى فى التسعنيات
................................................*
فى برنامج لقاء الايمان تم سؤالة عن هذة التجارب فقال كل هذة التجارب كذب فى كذب
راجع حلقة لقاء الايمان عذاب القبر على موقع الشيخ الشعراوى رحمه الله
www.elsharawy.com

اليوم الغرب يدحر كلا النظريتين و يؤكد فطنة الشيخ الشعراوى
.................................................. ..........................................*
اقر العلماء انها هلوسات و لكنها هلوسات قد تغير مسار حياة الانسان نتيجة تأثره بها و بدراسة اكثر من 10 الف حالة حول العالم فيما يسمى Near Death Experience وجدوا ان الجميع متفق و هذا ما دعا بعض العلماء الى تصديق هذة التجارب و قد اتفقوا فى التالى

1) كلهم نصوا على انهم يتحركون فى نفق مظلم فى نهايتة طاقة من الضوء
2) جميعهم احس بخروج روحه من جسدة و شاهد جسدة فيما يسمى بنظرة عين الصقر

العلماء اكدوا هذة التجارب سليمة و يستحيل كذب كل هولاء ... !

و لكن

بالتحرى الدقيق يعود العلماء و يؤكدون ان هذا كله خداع فى خداع و لكن كيف !

1) وجد انه يمكن بستخدام عقاقير او مخدرات او اعشاب او ادخال الشخص داخل نمط حياة او خوضة تجارب قاسية نفسية او جسدية فيتسبب فى حدوث ما يسمى

النشاط المفرط للنظام البصرى للمخ

و هذا ما يسبب احساسهم دخولهم فى نفق مظلم نهايتة طاقة ضوئية و قد تم اخضاع شخص اخر فوصف نفس الوصف بدقة متناهية

2) مع الرنين المغناطسيى امكن للعلماء تحديد وظائف جديدة لبعض مراكز المخ و وجد الجزء المسئول عن احساسنا بالرؤية لاجسدنا ( انفسنا ) بمعنى انت شايف نفسك ازاى ؟

و هو خلف الاذن اليمنى و يسمى Temporoparietal Junction و هو المسئول عن الصورة التى يراها الانسان لنفسه

3) البعض اختلفوا فى وصف دخولهم جنه و البعض الاخر وصف نار و كلاً اختلفوا مباشرة تم ارجع ذلك على اختلاف العقائد و الثقافات و الموروثات

نهاية البحث ...

الاقتراب من الموت و الاسقاط النجمى هو محض عمليات عصبية تتم فى المخ فقط لا اكثر

شكراً لك انا كتبتة بنفسى كا ترجمة لكم و قد ورد فى مجلة Prospects لانه اعجبنى خصوصاً انى تذكرت حلقة الشيخ الشعراوى رحمه الله فى الرد على هذة الاشياء


من اجابات جوجل

المشاركة الأصلية كتبت بواسطة Eng.Geo

هاار أسود !
انا قريت الموضوع كلة !
كل ده بيحصل وانا بنام عادي كدة ومش عارف !
طب انا بيحصلي الكلام ده بقي وعادي جدا
عايز أقولكوا اني باخش انام وباختار الحلم اللي عايزه من قبل ما أنام :)
بس عمري ما فكرت في الكلام ده خالص ... انا قلت من التفكير الكتير فبيبقي الكلام ده في عقلي الباطن
ولما بابقي في الحلم بابقي عارف انه حلم وباعمل اللي انا عايزه وبراحتي كمان ... انما أوقات كتير باصحي ولما أحب أرجع بتبقي صعبة شوية
يا ريت لو في كتب معينة أهو أثقف نفسي برضه :)

يا عم ما تتخضش على روحك كده :) كل الحكاية ان نومك بيبقى تقيل شوية :) لان النوم له 7 مراحل و ارخم مرحلة تصحى منها اسمها النوم العميق و دى المرحلة اللى العينين بتبقى بترمش فيه من الاحلام..... و لان قصة الطرح الاثيرى مرتبطة ب extreme conditions و مواقف انفعالية شديدة......و فعلا موضوع انك تختار الحلم ده صحيح لانك فعلا بتاخد اخر حاجة فكرت فيها كتير قبل النوم معاك و عقلك الباطن بيعملك حوار حواليها :)

