كيفيه استخراج رخصه خاصه عن طريق مدرسه المرور
1.تروح وحده المرور التابعه لمحل سكنك
2.هتروح علي شباك مدرسه المرور وتدفع 220 جنيه و تقدم صوره البطاقه و 2 صوره شخصيه
3.هتتسجل ع قائمه انتظار وتاخد تاريخ تيجي فيه تاني
4.بعد حوالي ثلاث شهور تقريباً بيجي معاد الذهاب الي المرور مجدداً
5.تاخد رقم عريف الشرطه اللي هيعلمك و تكلمه
6.في دفتر حضور 11 حصه بتحضرهم وبعد كده بتاخد ميعاد امتحان
7.بتروح تمتحن قياده فقط "دي ميزه الممدرسه مفيهاش اشارات و كمبيوتر"
8.تاني يوم بتروح تقدم الورق اللي هو
"كشف طبي نظر و باطنه بدون تواريخ و عليهم رقم قيد الطبيب - عدد 2 صوره بطاقه - عدد 3 صور شخصيه - نموزج 256 - ملف رخصه خاصه
- ايصال كمبيوتر - حافظه توريد (هنرجعلها تاني) "
لشباك الرخصه الخاصه
هيكتبولك ف حافظه التوريد 33 جنيه و يقلولك هات ملف و نموزج 256 هتروح تقف ع الخزينه
وتدفع 40 جنيه و ترجع تاني للشباك بالورق كله "اللي هتكون مازلت محتفظ بيه" و تقدمه للشباك
وهتستني تتصور:camera2: و مبروك الرخصه :3gears:
*التكاليف بالتفصيل
1.مصاريف التقديم 220 جنيه
2.شهادتين باطنه و نظر 25 جنيه
3.ايصال كمبيوتر 15 جنيه
4.حافظه توريد 1 جنيه
5.ضريبه مكتوبه ف حافظه التوريد 33 جنيه
6.نموزج 256 عليه طوابع شرطه ب 7 جنيه
انا للاسف مقدرتش اسرد الموضوع بشكل كامل عشان عندي امتحانات " دعواتكم :) "
بس اتمني ان حد يستفيد من المعلومات دي
واللي القاء في تجربه شراء السياره ان شاء الله :)