ياجماعة انا بقالى سنة عايز اجيب عربة لكن خايف من الظروف الامنية وسسرقة العربيات
تنصحونى بايه خصوصا انى محتاجها
شكرا
عرض للطباعة
ياجماعة انا بقالى سنة عايز اجيب عربة لكن خايف من الظروف الامنية وسسرقة العربيات
تنصحونى بايه خصوصا انى محتاجها
شكرا
اللى بيخاف من العفريت بيطلعله
وبعدين انته كده مش هتشترى الا بعد 5 سنين والله اعلم
يا اما تجيب مستعمل وتخليها على الله وامن نفسك وعربيتك gps وانزار وحركات وبعدين افترض ياسيدى انك كنت جايب العربيه قبل الثوره والانفلات الامنى والاخلاقى
كنت هتبيعها ولا كنت هتعمل ايه
ياعم توكل على الله, لو انت بتحسبها كده يبقى متنزلش من البيت أحسن.
بس دور على حاجه يكون فيها سيفتى شويه زى الأوروبى واليابانى.
انا باكلم فى رينو لوجان
طيب ايه رايكم فى الحالة الامنية حاليا
الحمد لله بقالى مدة مش باسمع عن عربيات بتتسرق
أنصحك أنك تستنى شوية لحد ما الأمور فى مصر تستقر و يبان للبلد دى رئيس يرجع الأمن تانى ....
الواحد اليومين دول بيشوف عمليات سرقة زى اللى بتحصل فى الأفلام الأمريكانى ....
سرقة العربيات بقت فى عز الضهر و اللى بيسرقوا ممكن بمنتهى البساطة يقتلوا صاحب العربية عشان يخدوها منة ....
بص أحنا صبرنا كتير ومافضلش غير أسبوع ....
يا أما الأوضاع تستقر بعد ما يجى رئيس الجمهورية يا أما يحصل مظاهرات و تخريب ومش بعيد حرب أهلية ....
تف من بؤك يا عمنااقتباس:
المشاركة الأصلية كتبت بواسطة ghosts
حرب أهليه ايه بس...احنا مش مستحملين سنة و نص مظاهرات هنستحمل حرب أهليه
ياباشا اتكل علي الله و هاتها .. انت كده هاتقعد سنين لحد ماتشتري
و بعدين اللي مكتوبلك هاتشوفه سواق بقي معاك عربيه ولا ماشي علي رجلك
سرقة العربيات موجوده بس انت و نصيبك و من خاف سلم و بردوا هاقولك اعقلها و توكل
يعني ماتسيبش العربيه دايره مثلا و تنزل تشتري حاجه من الكشك و تقولي سرقه عربيات او مثلا تمشي بليل متأخر الساعه 3 و 4 الفجر و تقولي سرقة عربيات ... كده يعني
واحد صحبي ساكن في العبور و معاه لوجان و أخوه معاه سيراتو و السيراتو حققت رقم قياسي في سرقة السيارات في القاهره الكبري و ضواحيها و الحمد لله ولا واحده منهم اتسرقت مع ان الشارع بتاعهم مافيهوش 5 فيلل ساكنين علي بعض ... اتكل علي الله ياباشا و ماتقلقش
فى الظروف اللى بتمر بيها البلد كل شىء جايز ....اقتباس:
المشاركة الأصلية كتبت بواسطة dongol123
نصبر لحد ما نشوف أخرتها أية ....
اتقل يومين لحد ما نتيجه الانتخابات تبان