الموضوع: رحلتي لأوتو ايجيبت بالتيدا ..

المشاركة الأصلية كتبت بواسطة hagan

تسلم ايد حضرتك علي التقرير المميز جدا
و الي نقلت لنا فيه ادق التفاصيل
و كان لوقت طويل طريق اغلب التوكيلات افرع ( ابو رواش ) بمثل هذا السوء و لكن بعد ان تم افتتاح القرية الذكية في مدخل الطريق جعلت هناك اهتمام شوية بالكيلو 26
و ان شاء الله قريبا يتم السفلته لان المكان ده ليس به صرف صحي و لا مياه و لسه بعد دخول هذه الخدمات ان شاء الله المنطقة كلها تتغير
و بالنسبة للتأخير في التسليم فأتوقع انه فعلا ملحوظ بالفعل مع ان العمل الفعلي بالسيارة نراه جميعا لا يأخذ كل هذا الوقت و بنشاهد انتهاء الاعمال في وقت معقول
و لكن حين نسأل عن التأخير بعد السيارة من الورشة بتكون المشكلة الوحيدة هي ان المركز حتي الان مازال بيتم اجراء بعض الاستكمالات فيه بالفعل اي انه لم يعمل بكامل طاقته و لذلك فأن اعمال الغسيل تتم في مغسلة واحدة و هذا سبب التأخير في التسليم
عموما ربنا يكرمهم و يظلو علي تميزهم و يقلدهم باقي المراكز قريبا
الف مبروك لحضرتك علي الصيانة
تحياتي اليك

م.حاتم السباعي

الله يبارك فيك يا باشمهندس
كل حاجة تهون قصاد الخدمة المميزة إلي شفتها انهارده بجد

المشاركة الأصلية كتبت بواسطة omar_4ever

بسم الله الرحمن الرحيم

انا عربيتي نيسان تيدا هاتش باك 2006 عاملة 80 الف كيلو

كان عندي شوية حاجات بشتكي منها في العربية، وشفت ان كل الناس بتمدح في اوتو ايجيبت فقولت اروح واشوف بنفسي.

حجزت يوم الإثنين 11/6/2012 الساعة 9

بس للأسف مكنتش عارف الطريق فتهت شوية

انطباعي وانا رايح ان المركز مكانه فعلا سئ جدا وديه صور بتبين الشارع إلي المركز فيه :

تكسير ورمل واتجاهين







وصلت المركز الساعة 8:45 اي قبل معادي بربع ساعة، خدت رقم وكان اول رقم الحمد لله واستنيت لحد ما المهندس ييجي عشان اقوله عالمطلوب ويستلم مني العربية



المهندس اسمه / احمد عبد العزيز، بصراحة راجل محترم وفاهم شغله وخدوم جدا

الحاجات إلي كنت بشتكي منها في العربية :

1- ترزيع في الدركسيون عند الكسر يمين او شمال او على المطبات إلي فيها زلط

2 - القفل بتاع غطاء تانك البنزين واقع بايظ

3- اصوات تزييق من التابلوه

4- تركيب اريال (antenna ) عشان بتاعي اتسرق


المهم المهندس طلع جرب العربية بنفسه معايا ولقى فعلا موضوع الترزيع ده ملحوظ اوي
فاستلم مني العربية وقالي هنكشف عليها ونقولك فيها ايه.

رحت قعدت في صالة الإنتظار وبصراحة كانت حاجة نضيفة جدا وفيها تلفزيون وتكييف وكراسي مريحة وتقدر تتفرج على عربيتك وهما بيشتغلوا فيها




عربيتي الحمرا هناك اهي :10d5c8w1107:




وبعديها بشوية لقيت المهندس جي بينادي عليا وبيصدمني

العربية محتاجة الآتي :

2 مساعد امامي
2 مقصات
2 كاوتش كوبلين داخلي
2 بطاحة امامية
2 كاوتش مساعدين
قطمة دركسيون
فلتر هواء

طبعا انا اتصدمت من كل ده وخصوصا ان تكلفتهم عالية، فاتفقت معاه على تغير كل حاجة ما عدا المقصات وقولتله انا هروح اغيرلهم جلب في الحرفيين، لأن المشكلة مش في المقص نفسه وانما في الجلب وللاسف التوكيل مش بيغير جلب بيغير مقصات على طول وسعرهم 1156 جنيه لل2 مع بعض.


