يا لهوي علي اليورو ... ايه البنات دي يا جدع ؟ ده احنا قاعدين في بلاعه مش في بلد
+1
+1
عرض للطباعة
كلامك سليم 100% ....
أنا مقدرش أتخيل نفسى عايش غير مع واحدة مصرية لأنى لا بحب الأوروبيات (بالرغم من جمالهم)
ولا الشوام عشان بااااااااااااردين بشكل لا يحتمل ....
بس دة ميمنعش أنى أقول بمنتهى الصراحة أن الزوجة المصرية العاملة هى زوجة مقصرة فى أداء واجبتها تجاة أسرتها ودة مش بمزاجها دة بيبقى غصب عنها لأن طاقتها محدودة ....
معظم الأزواج بيطلبوا من زوجاتهم العمل ولو ماطلبوش الزوجة بتنزل من نفسها لأنها بتبقى شايفة جوزها مش قادر يكفى طلبات البيت وطلباتها لوحدة ....
الست من دول بتروح بيتها هلكاااااااااااااااانة فيأما متعملش أكل وتبعت تجيب أكل جاهز من برة ....
يأما متذاكرش حاجة لأولادها و غالبآ مبتبقاش عارفة حاجة عن مستواهم الدراسى ....
يأما بتقصر فى أداء واجباتها الزوجية يأما بتقصر فى كل ما سبق ....
الزوج عشان يبقى سعيد مع مراتة أحسن لة هو و أولادة أنة ميشغلهاش ....
عشان كدة الجواز مشروع للقادرين والناضجين فقط ....
+1111111111111111111111
klamk sa7 awy
تصدق يا أ/ أحمد أنت كرهتني في جميع الستات المصريين :angry35: من كل مشاركاتك هنا أو أي مشاركات ليك في موضوعات تانية ... ومش عايزة أدعي عليك وأقول لك روح يا بني ربنا يرزقك بواحدة أمريكية تكون مخلفة من صاحبها اللي قابلك أو ترجع بلدها وتغلبك على ولادك لما تكون نفسك تشوفهم ،ولا تستغيث بسفارتها هنا شوف مين فيكوا هيكون الصح لو أنت الأصح ، أو يرزقك بواحدة برضوا أجنبية تديك الجنسية وتهاجر ولما تحاول ( ها تحاول تاخد حقك منها - أي حق ) تروح تشتكي منك في بلدها والبوليسي بتاهم يا جميل ... هيجيبك هيجيبك . ما رتجعش تقول ( ماما ... ماما ... تعالي خودني يا ماما ) .
أوعى تزعل مني
:N_no[1]:
+1اقتباس:
الزوج عشان يبقى سعيد مع مراتة أحسن لة هو و أولادة أنة ميشغلهاش ....
عشان كدة الجواز مشروع للقادرين والناضجين فقط ....
اكيد كلامك فيه شيئ من الصح وبيتوقف على وعى الزوجة لو اتجوزت او على وعى الاهل قبل الجواز
اى راجل فى الدنيا بيجى عليه وقت بيحتاج انه ينغلق على نفسه وياخد جزء من الخصوصية ويكون لوحده
تقدر تقول كدة الفترة دى زى مايكون بيشحن فيها زى شحن الموبيل وبيصفى زهنه وبيتخلص فيها من التوتر او اى مواضيع بيحاول يركز زهنه فى التفكير فيها بدون اى تشتت حتى لو كان تشتت عبيط من وجه نظر الجنس الاخر
.......................
انت بتشوف ان احلى وقت ليك لما تكون لوحدك علشان انت اصلا نادرا ما بتلاقى الفرصة دى متاحة ليك
لكن لو الفرصة دى متاحة ليك باستمرار حيبقى شيئ ثانوى فيه الاحلى منه
.......................
الستات بقى اختلاف تااااااااام ...
