اشتريت ميجان 2006 الحمد لله وعاوز رايكم في كام ملاحظة كده على السريع
العربية بقالها معايا 24 ساعة بس عملت بيها 3 مشوار ختها من واحد صاحبي معرفة وقال لي العربية زي الفل وصراحة هي كده فعلا قال لي جربها يومين وإوديها التوكيل و اتفقنا لو طلع في حاجة هراجعهله تاني العربية معاه من الزيرو فبركة بره وجوا كلها , عداد 55000 وكسر لونها نبتي كلمت التوكيل علشان احجز كشف خت معاد يوم الاربع الصبح ولاحظت الأتي :
1 الفتيس الاوتوماتيك لما بكون ماشي على 60 كم مثلا وههادي فجأة الغيار بينزل من التاني للاول تقريبا على مرتين و في هبدا خفيفة قوي بحسها ومش ظاهرة على طول ساعات تيجي وساعات لأ ده على حسب السرعة ودوست الفرامل .
2 لمبة الفرامل نوارت مني مرة في كل مشوار ادتني الارم لمدة ثانيتين وطافت تاني بس و الله أعلم شكلها تيل فرامل عاوز يتغير
غير كده العربية تحفة في المشي وشياكة و كمية اوبشن جامدة قوي كل ساعة بكتشف فيها حاجة جديدة أنا أول مره أشتري ميجان ,, أنا معاىا لانسر
هاحتاج مسعدتكم يا شباب كتير كل ماهشوف حاجة حسالكم عليها وعاوز حد يدلني على أماكن صيانة العربية لو مش عاوز اروح التوكيل .
أنا قرأت في أحد الموضوعات هنا إن فتيس الميجان عليه ضمان 100,000 كم بدون حد لعدد السنوات الكلام ده صحيح ؟
و إيه الشروط علشان الضمان ده يكون ساري ؟