لو عايز تبتدى قراءات عن الموضوع ده يبقى ابدأ ابحث عن كتاب الانسان روح لا جسد لرؤوف عبيد...... ما تتخضش من حجمه (اعتقد انه يتجاوز ال 500 صفحة) لانك لو استمتعت بقراءته و انت كنت قارئ سريع ممكن تلتهمه فى يومين تلاتة بالكتير

حتة ان الكلام ده كله تخاريف...... معلش الكلام ده مش دقيق اوى..... ليه؟ لان علم ال Parapsychology
Parapsychology - Wikipedia, the free encyclopedia

الباراسيكولوجى علم تجريبى و اكرر تجريبى قديم عمره ما يزيد على 200 سنة و له ادواته التجريبية اللى منها كاميرا مخصوص تقوم بتصوير احد الظواهر الغير عادية التى توجد عند كل انسان منا على سبيل المثال..... الكاميرا دى اسمها kirlian camera

Kirlian photography - Wikipedia, the free encyclopedia

و يتم بها تصوير ظاهرة اصبحت معروفة من انه يوجد حول كل كائن حى ما يعرف بالهالة Aura
http://en.wikipedia.org/wiki/Aura_(paranormal)

الهالة دى هى مجال من الطاقة غير مرئى بالعين المجردة لكنه موجود حول جميع الكائنات الحية و يتلاشى بموتها...... الادهى من ذلك انه امكن بدراسة هذه الهالة معرفة و التعمق فى دراسة الامراض العضوية التى تؤثر على الجسم لانها تؤثر بالتبعية على هذه الهالة....... الهالة دى ايضا من خصائصها انها لها لون مميز عند كل انسان..... و بعد دراستها و ربطها بطبيعة كل انسان امكن ايجاد علاقة بينها و بين الطبيعة النفسية للشخص..... يعنى مثلا لونها عند الاشخاص الغضوبين يتراوح ما بين الاصفر الى الاحمر.....اما الاشخاص الدمويين او المجرمين فيكون لونها احمر قانى دموى..... اما الاشخاص الروحانيين فسبحان الله يكون لها لون سماوى صافى شفاف..... كأنها تكشف عن سريرة النفس......

ده مثل صغير للعلم الكبير اللى اسمه الباراسيكولوجى..... و هو كما قلت علم تجريبى و ليس نظرى..... و تم اجراء الاف التجارب فى مجاله على الانسان و غيره من الكائنات الحية...... التى تؤكد كلها حقيقة واحدة..... اننا جميعا لنا وجود على مستوى اسمى بكثير مما تراه اعيننا المجردة

المشاركة الأصلية كتبت بواسطة mahora

لأ مش اوى كده..... اللى بيحصل ان الجسم الاثيرى بيرجع بسرعة البرق للجسم المادى لو تمت افاقة الشخص بصورة مفاجئة...... و ده بيفسر ان كتير من الناس اللى بتدخل فى تجارب من النوع ده لما بترجع لوعيها بتوصف الرجوع ده بأنه زى السقوط من مكان مرتفع..... هبدة يعنى..... برضه حتة متعلق بره دى صعبة لان الحبل السرى اللى بيربط بين الجسمين مينفعش حاجة تحل محله...... الصورة اللى فى اللينك ده فيها توضيح للموضوع بيبقى عامل ازاى:

Google Image Result for http://robjo.files.wordpress.com/2010/03/proj2.jpg

ما شاء الله واضح إن حضرتك متعمق و قاري في الموضوع و

عندك خلفية واسعة عنه ... معلش أصل أنا كل معلوماتي عن الموضوع ده من فيلم

Insidious و دا اللي حصل في الفيلم ... فقولت أقولها يمكن تطلع بجد