الموضوع: محاسبه ولا اداره

المشاركة الأصلية كتبت بواسطة hazemhassan

فعلا مجال المحاسبة فى الشغل اكتر من الادارة وابسط حاجة ممكن تدرب فى مكتب محاسب قانونى وتسجل فى سجل المحاسبين والمراجعين كمحاسب قانونى اما الادارة ما ينفعش
انا تخصص محاسبة و مسجل نفسى فى السجل تحت التمرين
اما لو مش فى دماغك المحاسبة خش ادارة

الفكره يا استاذ حازم .. انى عمرى مافهمت اعمل قيد ازاى ولا اللغيه ازاى ولا ارحل ولا اودى فين
والمحاسبه مش مجال للابداع نهائى انت تقريبا بتكون زى الحافظ مش فاهم ..
انا مش هاقولك انى لو دخلت مجال التسويق هتلاقى الابدعات
نازله ترف بس هايبئى فيه مجال اكبر انك تفكر او انك ممكن فى يوم تبدع
والى مخلينى عايز اخش التسويق ده انى ناول انطلق فى مجال تسويق العربيات

المشاركة الأصلية كتبت بواسطة bHa2

بص انا ان شاء الله هتخصص محاسبه
وبعد ما اخلص كليه هبدأ اخد كورسات اداره
انا حابب الاداره الماليه لسببين فيها تشغيل دماغ و مستقبلها محترم
بغض النظر عن الامتحان بتاعها الاحد اللي فات
بس اول حاجه هاخد فيها كورسات بعد الكليه هي الاداره الماليه ان شاء الله
لاني ف الكليه هاخد ساب
بحيث اني اكون ضربت عصفور و نص بحجر واحد
محاسبه عربي
ساب "محاسبه انجلش"
واداره ان شاء الله بعد الكليه
قولي بقي انت ف جامعه عين شمس ولا ايه

مهو انت كده معملتش حاجه انت كده تقريبا عامل زى الممارس العام فى طب
عارف حاجه عن كل حاجه بس مش متخصص فى حاجه فيها كل وقتك
ومجهودك وتركيزك .. وانا فى تجاره عين شمس
مجموعه تنين .. ( المفروض رابعه بس بحب التعليم شويه )

المشاركة الأصلية كتبت بواسطة ahmed_nubira

اداره محاسبه طب هندسه مش هتفرق
الشغل بيجي من الخبره والتعود علي نظام الشغل حتي لو كنت شغال في صيدليه
وده للاسف اللي اكتشفته بعد ماتخرجت

الله ينور عليك يا احمد بيه ... هوا ده الى انا باصص عليه
الخبره وحبك للمجال ده .. وده الى قالهولى واحد قريبى برضو خريج محاسبه
وشغال تسويق وبيحضر دبلومه .. قالى شخ من الاول عشان متندمش على الوقت
لو انت حابب مجال التسويق

المشاركة الأصلية كتبت بواسطة AboELsoud

يااااااااااااااا عم مش لما نخلص امتحانات انت مش شايف الدكاتره بيعملوا فينا ايه ؟؟؟ :)
و الله بص انا شايف محاسبه افضل لانه بعد ما تخلص ممكن تشتغل فيها على طول في مكتب من غير اي كورسات

انما اداره صعب جداااا تشتغل بشهادتها بس و بيفضلوا اللي محضر فيها

الجيش لما بيطلب ظباط متخصصين من تجاره بيطلب قسم المحاسبه اللي معاه بكالريوس بس انما الاداره بيشترط يكون محضر ماجستير على الاقل

و في الاخر كله براحتك يعني لو مصمم ادخل و ان شاء الله هتمشي فيه

ربنا معانا في الامتحانات :)

جيش ومتخصصين انا داخل اداره .. :]
ونقطه الاداره و الكورسات قبل الشغل .. مش اوى
قريبى الى شغال فى المجال ده فضل شغال فيه فتره فى معرض عربيات كبير
قبل ما يفكر يحضر فيه ...