الموضوع: السادة نجوم هيونداي : تنبيه هام جدا

المشاركة الأصلية كتبت بواسطة toty_305

رأي الخاص : الموضوع مش مستاهل حذف أو نقل موضوع اللي عايز يقول رأيه يقول و معظم اللي بكتبوا الموضوع عن هيونداي بيكون معاه السياره هيونداي و يقوم بمقارنتها بواحده تانيه بردو قام بقيادتها لفتره معينه ف أيه ذنب كاتب الموضوع لو فيه حد كتب تعليق وحش و ده رايه بردو
-قسم المقارنات معمول عشان شراء سياره و النصائح و الكلام أي كلام عشان غالبا محدش يعرف شئ عن السيارات اللي بتكلموا عنها
-الفكره مش في المكان اللي فيه كلام مش صح الفكره في الكلام الناس أصلا اللي بتقول الكلام ده هتفرق أيه يعني القسم ده من غيره بردو هيفضل نفس الخناقات
-الخطأ من جميع النواحي : -ناس معاها هيونداي بتبالغ زي م تكون مرسيدس و ناس بتنزل بيها سابع أرض

سيدي الفاضل ..

رأيك يهمنا طبعا و في محله و لكن احنا بنطالب دلوقتي بأن يكون المنتدي أكثر حرفية
يعني أقسام السيارات تم أنشائها لتقوم بشرح كل شئ عن السيارة و أمكانياتها و تعريف الملاك و من يرغبون في شرائها في جمع المعلومات عنها

اما قسم المقارنات فلنا جميعا رؤية مختلفة و جديدة له بأن يتحول الي مقارنة محترفة كما يحدث بالخارج علي أن تتضمن المقارنة تجارب و أختبارات قيادة فعلية بواسطة متخصصين و محترفين للمنتدي بما يعرف "فريق نايل موتورز"

بذلك سنحقق هدفين مهمين :
1- الارتقاء بقسم المقارنات و بالتالي بالمنتدي كله و جعله أكثر أحترافية
2- تتفرغ الاقسام لمهمتها الاساسية في تجميع البيانات و المعلومات عن السيارات المختلفة بما يخدم أيضا قسم المقارنات نفسه

و الهدف الغير مباشر الذي نسعي اليه هو البعد عن الخلافات و المشادات بسبب التعصب لموديل كما أننا سنعمل في هذا الاطار الجماعي بروح الفريق التي بدأت بالفعل تسري و الحمد لله بين أقسام هيونداي و كيا و نيسان و هو ماتمثل في اللقاء الاسبوعي للأقسام الثلاثة و قريبا ستنضم لهم اقسام اخري

كلام جميل يا استاذ سمير .. تسلم ايدك :)