الموضوع: هذه هى الأعراض فما هو العطل ؟

السلام عليكم ورحمة الله , Dr_Smart
فعلا أسعار المستعمل نازله خالص بس أنا كنت حاطط حدود للسيارة التى سأشتريها عشان انا مش قاعد هنا فى عمان كتير وكمان كنت حاطط عينى على الأكثر مبيعا وهى الكرولا , الأحدث من كده كان نادر أو كان سيارات غير مرغوب فيها مثلا كان فيه اكسنت موديل 2003 بثمن الكرولا اللى اشتريتها بالضبط بس كانت طالع عنيها ومتبهدلة ولو اشتريتها مش هعرف ابيعها خالص . شكرا على ردك ومتقبل رأيك تماما وعلى رأى المثل الغنى هو اللى بيشترى المستعمل

المهندس MMamdouh
شكرا على اهتمامك
بالنسبة لكرسى المساعدين المكسور طلع اسمه shock absorber mountain
وغيرته فعلا لأنى لما كنا بنرفع العجلة لفك الكاوتش كانت السوست والمساعدين بتطلع كلها من مكانها , اشتريت قطعة مستعملةأصلية لأنى لقيت الجديدة صناعة تايلاندى اى كلام وبعد التركيت اختفى تعويم العربية والدركسيون بيرد مكانه تانى
بالنسبة للماستر غيرته بواحد جديد تايوانى لأنى الأصلى تمنه 6 أضعاف تمن التايوانى وآهو شغال بس دواسة الفرامل واطيه ومش عارفين نرفع خلوص الدواسة حتى بعد أن أخذ هواء للأربع عجلات , أعتقد ان السبب فى تآكل سمك الطنابير بعد أن كشطناها عند خراط
أما ماستر الدبرياج فهغيره بإذن الله فى أقرب فرصة

شكرا مرة تانية على ردك
وفيه كلمة هنا مشهورة اتعلمتها من الصنايعية لما الشغل يطلع مظبوط وهى مقاربة لكلمة ميه ميه ألا وهى ( بلابل )

العربية بعد شوية الشغل اللى فيها بقيت بلابل