معروض عليا عربيه تويوتا شبه اللامبرجينى كدة و بسعر قليل جدا أعمل أية ؟

في الفتره الاخيره كدة فكرت أغير الجين 2 و أجيب حاجة تانيه بس لحد دلوقتى مش هاينه عليا أغيرها يعنى ممكن أجيب حاجة معاها و دورت مع ناس صحابى و قرايبى عشان يكونوا مضمونين و في الأخر فيه واحد أخو واحدة صاحبتى قالتلى أنه عايز يغير العربيه بتاعتة و ممكن أشتريها منه

العربيه نوعها تويوتا و شبه اللامبرجينى بالظبط و موديل 2010 يتهئ لى

بس إلى مخوفنى أن لما كلمتها على ورق العربيه و التخليص الجمركى و الكلام دة قالتلى هوا إلى يعرف فيها و كدة فخليت بابا يكلمة قاله مفيش مشاكل بالنسبه للورق بس مش معايا أنا ممكن أطلعة من المرور و قاله أنت عايز فيها كام قاله 60 ألف جنيه !!!!
قاله أنت متأكد 60 ألف جنيه مصرى قاله أه
راح بابا قاله شكرا و قالى أنســـــــى
قولتلة ليه قالى العربيه دى أصلا لو واحد مجنون أو أهبل هيطلب فيها 200 ألف جنيه
أعمل أية بقى أنا نفسى في الشكل دة جدااااااا

نوعها ايه
بالظبط

مفيش اي معلومات عنها ؟ اسمها او اي حاجة

غالبا تويوتا سيلكا لانها فعلا شبه الجالاردو
بس والد حضرتك معاه حق طبعا لان العربية دي شكلها مسروقة او كانت نازلة تربتك وعايز يخلص منها

ميرسى يا جماعة هوا كل إلى أعرفه أنها تويوتا و شبه اللامبرجينى بالظبط و كوبية كدة و شكلها تحفة أصلا لأن قبل كدة صاحبتى كانت جايه بيها و كله كان بيتنح لما بيشوفها
و بالنسبه للتربتك فعلا واضح أنها جايه كدة لأنه جاي من برا أصلا مش عارفة كان فين بالظبط بس هيا معلقة نمر ملاكى عادى

طرازات تويوتا اللى حضرتك بتقولى عليها دى غالبا السيلكا والسوبرا سيلكا وسميت بعد ذلك السوبرا والموديلات دى نزلت الخليج ونادرة جدا فى مصر وغالبا دى صورتها

http://t3.gstatic.com/images?q=tbn:A...vkM2zjuAXiq_hb

http://t0.gstatic.com/images?q=tbn:A...LxNSdYLX4oXhF1

http://t1.gstatic.com/images?q=tbn:A...W14Olw6igKDaUT

هيا شبه الصفرا دى جدا لكن التانية فوانيسها عريضة من تحت شوية

http://t0.gstatic.com/images?q=tbn:A...LxNSdYLX4oXhF1

ههههه طب ودي مصاريف تشغيلها مش هتتعبك شويه!!

اقتباس:

---

المشاركة الأصلية كتبت بواسطة ahmed_nubira

ههههه طب ودي مصاريف تشغيلها مش هتتعبك شويه!!

---

هيا المشكلة مش في مصاريفها المشكلة أن الشبهات عليها كتيرة جدا
و كمان المشكلة في بلدنا بشكل عام يعنى العربيه دى شكلها بيتحطلها بنزين في بلدها 190 مش 90 ولا 92 زى عندنا و كمان البنزين عندنا مهما كان عالى بيبقى معفن برضة مش زى بره
أنا يتهئ لى في الدول المحترمة دى بيحطوا البنزين في التلاجة و بيشربوه من كتر نضافتة :cat48:

المشكلة مالهاش قطع غيار فى مصر ولا حد هيعرف يشتغل فيها حتى التوكيل عن تجربة بابا فى اواخر التسعينيات جاب عربية من الخليج تربتك موديل من فورد مش فاكر كان ايه المهم الفتيس الاتوماتيك حصل فيه مشكلة سحبناها على التوكيل واظن كان اخوان مقار قالوا الموديل ده منزلش مصر ومالوش قطع غيار هنبعت وكل شوية نروح نسأل يقولو لسه مردوش بس اعملوا حسابكم هنغير الفتيس كله وفالوا رقم فلكى اضطرينا نرجع العربية مقطورة للخارج واتصلحت بره عند الوكيل مع انها كنت عربية جديدة مع ذلك حدث العطل وفين فطريق سفر