الموضوع: رسالة من زوجة مستريحة متهنية

· تصحى من النوم قبل زقزقة العصافير تكوي هدوم المدارس للعيال و تصحيهم و تشطفهم و تفطرهم و تلبسهم و تحضرلهم السنداوتشات و تنزلهم يركبوا الأتوبيس.
· بعد كده تيجي تصحيني و تحضري الحمام و الفطار و طبعا عقبال ما أخلص تكون حضرت لي هدومي عشان أروح الشغل حاكم أنا هشقى و أتعب علشانكم. ما تنساش قبل ما تنزل تجري على شغلك ، تتشعلق في أي مواصلة علشان تلحق توصل في معادك من غير ما تسمع كلمتين في جنابك من مديرك وما تنساش تسيب اللحمة برة التلاجة تفك عشان الغدا.
· و أنت راجع بقى الظهر يا حبيبي في عز الزحمة عدي على السوق جيب الغدا و اتزنق في طابور العيش و طير على البيت عشان تلحق تنضف الخضار و تحضر الرز و السلطة و تسيب الأكل يستوي عقبال ما تحمي العيال. أصلي ماحبش أي أكل بايت. أنت عارف يا حبيبي إني بشتغل عشانكم فمن حقي أكل اللي أنا عايزاه.
· بعد الغدا أنا هدخل أريح شوية و أنت بقى أدخل على المطبخ إغسل الأطباق و إكنس الأرض و حط الغسيل في الغسالة حاكم الحاجات دي ما تستناش .
· خلاص يا حبيبي هانت. فاضل بس تذاكر للعيال. تعمل معاهم الوجبات و تراجع حفظ النصوص و الدراسات الإجتماعية و تمليهم و تحل معاهم مسائل الرياضة. بس لو حد فيهم جاب نمرة وحشة هزعل منك و أقلب الدنيا على راسك علشان ده يبقى أسمه إهمال و تسيب يا روحي.
· أنا هقوم بعد كده أنزل أعمل كام مشوار مش مفهومين. المهم أي حجة علشان أسيب البيت و أنزل أشرب لي كابيتشينو في أي كوفي شوب مع صاحباتي أصلي مش هقدر أشرب حجرين على القهوة.

اه عارفها دي مواصفات الزوجه الامريكيه ... حتي لو الزوجه المصريه بتعمل كده ففي المقابل بتاخد بوز محترم بدون داعي + ريحه بصل و ثوم + شوف بقي الشكل من غير ميكياج ... حسبي الله و نعم الوكيل ... ان شاء الله السوريين جايين مصر قريب خلينا نحسن النسل بقي و نتهني شويه

المشاركة الأصلية كتبت بواسطة screenplays

اه عارفها دي مواصفات الزوجه الامريكيه ... حتي لو الزوجه المصريه بتعمل كده ففي المقابل بتاخد بوز محترم بدون داعي + ريحه بصل و ثوم + شوف بقي الشكل من غير ميكياج ... حسبي الله و نعم الوكيل ... ان شاء الله السوريين جايين مصر قريب خلينا نحسن النسل بقي و نتهني شويه

هوب هوب هوب ....
أية يا عم اللى أنت بتقولة دة؟؟!!
أنت ناسى أن صاحبة الموضوع واحدة ست؟؟!!

