ترشيح زيت على جسم الموتور

**rabso88** · 11-06-2012 11:36 AM

الساده الزملاء يارييت حد يساعدنى فى مشكله مش عارف سببها ايه
اولا انا لسه شارى العربيه من حوالى 4 شهور دايو نوبيرا 2 2006 و عامله 80000 كم
غيرت سيور و زيت و فلاتر و غيرت كمان جوان التاكيهات علشان كان فى ترشيح زيت على الموتور و الميكانيكى قالى من جوان التاكيهات
المهم انا بتحرك بالعربيه قليل جدا يعنى من ساعه ما جبتها مشيت حوالى 3000 كم بس بتتركن طول الاسبوع و بتخرج الجمه و السبت بس
قياس الزيت دلوقتى بقى فى النص يعنى الزيت نقص و كمان فى ترشيح زيت من اسفل الماتور وبلاقى ساعات كام نقطه زيت على الارض ممكن يكون الترشيح ده سبب نقص الزيت ؟ و ايه ممكن اسبابه؟
و ايه الى ممكن يسرب زيتمن الموتوراغيره؟
الزيت الى انا كنت حطيته شل الاصفر

اسف على الاطاله يس فعلا محتاج حد يساعدنى علشان انا معنديش اى فكره عن العربيات الجديده و لو حد يعرف ميكانيكى يتقى الله يبعتلى.

**elmo7areb** · 11-06-2012 11:52 AM

ممكن تكون كرتيره او ممكن مسمار الربط بتاع الزيت مش مربوط كويس عموما دي مجرد اقترحات ومنتظرين رأي الخبراء

**chiko** · 11-06-2012 02:50 PM

ممكن يكون اكتر من حاجه .. ممكن الكرتيره و ممكن جوان غطاء التاكيهات و ممكن اويلسيل عمود الكرنك او الكامه .. لازم المكانيكي يفك وش التقسيمه و يبص علي الكرتيره و الغطاء التكيهات

**kaza** · 11-06-2012 03:01 PM

اغسل الموتور بالبخار وشوف الزيت مرشح منيين بالضبط وبناء عليه حدد اية اللي ممكن يتعمل غير كدة يبقي بتضيع فلوس وجهد كتير

**rabso88** · 11-06-2012 03:21 PM

طيب كدا معناه ان لازم اغسل الموتور الاول

طيب ايه اامن طريقه لغسيل الموتور و الغسيل بالبخار ده يكون فيين

**chiko** · 11-06-2012 05:19 PM

حضرتك هتروح لميكانيكي محترم .. هو لازم ومن غير ما تقوله هيغسل الماتور و يدور و يشوف الزيت جي منين .. و عشان يعمل شغل صح .... هيفك غطاء التقسيم عشان يتاكد ان الزيت مش جي من الاويلسيل

يعني يدور العربيه و السيور باينه

من فوق

و من تحت

كده بقي تقدر تعرف الزيت جي منين .. و تحل المشكله ده خصوصآ اننا في صيف و الزيت امهم اوي في الحر

**kaza** · 12-06-2012 12:23 AM

المشاركة الأصلية كتبت بواسطة rabso88

طيب كدا معناه ان لازم اغسل الموتور الاول

طيب ايه اامن طريقه لغسيل الموتور و الغسيل بالبخار ده يكون فيين

اي محطة بنزين محترمة هتغسل الموتور بالبخار
ميزة البخار انة حرارتة عالية وضغطة قليل نسبيا فبيعمل علي ازالة التراب والزيت دون تاثير شديد علي الوصلات الكهربية للمحرك

**kaza** · 12-06-2012 12:25 AM

المشاركة الأصلية كتبت بواسطة chiko

حضرتك هتروح لميكانيكي محترم .. هو لازم ومن غير ما تقوله هيغسل الماتور و يدور و يشوف الزيت جي منين .. و عشان يعمل شغل صح .... هيفك غطاء التقسيم عشان يتاكد ان الزيت مش جي من الاويلسيل

يعني يدور العربيه و السيور باينه

من فوق

و من تحت

كده بقي تقدر تعرف الزيت جي منين .. و تحل المشكله ده خصوصآ اننا في صيف و الزيت امهم اوي في الحر

كلام سليم بس فين الميكانيكي دة في مصر ..الفئة دي عايزة يتولع فيها زي فلول الوطني بالضبط

**chiko** · 12-06-2012 01:41 AM

المشاركة الأصلية كتبت بواسطة kaza

كلام سليم بس فين الميكانيكي دة في مصر ..الفئة دي عايزة يتولع فيها زي فلول الوطني بالضبط

لا و الله استاذي موجودين و بيشتغلو بضمير .. لكن اللي طالعين الايام ده هما الصبيان و بيشتغلو الزبون قبل ما يتشغلو في العربيه ..

انا في مره كنت في سيوة و العربيه جابت جوان وش سلندر في الصحري .. و قلت بلاش بهدله و خلي حد يعملها و روحت عند ميكانيكي شغال علي عربيات شركات البترول .. عمل نصبه و فتحه و عيز ياخد 1500 عشان يغير الجوان و شغل تلت ايام .. انا بقي فكيته و عملته في ساعتين و اتكلف 64 جنيه ...

فا عشان كده اللي ظهرين علي الساحه هما اللي مدمرين صورة الناس المحترمه ..

**rabso88** · 12-06-2012 10:55 AM

انا باذن الله هاروح للميكانيكى الاجازه دى و هاشوف ايه الاخبار و هبقى ابلغكم عملت ايه و اعملوكو تقرير كامل بالصور ان شاء الله

بس كان عندى سؤال لو طلعت الكرتيره مشروخه لا قدر الله اجيها جديده ولا الحمها احسن و كمان الزيت الى نقص ده ممكن ازوده ب كيلو من شيل الاحمرعلى اساس انو رخيص و هاينزل برضو على فكره انا بستخدم شيل الاصفر