الراجل بيحب ينفرد بنفسه من وقت للتانى عكس الست محتاجه وجود الراجل معاها باستمرار (تلاقى واحد مستغرب ان زوجته بتكلمه وهو فى الشغل 3000 مرة بدون اسباب مقنعة)
- الست ممكن تعمل 30حاجة فى نفس الوقت عكس الراجل ممكن يعمل ال 30 حاجة دول بس حاجة
تخلص ويدخل على اللى بعدها واى حاجة صغيرة تحصل يضايق ويتشتت حتى لو واحد قاله صباح الخير
- على سبيل المثال وليس الحصر ممكن تلاقى واحدة ماسكة طفل وواقفه فى المطبخ بتطبخ والغسالة شغالة و زانقة الموبيل بين كتفها وودنها وبتتكلم فى التليفون (استحالة راجل يعمل كل الحاجات دى فى نفس الوقت)
لو راجل عايز يسرح شعره وهو سايق حيعمل ايه (حيدوووس بنزين ويمشى باقصى سرعة علشان يوصل للبيت ويبتدى يسرح )
هنا الراجل اختار انه يخلص مهمة السواقة وبعد كدة حيبدأ يعمل الجزئية التانية انه يسرح شعره
نيجى على نفس الموقف بالنسبة لواحدة ست حتعمل عكس اللى الراجل عمله تماما
حتسوق بالراحة خالص وعلى مهلها وحتطلع فورشة الشعر وتسرح وهى سايقة ودة بيحصل فعلا
طبعا طبيعة الجنسين مختلفة وطريقة انجاز الامور مختلفة وربنا سبحانه وتعالى ليه حكم كثيرة فى كدة
وبالتالى لو كل راجل او ست عرف طبيعة الجنس الاخر اعتقد الحياة حتكون افضل بكتير وكل طرف بيكمل الطرف التانى
على شرط ان مافيش طرف يحقر او يقلل من اهمية الطرف الاخر
...........
ايه الرغى دة كله ؟؟؟
بس كدة لا تستطيع اللوم على الزوجة العاملة ... لكن اللوم وكل اللوم على المجتمع الزبالة اللى مش موفر للرجل الامكانيات علشان يعيش اهل بيته فى حياه كريمة علشان يتشرط بوجه حق
ازاى حتمنعها انها تشغل وباى وش عتمنعها اذا كان انت مرتبك يدوب مكفى مصاريف البيت بالعافية
ما هى بنى ادم ليها مصاريفها واهتمامتها ولعلمك مصاريفهم عالية جدا
كلام سليم بس لو الحريم يعرفوا الكلام ده و يقدروهاقتباس:
الستات بقى اختلاف تااااااااام ...
الراجل بيحب ينفرد بنفسه من وقت للتانى عكس الست محتاجه وجود الراجل معاها باستمرار (تلاقى واحد مستغرب ان زوجته بتكلمه وهو فى الشغل 3000 مرة بدون اسباب مقنعة)
- الست ممكن تعمل 30حاجة فى نفس الوقت عكس الراجل ممكن يعمل ال 30 حاجة دول بس حاجة
تخلص ويدخل على اللى بعدها واى حاجة صغيرة تحصل يضايق ويتشتت حتى لو واحد قاله صباح الخير
- على سبيل المثال وليس الحصر ممكن تلاقى واحدة ماسكة طفل وواقفه فى المطبخ بتطبخ والغسالة شغالة و زانقة الموبيل بين كتفها وودنها وبتتكلم فى التليفون (استحالة راجل يعمل كل الحاجات دى فى نفس الوقت)
لو راجل عايز يسرح شعره وهو سايق حيعمل ايه (حيدوووس بنزين ويمشى باقصى سرعة علشان يوصل للبيت ويبتدى يسرح )
هنا الراجل اختار انه يخلص مهمة السواقة وبعد كدة حيبدأ يعمل الجزئية التانية انه يسرح شعره
نيجى على نفس الموقف بالنسبة لواحدة ست حتعمل عكس اللى الراجل عمله تماما
حتسوق بالراحة خالص وعلى مهلها وحتطلع فورشة الشعر وتسرح وهى سايقة ودة بيحصل فعلا
طبعا طبيعة الجنسين مختلفة وطريقة انجاز الامور مختلفة وربنا سبحانه وتعالى ليه حكم كثيرة فى كدة
وبالتالى لو كل راجل او ست عرف طبيعة الجنس الاخر اعتقد الحياة حتكون افضل بكتير وكل طرف بيكمل الطرف التانى
على شرط ان مافيش طرف يحقر او يقلل من اهمية الطرف الاخر
...........
هي لو متستته صحيح يبقي مش هتشتغل هتقعد في البيت تخلي بالها من بيتها وجوزها والمفروض ساعتها جوزها اللي هيجيبلها كل الطلبات اللي البيت محتاجها وساعتها مش هتحس بالماساه دي لان بعد الولاد مايروحو المدرسه هيبقي عندها وقت محترم تريح فيه لحد مايجو من المدرسه
وبعدين الراجل من اول يوم جواز وهو بيتعب
انما الست مش بتتعب غير لما الأولاد تيجي وخصوصا من اول الطفل التاني