بيت من غير ست = خرابة .. بالذات لو فيه اطفال ... اى كانت الست دى مين ام او اخت او خالة او زوجة
فى حاجات كتير الراجل مش بيعرف يعملها و دى حكمة ربنا لا يستطيع احد انكارها ربنا خلقنا مختلفين عن بعض
ولا يستطيع ان يعيش الرجل من غير ست والعكس صحيح
طيب لو قولنا بعض مميزات وجود الستات فى حياة الرجل اى كانت صلة القرابة بينهم
1- الزوجة بتمنح الرجل المزيد من الوقار
2- عدم وجود ست = عدم اهتمام بالمظهر فى كثير من الاحيان + اكل غير صحى (تك اوى)
3- عدم وجود ست = تكاليف عالية جدا (تك اوى + دراى كلين + خروج من البيت عمال على بطال + حتنزل تتمشى بالعربية وتحرق بنزين + التدخين بكثرة)
4- عدم وجود زوجة = قلة زكر الله عند الرجل (لان الراجل المتزوج بيفضل يدعى ربنا ليل ونهار علشان يخلص منها ) هههههه بهزر طبعا
5- عدم وجود زوجة = غض البصر بيكون قليل لانك اصلا بتدور على عروسة .. بالاضافة ان الراجل حيتفرج على قناة التت الله يحرقها ويحرق اللى بيتفرج عليها
بس كدة لو افتكرت حاجة تانية حبقها اقولها ودى شوية مميزات على ما قسم
وربنا يخليلى الحجة .. طب والله العظيم وانا بكتب المشاركة حموووت من كتر العطش ومكسل اقوم اشرب هههههه
لاقيتها داخلة عليا بشوب برتقان لولاه كان زمانى فى عداد الموتى من العطش .. قولولى بقى دى عرفت ازاى
وربنا يحرص جميع نساء المسلمين ويكون فى عونهم من اجتماعى نايل موتورز

المشاركة الأصلية كتبت بواسطة ghosts

هوب هوب هوب ....
أية يا عم اللى أنت بتقولة دة؟؟!!
أنت ناسى أن صاحبة الموضوع واحدة ست؟؟!!

لا مش ناسي بس انا بقول كلمه حق

المشاركة الأصلية كتبت بواسطة amr.elsayed

بيت من غير ست = خرابة .. بالذات لو فيه اطفال ... اى كانت الست دى مين ام او اخت او خالة او زوجة
فى حاجات كتير الراجل مش بيعرف يعملها و دى حكمة ربنا لا يستطيع احد انكارها ربنا خلقنا مختلفين عن بعض
ولا يستطيع ان يعيش الرجل من غير ست والعكس صحيح
طيب لو قولنا بعض مميزات وجود الستات فى حياة الرجل اى كانت صلة القرابة بينهم
1- الزوجة بتمنح الرجل المزيد من الوقار
2- عدم وجود ست = عدم اهتمام بالمظهر فى كثير من الاحيان + اكل غير صحى (تك اوى)
3- عدم وجود ست = تكاليف عالية جدا (تك اوى + دراى كلين + خروج من البيت عمال على بطال + حتنزل تتمشى بالعربية وتحرق بنزين + التدخين بكثرة)
4- عدم وجود زوجة = قلة زكر الله عند الرجل (لان الراجل المتزوج بيفضل يدعى ربنا ليل ونهار علشان يخلص منها ) هههههه بهزر طبعا
5- عدم وجود زوجة = غض البصر بيكون قليل لانك اصلا بتدور على عروسة .. بالاضافة ان الراجل حيتفرج على قناة التت الله يحرقها ويحرق اللى بيتفرج عليها :10d5c8w1107:
بس كدة لو افتكرت حاجة تانية حبقها اقولها ودى شوية مميزات على ما قسم
وربنا يخليلى الحجة .. طب والله العظيم وانا بكتب المشاركة حموووت من كتر العطش ومكسل اقوم اشرب هههههه
لاقيتها داخلة عليا بشوب برتقان لولاه كان زمانى فى عداد الموتى من العطش .. قولولى بقى دى عرفت ازاى
وربنا يحرص جميع نساء المسلمين ويكون فى عونهم من اجتماعى نايل موتورز

طب تصدق بالله ... انا احلي اوقات حياتي و انا قاعد في البيت لوحدي ... الواحد بياكل بنفس و بينام وقت ما هو عايز و يصحي وقت ما هو عايز و يشغل اغاني و يعلي الصوت براحته و يستمتع و محدش بيقوله رايح فين و لا جاي منين

المشاركة الأصلية كتبت بواسطة friendship7897

واضح جداً إن screenplays ما شفش تعليقي دا - لما يشوفه - أسأله يحب يموت إزاي ولا يموت أحسن في واحدة مصرية بدون مكياج بمزاجه !!!

دي حالات شاذه مش قاعده اساسيه