الموضوع: فيكترا سي مانيوال

يا اهل الله ياللي هنا

حدش يعرف حاجه اي حاجه :d

سعرها فى حدود كام لو العربيه نمره واحد

المشاركة الأصلية كتبت بواسطة ahmed_fahmy

مفيش مشاكل تماماً بمعنى الكلمه والمميزات كتير جداً سعرها واقع ودى ميزه ومش بسبب عيوب لا بسبب السوق الجاهل سحب اسطوري ثبات هايل قطع غيار فى تيواني واصلي واستيراد ممكن تضيف لها مثبت سرعه وكمبيوتر اصلى من عند بتوع الاستيراد بكلام فاضي استهلاك بنزين ممتاز ضيف علي كده انها سياره مميزه وده ملوش ثمن يعني تبقي ماشي وجنبك ١٠٠٠ لانسر وتيوتا وغيرو وانت المميز لو امامك حاله جيده توكل

شكرا جدا يا باشا وهي فعلا ماشاء الله العربيه كشكل جميلة جدا

بس حضرتك مش ملاحظ فيها اي عيوب او سمعت عن عيوب شائعة مثلا ؟

طيب بنتكلم في سعر من كام لكام مثلا ؟

وطبعا الكلام كله عن المانيوال مش الايزي ترونيك

وبروضو ياريت لو حضرتك تعرف عن الايزي ترونك ياريت تفيدني

انا العربية معايا
بص الحمد لله العربية ممتازة وافضل من الايزى ترونك مشكلتها ان كل سنه هتغيير الموبينة وانا كنت عند تاجر استيراد بيقولى انهم بدأم يشحنوا انصاص 1600 من انجلترا مانيوال واتوماتيك (مش عارف يقصد اتوماتيك ولا ايزى ترونك ) وان الاستعمال هينتشر اوى

هو انا معايا فيكترا بي والحمد لله العربيه مريحاني وماليه عيني ( ع الاقل دلوقتي :d )

بس انا ليا ابن خالتي معاه برضو فيكترا بي 2 1600 اوتو وبيفكر في السي وكنا بنتناقش فيها وكدا

وانا قولتله انا هجيبلك الزتونه من المنتدي عندنا ناس اساتذه في كل انواع الاوبل

طب بالنسبه للكماليات والعفشه مع المطبات الثبات طبعا منغير كلام مفروغ منه بس التسارع بئا عشان انا سمعت انها تقيله شويه وخصوصا من الثبات للحركه

وجزاكم الله كل خير :)

انا معايا المانيوال وعربية ماشاء الله ثابتة ع الارض لحد ماتقفل الامبير ده لو بتحب السرعة وطبعا ع المنحنيات مش اقولك بقى ع ثباتها واتقل من الاسكودا وعربية باشواتي ويكفي انها الماني 100 % يعيبها ان الماتور ضعيف ع حجم السيارة كان عايزلها 2000 او 2200 سي سي مش 1600 سي سي بس عربية جراية بس مش زي الكورولا ولا السيفيك واوبشن معاك بقى مفتوح من 4 ايرباج وكاسيت اوديو وتكييف شبه تاتش وفتحات تكييف للمقاعد الخلفية وفرامل ebd ، abs و4 جنوط مع العلم 2007 ليها شكلين من الجنوط وسعرها لو حالتها كويسة قوي وكانت مرفوعة مثلا تعملها 95 الف ج ولو مهرية مشي تعملها 85 او 83 الف ج