الموضوع: مكافأة 3000 ثلاثة آلاف جنيه للي يدلني على عربية شبه دي للبيع مهما كانت حالتها

هو كان بيحلم بيها وذكر انها حلم طفوله عامة ربنا يباركله فيها ويكفيه شرها
ومستنيين للمره الالف صور العربيه

المشاركة الأصلية كتبت بواسطة amrelsha3er

عاوزين تقرير باالصور ياباشا طالما انك غاوى عربيات نادره يبقى متعنا معاك :)

بالنسبة لتقارير قبل وبعد فبصراحة العربية فيها نواقص كتير بس مش كلها أساسيات بس أنا عمال أجيبلها حجات من هنا وحجات جابوهالي من العراق وحجات لسه مجتش بس المفروض من السعودية والكويت أنا صورت العربية قبل مبتدي أِشتغل بيها بس لو رفعتها الناس حتاخد نظرة وحشة عالعربية أما تخلص إمته فبصراحة دي حتاخد وقت ومحدش حيصبر معايه لأني من يوم مجيبتها صارف عليها بتاع 5 آلاف جنيه ولسه معملتش أي حاجة تذكر لا بوية ولا سمكرة ولا تعديلات ولا تغيير أشكال ولا فوانيس ولسه كمان عليها قسط لمدة الأربع شهور القادمة وغير كده لسه الحاجات اللي جايه من بره لازملها فلوس فأنا بجمع حاجتها حاجتها وأشتغل بيها مرة وحدة بس تقريبا خلصت التصميم والشكل اللي حتبقه عليه وغي كده وكده أنا دي سابع عربية أجيبها وفاتح شغل لغاية دلوأتي في 5 منهم فلازم آخر الشهر بحبة فلوس صغيرة تراضي فيها كذا سمكري على بتاع قطع غيار على ميكانيكي على رسام على بوهيجي على بتاع تعديل فوانيس فخلاصة القول الموضوع محتاج وقت بس ربنا يمد بعمرنا وبشوية صحة وإن شاء الله أخلصها على فكرة أنا لسه من ساعة راجع من شربين وجايبلها مروحة كهربائية إضافي مع راديتير مع قميص وإمبارح مغير زيوت ومحسنات وأكرة باب وسيور وشوية حاجات ومرصص عجل وزوايا وجايب كلتش مروحة جديد وكأني ولا عملت حاجة وربنا يفتحها في وجه كافة الزملاء