اية رايكوا فى البايك اللى كنت هاسرقة

بسم الله الرحمن الرحيم
طبعا بدون اى كلام انا طول عمرى نفسى اجيب بايك بس الجماعة فى البيت مش موافقين
فدايما كنت اشوف اى حد راكب بايك ابص لية بكل فخر واقول يابختة
بس الحمد لله بعد مفاوضات كتيرة مع والدتى لان والدى متوفى
الحمد لله وافقت خلاص وبدائت انى اجهز الفلوس بتاعتة علشان اجيبة خلاص
بس وانا فى مرة فى الشغل شفت بايك جامد جدا كنت خلاص ناوى اسرقة بس مكنش فية مكان فى العربية لانى شغال فى الاسعاف والعربية كانت صغيرة فقولت متعوضة
دى صور البايك اللى كنت ناوى اسرقها


هى نوعها Honda 954 RR

http://i.imgur.com/gXR9X.jpg

http://i.imgur.com/ssnas.jpg

دا انا بقى جنب البايك
http://i.imgur.com/1jpjY.jpg

محدش يعرف سعره كااااااااام؟

باذن الله لما اكمل الفلوس طبعا انا مليش خبرة فى البايك خالص فاتمنى من الاعضاء الكرام ان اى حد يبقى يجى يفحص معايا البايك وكدا
والف شكر على المواضيع الجامد اللى موجودة هنا ويارب فى تقدم واستمرار اكتر واكتر

تسرقه ؟ بتهزر صح ؟

اكيد طبعاااااااااا

انا قلت برضه :d

دي يا باشا هوندا 954
و عموما لا ينصح أبدا أبدا لمبتدأ أنه يركبها لأن رد فعلها مش لطيف خالص و لأن القوة أللي فيها محتاجة كثير من الخبرة و الحكمة لكي يصل بيها سليم
أسعارها يمكن في أول الأربعينات علي حسب الحالة
عارف ليه هي خطر جدا تركبها أول حاجة؟
أصلا الجري بالبايك خطر فالأفضل أتك تبدأ بحاجة صغيرة حتي تتعود علي الركوب و برضه تشبع جري من ال250 و من ال400 لأن مهما كان دول قوتهم معقولة و التحكم فيهم نوعا ما سهل
أما ال900 أعرف أن أي دوسة بنزين زيادة قد تفاجأك و تعمل لك مشكلة بجد
أهم حاجة في ركوب البايك أنك تشغل دماغك و تخاف علي نفسك و برضه تجري بس بأقل مخاطرة ممكنة يعني أجري في المضمون (و أدعي أن ربنا يسترها)

اولا احب اقولك مرحبا بك في وسط مجتمع البيكس :d
ثانيا فيفتي فيفتي :p خلونا ناخد فرصتنا بقي :d
ثالثا يا سيدي دي 954 ودي بيتراوح سعرها من 40 لحد 45 الف وطبعا الابتداء بيها هيكون انتحار لانها تعتبر اعلي البيكس في الهوندا بعد ال1000 علي طول
وانا مع تيتو لازم تاخد السلم من الاول لان بالذات البيكس دي مفيهاش هزار الوقعة بزعلة جامدة قوي قوي ليك وللبيك
فلازم الاول حاجة 250 ولا 400 كدا كبداية عرفت الدنيا فيها اية اقلبها وهات 900ميات براحتك بقي
وانا بفكرك اهو قولي هي فين ونروح نعمل عمليتنا النهاردة الساعة 7 الصبح بليل كدة :d:d:d:d:d

ههههههههههه انا طبعا ناوى باذن الله ابدا ب250 فاير او 400 عادة لانى سمعت انها بتكون نفس السعر وطبعا بالنسبة للبايك دى انا مكنتش ناوى ابداء بيها طبعا انا كنت ناوى اسرقها هههههههههه ومكانها شارع طومانباى انا يومها كان معايا حالة مروحها البيت وجايبها من المستشفى فطلعت الحالة البيت ونزلت قعدت اتصور جنب البايك بس هاعمل اية مهوووووووووس باى بايك ريس الحمد لله ان صاحبها مكنش شايفنى واتمنى صاحبها ميكنش معانا هنا علشان لو اتسرقت بجد انا اكيد اول واحد هايشك فيا

اقتباس:

---

المشاركة الأصلية كتبت بواسطة verzatshi

ههههههههههه انا طبعا ناوى باذن الله ابدا ب250 فاير او 400 عادة لانى سمعت انها بتكون نفس السعر وطبعا بالنسبة للبايك دى انا مكنتش ناوى ابداء بيها طبعا انا كنت ناوى اسرقها هههههههههه ومكانها شارع طومانباى انا يومها كان معايا حالة مروحها البيت وجايبها من المستشفى فطلعت الحالة البيت ونزلت قعدت اتصور جنب البايك بس هاعمل اية مهوووووووووس باى بايك ريس الحمد لله ان صاحبها مكنش شايفنى واتمنى صاحبها ميكنش معانا هنا علشان لو اتسرقت بجد انا اكيد اول واحد هايشك فيا

---

طيب يا باشا خدني معاك لو رحت المرة الجاية واجيب العتلة والمعرفش اية معيا :d وفيفتي فيفتي

بهزر طبعا :d
ربنا يبارك لصاحبة ويكفيه ويكفينا شر الطريق :d:d:d:d

اهلا بيك معانا الاول
البايك زى مما هو عشق وجنون لكل شاب فى مصر انما احطاره رهيبة لأى حد يستهين بيه وبالذات لو الفئات العالية من اول 900 وانتا طالع تجميع سرعة رهيب وخطر جدا لأى حد مبتدئ انا اعرف ناس اتعلمت على 600 هو جامد برده بس معقول وسعر اعادة البيع برده كويس
ومش هازود الاعضاء الله يكرمه قالى اللى فيه الكفاية وزيادة
ربنا يكرمك باللى نفسك فيه ويكفيك وايانا شر الطريق
وابقى عرفنا بيك

اهلا بيك معانا

و طبعا مافيش كلام يتقال خلاص

بس فعلا دوسه البنزين البسيطة على البايك دا بال game كلله