العربية دخلت الساعة 9 وطلعت الساعة 4 ومحدش يسالني ليه وكل ده وانا مستنى

ونيجي بقى للتكلفة كانت كالآتي /

فتلر هواء 137 جنيه
قطمة دركسيون 642 جنيه
2 كاوتش مساعدين 84 جنيه
2 مساعد امامي بسعر 852 للمساعد الواحد
2 بطاحة مساعدين بسعر 174 للبطاحة الواحدة
الإيريال بــ 103 جنيه
لمبة ب 5 جنيه

الإجمالي شامل الضريبة والمصنعيات : 3613 جنيه مصري

الإجمالي بعد خصم نايل موتورز : 3267 جنيه مصري

فقولت الحمد لله اجيب بالفرق ده جلب المقصات

انطباعي عن المركز :

مهندس الإستقبال : 9/10
السرعة في الشغل : 6/10
الإنطباع العام : 9/10

ناس فاهمة وعارفة هي بتعمل ايه ومش متكاسلين ابدا وبيتابعوا ورا بعض وكل شوية المهندس يطلع يجرب العربية
المركز نظيف جدا ومهتمين بإستراحة العملاء من حيث الترفيه تلفزيونات وغرفه لعب اطفال وكراسي مريحة وجرايد ومجلات وكافيتيريا ومكان مغلق للمدخنين.

عيب المركز مكانه بعيد وطريقه زي الزفت


وانا هناك بالصدفة شفت نيسان صني الجديدة لأول مرة على الطبيعة

بصراحة هي شكلها مش مقرف اوي زي في الصور بس هي مقبولة اكتر من ورا
وبالنسبة للوسع الداخلي فكل إلي لاحظته هو ان المسافة بين الكنبة والكراسي بقة اوسع عن الصني القديمة لكن الكراسي لسا صغيرة زي ما هي ولازالت التيدا صالونها اكبر واوسع

وصورتها صورتين كده عالسريع









وفي النهاية احب اقول انا بعد كده مش هتعامل مع اي مركز صيانة غير اوتو ايجيبت
وانصح كل الصقور انها مترحش غير هناك

المشاركة الأصلية كتبت بواسطة hagan

تسلم ايد حضرتك علي التقرير المميز جدا
و الي نقلت لنا فيه ادق التفاصيل
و كان لوقت طويل طريق اغلب التوكيلات افرع ( ابو رواش ) بمثل هذا السوء و لكن بعد ان تم افتتاح القرية الذكية في مدخل الطريق جعلت هناك اهتمام شوية بالكيلو 26
و ان شاء الله قريبا يتم السفلته لان المكان ده ليس به صرف صحي و لا مياه و لسه بعد دخول هذه الخدمات ان شاء الله المنطقة كلها تتغير
و بالنسبة للتأخير في التسليم فأتوقع انه فعلا ملحوظ بالفعل مع ان العمل الفعلي بالسيارة نراه جميعا لا يأخذ كل هذا الوقت و بنشاهد انتهاء الاعمال في وقت معقول
و لكن حين نسأل عن التأخير بعد السيارة من الورشة بتكون المشكلة الوحيدة هي ان المركز حتي الان مازال بيتم اجراء بعض الاستكمالات فيه بالفعل اي انه لم يعمل بكامل طاقته و لذلك فأن اعمال الغسيل تتم في مغسلة واحدة و هذا سبب التأخير في التسليم
عموما ربنا يكرمهم و يظلو علي تميزهم و يقلدهم باقي المراكز قريبا
الف مبروك لحضرتك علي الصيانة
تحياتي اليك

م.حاتم السباعي

شكرا لكاتب الموضوع
وللمهندس حاتم علي التعليق
لكم جزيل الشكر

تقرير جميل
مشكورر..

مبروووووووووووووووك ياباشا واحمد عبد العزيز انا اتعملت معاه وراجل فى قمة الاحترام وخدوم فعلاً

مبروووك على الصيانة .. عقبال صيانة ال 100000000000 isa

الف مبروووك عالصيانه واوتو ايجبن والمهندس احمد قمه في الذوق من ناحيه تانيه انت ليه كل الحاجات دي بتتغير انت عامل كام كيلو عشان كل ده