-
إستفسار من وحوش اللوجان
السلام عليكم جميعا ونا بركن إمبارح المفروض إني أطلع رصيف واركن فوقه إرتفاع الرصيف حوالي 9 سم المهم ونا طالع الرصيف بوشي العربيه مش راضيه تطلع طبعا ساعات rpm كان بيعلى مني غصب عني يعني ممكن يكون وصل إلى 4000 لفه وبعد محاولات مضنيه طلعت والحمد لله بس بعد ما طلعت شميت ريحه عامله زي ريحة شياط على خفيف أو كأن ريحة كاوتش محروق بس على خفيف برده فتحت الكابوت ريحه بس بسيطه أوي دقيقه والريحه راحت كنت عاوز أعرف إيه سبب الريحه دي ؟ أنا لسه جديد في السواقه نوعا ما وشكرا مقدما
-
دى رائحة الاسطوانه والدسك
-
علشان انت اكيد كنت طالع بالعجلتين المفروض تطلع عجله عجله
-
فعلا أنا كنت طالع بالعجلتين يعني هل فيه ضرر ولا حاجه والمكان كمان كان مزنوق فكنت لازم أطلع بالعجلتين
-
رائحة اسطوانة الدبرياج ..وخلي بالك كام مره علي كده والاسطوانه حتبوظ خالص ..حاول عجله عجله طبعا أحسن بكتير...طبعا من غير متقول أنا عارف أنك مش لاقي مكان غير ده ..ازمة الركنات منه لله اللي كان السبب يارب..وربنا معاك يا باشا
-
يا باشا دى ريحة الكاوتش الكاوتش لف على الفاضى و انتا بتقرص على البنزين علشان تطلع
و الديسك و الاسطوانه مالهمش ريحه ما تقلقش
-
استاذ أحمد ارجو من سيادتك مراجعة معلوماتك ...لأن اسطوانة الدبرياج لها رائحه طبعا...وهي رائحه تشبه رائحه البلاستيك المحروق نتيجه لعدم التعشيق الكامل بين المكنه والفتيس يعنى دايس نص دوسه على بدال الدبرياج...في الحاله دي حدافة المكنه بتكون بتلف والفتيس شبه ثابت وبالتالي يتم حرق الاسطوانه وده هو اللي عمله اخونا صاحب السؤال اكيد لانه جايب 4000 rpm يعني لو شايل رجله خالص من علي البدال كان زمانه طلع من علي الرصيف ونزل من الناحيه التانيه وروح بيتهم كمان ههههههه :)....وممكن حضرتك تتأكد من الريحه دي بنفسك لو مستغني عن الإسطوانه
-
حكاية 4000 rpm محصلتش غير مره واحده تقريبا وبعد كده بدأت أوازن بين الدبرياش والبنزين و rpm كان من 1500 إلى 2500 وبعدين كان قدامي حيطه بينها وبين طلعت الرصيف ميكملش نصف متر فكنت خايف أشيل رجلي من على الدبرياج أوي عشان مالبسش في الحيطه ومعتقدش إن العجل لف على الفاضي بس عاوز أعرف هيا الإسطوانه كده جابت أجلها ولا إيه وشكرا لكل من ساهم برد في الموضوع
-
لأ ياباشا إن شاء الله ميكونش حصل لها حاجه ...وأحسن اختبار ليها بيبقي علي الطرق المايله مادام تمام يبقى خلاص ...بس طبعا كل مره بتطلع بيها الرصيف بالطريقه دي بتقلل من عمرها ..بس نعمل ايه ...حقولك تاني منه لله اللي كان السبب :).. :)
Content Relevant URLs by
vBSEO 3.6.0 PL2